Максім Ермаловіч

Максім Ермаловіч
лац. Maksim Jermałovič
	Максім Ермаловіч; лац. Maksim Jermałovič
Намесьнік кіраўніка Адміністрацыі прэзыдэнта
	1 жніўня 2022 — 23 студзеня 2024
Прэзыдэнт	Аляксандар Лукашэнка
Папярэднік	Зьміцер Круты
Надзвычайны і Паўнамоцны Пасол Беларусі у Злучаным Каралеўстве Вялікабрытаніі і Паўночнай Ірляндыі
	20 ліпеня 2020 — 29 ліпеня 2022
Прэзыдэнт	Аляксандар Лукашэнка
Міністар фінансаў Беларусі
	31 жніўня 2018 — 3 чэрвеня 2020
Прэзыдэнт	Аляксандар Лукашэнка
Прэм’ер-міністар	Сяргей Румас
Папярэднік	Уладзімер Амарын
Наступнік	Юры Селівёрстаў
	2014 — 31 жніўня 2018
Прэзыдэнт	Аляксандар Лукашэнка
Асабістыя зьвесткі
Нарадзіўся	26 чэрвеня 1977 (48 гадоў); Лепель
Адукацыя	Полацкі дзяржаўны ўнівэрсытэт; Акадэмія кіраваньня пры прэзыдэнце Рэспублікі Беларусь;

Максі́м Леані́давіч Ермало́віч (нар. 26 чэрвеня 1977 году, Лепель, БССР) — беларускі дзяржаўны дзяяч, міністар фінансаў Рэспублікі Беларусь (2018—2020).

Жыцьцяпіс

Скончыў Полацкі дзяржаўны ўнівэрсытэт і Акадэмію кіраваньня. У 1999 годзе працаваў дзяржаўным падатковым інспэктарам інспэкцыі №2 Дзяржаўнага падатковага камітэту па Фрунзэнскім раёне Менску.

Ад ліпеня 1999 году па 2002 год займаў розныя пасады ў Дзяржаўным падатковым камітэце Беларусі (цяпер Міністэрства па падатках і зборах). У 2002 годзе перайшоў працаваць у Міністэрства фінансаў Беларусі. Займаў пасады кансультанта ўпраўленьня аналізу і плянаваньня даходаў бюджэту, намесьніка начальніка ўпраўленьня — начальніка аддзелу плянаваньня і ўліку даходаў бюджэту галоўнага ўпраўленьня падатковай палітыкі і даходаў бюджэту, начальніка галоўнага ўпраўленьня бюджэтнай палітыкі. У 2011—2014 гадах — намесьнік міністра фінансаў Беларусі. З 2014 да 2018 году працаваў першым намесьнікам міністра фінансаў.

31 жніўня прызначаны міністрам фінансаў Рэспублікі Беларусь^[1]^[2].

20 ліпеня 2020 году прызначаны Надзвычайным і Паўнамоцным Паслом Рэспублікі Беларусь у Злучаным Каралеўстве Вялікабрытаніі і Паўночнай Ірляндыі, Надзвычайны і Паўнамоцны Пасол Рэспублікі Беларусь у Ірляндыі па сумяшчальніцтвеу^[3].

29 ліпеня 2022 году ўлады адклікалі яго з Вялікабрытаніі і заявілі «аб паніжэньні ўзроўню дыпляматычнага прадстаўніцтва нашай краіны ў Лёндане да Часовага паверанага ў справах».

1 жніўня 2022 году прызначаны намесьнікам кіраўніка Адміністрацыі прэзыдэнта Рэспублікі Беларусь^[4].

23 студзеня 2024 году вызвалены з пасады намесьніка кіраўніка Адміністрацыі прэзыдэнта Рэспублікі Беларусь ў сувязі з тым, што зойме пасаду члена Калегіі (міністра) па канкурэнцыі і антыманапольным рэгуляваньні Эўразійскай эканамічнай камісіі.

Сацыяльныя сеткі

Ермаловіч — адзін зь нямногіх міністраў, хто вёў уліковыя запісы ў сацыяльных сетках^[5].

Крыніцы

↑ Лукашэнка прызначыў міністра энэргетыкі (4 месяцы не было) і міністра фінансаў. Што пра іх вядома, Радыё Свабода. 31-08-2018
↑ Лукашенко назначил двух новых министров — финансов и энергетики, Intex-press, 31.08.2018
↑ О М.Л.Ермоловиче Праверана 2020-08-18 г. Архіўная копія ад 2020-07-23 г.
↑ У Беларусі новы міністр, пасол у РФ і намеснік кіраўніка Адміністрацыі прэзідэнта. Якія яшчэ прызначэнні падпісаў Лукашенка, intex-press.by, 1-08-2022
↑ Працаголік, рыначнік, падабаецца Захаду: сем фактаў пра новага міністра фінансаў Максіма Ермаловіча, Наша Ніва, 31-08-2018

[1] Лукашэнка прызначыў міністра энэргетыкі (4 месяцы не было) і міністра фінансаў. Што пра іх вядома, Радыё Свабода. 31-08-2018

[2] Лукашенко назначил двух новых министров — финансов и энергетики, Intex-press, 31.08.2018

[3] О М.Л.Ермоловиче Праверана 2020-08-18 г. Архіўная копія ад 2020-07-23 г.

[4] У Беларусі новы міністр, пасол у РФ і намеснік кіраўніка Адміністрацыі прэзідэнта. Якія яшчэ прызначэнні падпісаў Лукашенка, intex-press.by, 1-08-2022

[5] Працаголік, рыначнік, падабаецца Захаду: сем фактаў пра новага міністра фінансаў Максіма Ермаловіча, Наша Ніва, 31-08-2018

[1]

[2]

[3]

[4]

[5]

п а р Надзвычайныя і Паўнамоцныя Амбасадары Рэспублікі Беларусь у Аб’яднаным Каралеўстве Вялікае Брытаніі ды Паўночнае Ірляндыі
Пачатак дыпадносінаў Адкрыцьцё амбасады	27 студзеня 1992 (34 гады таму) 1994
Амбасадары	Уладзімер Сянько (1994) Уладзімер Шчасны (1995—2000) Валеры Садоха (2000—2002) Аляксей Мажухоў (2002—2006) Аляксандар Міхневіч (2006—2012) Сяргей Алейнік (2013—2020) Максім Ермаловіч (2020—2022)