Аляксандар Дзегцяроў
| Аляксандар Дзегцяроў | ||
| ||
| Пэрсанальная інфармацыя | ||
|---|---|---|
| Нарадзіўся | 20 сакавіка 1986[1] (38 гадоў) | |
| Рост | 183 см | |
| Вага | 77 кг | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2003 | Тарпэда-БелАЗ | 4 (0) |
| 2005 | Віцебск | 12 (4) |
| 2006—2010 | Нафтан | 105 (15) |
| 2011 | Белшына | 7 (0) |
| 2011—2012 | Віцебск | 26 (13) |
| 2013 | Нафтан | 17 (0) |
| 2014 | Віцебск | 13 (2) |
| 2015 | Смаргонь | 23 (1) |
| 2016—2018 | Слонім-2017 | 58 (6) |
| 2018 | Ворша | 12 (1) |
| 2019 | Баранавічы | 6 (0) |
| Зборныя | ||
| 2004 | Беларусь (да 19)[d] | 5 (2) |
| 2006—2009 | Беларусь (да 21) | 18 (1) |
Аляксандар Дзегцяроў (нарадзіўся 20 сакавіка 1986 году, Віцебск, БССР) — колішні беларускі футбаліст, паўабронца. Аляксандар быў атакуюым паўабаронцам, аднак мог згуляць і на пазыцыі левага скрайняга нападніка.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Пачаў займацца футболам у 1993 годзе. Першымі трэнэрамі былі Асташэнка й Новікаў. Перайшоў у «Нафтан» у 2006 годзе зь віцебскага «Лякаматыва». У 2009 годзе разам з наваполацкім «Нафтанам» ён заваяваў свой першы тытул — Кубак Беларусі, у фінальным матчы якога быў перайграны салігорскі «Шахцёр». Таксама ў 2009 годзе ў матчы другога кваліфікацыйнага раўнду Лігі Эўропы, у якім «Нафтанам» быў абыграны бэльгійскі «Гент» зь лікам 2:1, Аляксандар адзначыўся двума забітымі мячамі. У чэмпіянаце Беларусі 2009 году Аляксандар забіў 4 галы й аддаў 3 галявыя перадачы ў 24 матчах.
У 2010 годзе пакінуў склад «Нафтана» й адправіўся выступаць у бабруйскую «Белшыну». Гэтае рашэньне Аляксандар лічыць сваёй вялікай памылкай. Паводле словаў гульца галоўны трэнэр бабруйскага клюбу Аляксандар Сяднёў запрашаў футбаліста ў якасьці аднаго з асноўных гульцоў, аднак пасьля некалькіх гульняў у складзе каманды Аляксандар быў пераведзены ў запас, зь якога ўжо не выходзіў, не зважаючы на добрыя намаганьні на трэніроўках клюбу[2]. У 2011 годзе перайшоў у склад «Віцебску», дзе адразу стаў другім найлепшым гульцом каманды, саступіўшы першы радок свайму партнэру па атацы Ігару Сьлесарчуку. Аднак добрая гульня Аляксандра не дапамагла клюбу захаваць месца ў вышэйшай лізе першынства, каманда заняла перадапошняе месца й у матчах плэй-оф была слабейшай за менскі «Партызан», які атрымаў пуцёўку ў мацнейшую лігу краіны, аднак быў расфармаваны, а віцебскі клюб быў паніжаны да першай лігі. На наступны сэзон гулец падоўжыў кантракт зь віцебскім клюбам[3]. У лютым 2013 году Дзегцяроў зноку стаў гульцом наваполацкага клюбу, пасьля таго як каманду ўзначаліў расейскі спэцыяліст Павал Кучараў[4][5]. У перадсэзонным часе вызначаўся добрым галявым паказчыкам, забіўшы галы ў брамы такіх камандаў, як бабруйская «Белшына», чарнагорская «Будучнаст» і румынскі «Сэджата»[6]. У студзені 2014 году вярнуўся ў «Віцебск»[7]. У кастрычніку 2014 году кантракт зь «Віцебскам» быў скасаваны па ўзаемнай згодзе бакоў[8]. У красавіку 2015 году падпісаў кантракт з клюбам «Смаргонь»[9][10]. У 2016—2018 гадах выступаў за клюб «Слонім»[11]. У жніўні 2018 году перайшоў у клюб «Ворша»[12]. У пачатку 2019 году выступаў за клюб «Баранавічы»[13], які пакінуў у ліпені 2019 году[14].
Міжнародная
[рэдагаваць | рэдагаваць крыніцу]Прыцягваўся да ўдзелу ў гульнях за моладзевую зборную Беларусі.
Дасягненьні
[рэдагаваць | рэдагаваць крыніцу]«Нафтан»:
- Уладальнік Кубка Беларусі: 2009
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Смаргонь | 2015 | Першая ліга | 23 | 1 |
| Слонім-2017 | 2016 | Першая ліга | 22 | 4 |
| 2017 | Першая ліга | 22 | 1 | |
| 2018 | Першая ліга | 14 | 1 | |
| Ворша | 12 | 1 | ||
| Баранавічы | 2019 | Першая ліга | 6 | 0 |
Крыніцы
[рэдагаваць | рэдагаваць крыніцу]- ^ а б в Aleksandr Degtyarev // Transfermarkt (мн.) — 2000.
- ^ Александр Дегтерев: «Белшина» – это моя большая ошибка, надеюсь, последняя» (рас.)
- ^ Дегтерев подписал контракт с «Витебском» до окончания первого круга(недаступная спасылка) (рас.)
- ^ Дегтерев перешел в «Нафтан»(недаступная спасылка) (рас.)
- ^ Александр Дегтерев перешел в «Нафтан» (рас.)
- ^ Александр Дегтерев: «Кучеров прививает нам остроатакующий голландский футбол»(недаступная спасылка) (рас.)
- ^ Дегтярев и Усачев перешли в «Витебск», Скитов продлил контракт с клубом (рас.)
- ^ «Витебск» расстался с Дегтеревым и Новиком (рас.)
- ^ 1-я лига. Заявки команд. Лига актуальных реформ: шестнадцать претендентов на три путевки в элиту (рас.)
- ^ Ганич, Метлицкий, Дегтерев и Гузик стали игроками ФК «Сморгонь» (рас.)
- ^ Первая лига. Заявки команд. «Гомель» Журавля и «Днепр» Седнева: видим цель — не видим преград? (рас.)
- ^ Дегтерев сменил «Слоним» на «Оршу» (рас.)
- ^ Первая лига. Анонс сезона. Желающих много. Путевок — две с половиной (рас.)
- ^ Пятеро игроков покинуло «Барановичи» (рас.)
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)
- Нарадзіліся 20 сакавіка
- Нарадзіліся ў 1986 годзе
- Нарадзіліся ў Віцебску
- Футбалісты клюбу «Тарпэда-БелАЗ» Жодзін
- Футбалісты клюбу «Віцебск»
- Футбалісты клюбу «Нафтан» Наваполацак
- Футбалісты клюбу «Белшына» Бабруйск
- Футбалісты клюбу «Смаргонь»
- Футбалісты клюбу «Слонім-2017»
- Футбалісты клюбу «Ворша»
- Футбалісты клюбу «Баранавічы»
- Футбалісты моладзевай зборнай Беларусі
- Беларускія футбалісты