Аляксандар Віктаравіч Чарвякоў
| Аляксандар Чарвякоў | |
 | |
| 7-ы Міністар эканомікі Беларусі | |
|---|---|
| 4 студзеня 2020 — дасюль | |
| Прэзыдэнт: | Аляксандар Лукашэнка |
| Прэм’ер-міністар: | Сяргей Румас |
| Папярэднік: | Зьміцер Круты |
| Першы намесьнік міністра эканомікі Беларусі | |
| лістапад 2018 — 3 студзеня 2020 | |
| Намесьнік міністра эканомікі Беларусі | |
| студзень 2017 — лістапад 2018 | |
| Асабістыя зьвесткі | |
| Нарадзіўся: |
1966 Бабінічы, Аршанскі раён, Віцебская вобласьць, Беларуская ССР, СССР |
| Бацька: | Віктар Чарвякоў |
| Адукацыя: | Беларуская дзяржаўная сельскагаспадарчая акадэмія (1988) |
| Узнагароды: |
 |
Алякса́ндар Ві́ктаравіч Чарвяко́ў (нар. 1966, в. Бабінічы, Аршанскі раён, Віцебская вобласьць, цяпер Беларусь) — беларускі дзяржаўны дзяяч і эканаміст.
7-ы міністар эканомікі Беларусі (з 2020 году). Кандыдат тэхнічных навук (2002), дацэнт. Аўтар і сааўтар 7 манаграфіяў, навучальных і даведачных дапаможнікаў, звыш 90 навуковых прац, 4 вынаходак.
Жыцьцяпіс[рэдагаваць | рэдагаваць крыніцу]
У 1988 годзе скончыў Беларускую дзяржаўную сельскагаспадарчую акадэмію. У 1988—1991 гадах працаваў інжынэрам, вядучым інжынэрам-мэханікам у саўгас-камбінаце «Юбілейны» Аршанскага раёну. З 1991 да 1994 вучыўся ў асьпірантуры БДСГА.
У 1994—2010 гадах — асыстэнт, выкладчык, старэйшы выкладчык, дацэнт, дактарант катэдры мэханізацыі жывёлагадоўлі і электрыфікацыі сельскагаспадарчай вытворчасьці БДСГА. У 2010—2017 гадах — дырэктар ДНУ «НДЭІ Мінэканомікі Рэспублікі Беларусь».
З студзеня 2017 году — намесьнік міністра эканомікі Беларусі. Зь лістапада 2018 году — першы намесьнік міністра эканомікі. 4 студзеня 2020 году прызначаны Міністрам эканомікі Рэспублікі Беларусь[1].
Узнагароды[рэдагаваць | рэдагаваць крыніцу]
17 жніўня 2021 году ўзнагароджаны мэдалём «За працоўныя заслугі» — «за шматгадовую плённую працу ў органах дзяржаўнага кіраваньня, бездакорнае выкананьне службовых абавязкаў, значны асабісты ўклад у сацыяльна-эканамічнае разьвіцьцё» Беларусі[2].
Крыніцы[рэдагаваць | рэдагаваць крыніцу]
- ^ Знайшлі замену Крутому. У Беларусі прызначылі міністра эканомікі, Радыё Свабода, 4-01-2020
- ^ А. Лукашэнка. Указ прэзыдэнта Рэспублікі Беларусь ад 17 жніўня 2021 г. № 311 «Аб узнагароджаньні» // Нацыянальны прававы інтэрнэт-партал Рэспублікі Беларусь, 20 жніўня 2021 г. Архіўная копія ад 17 жніўня 2021 г. Праверана 21 жніўня 2021 г.