Істанбул Башакшэхір
| Істанбул Башакшэхір | ||||||
 | ||||||
| Заснаваны | 2014 | |||||
|---|---|---|---|---|---|---|
| Горад | Стамбул, Турэччына | |||||
| Стадыён |
Башакшэхір Фатых Тэрым Умяшчальнасьць: 17 300 | |||||
| Прэзыдэнт | Гэксэль Гюмюшдаг[d] | |||||
| Галоўны трэнэр | ||||||
| Чэмпіянат | Супэрліга | |||||
| · 2023—2024 | 4 месца | |||||
| ||||||
 Галерэя здымкаў у Вікісховішчыibfk.com.tr (тур.) | ||||||
«Істанбул Башакшэхір» (па-турэцку: İstanbul Başakşehir) — турэцкі футбольны клюб з гораду Стамбулу, базуецца ў раёне Башакшэхір. Заснаваны ў 1990 годзе. Упершыню клюб дамогся права выступу ў найвышэйшых турэцкім дывізіёне ў сэзоне 2007—2008 гадоў. Хатнія матчы клюб праводзіць на стадыёне «Фатых Тэрмім» у Стамбуле і знаходзяцца ў падпарадкаваньні Міністэрства моладзі і спорту Турэччыны. У 2016—2017 гадох клюб упершыню ў сваёй гісторыі стаў срэбным прызэрам турэцкага першынства. У сэзоне 2018—2019 гадоў паўтарыў гэтае дасягненьне. Апошнімі гадамі клюб стала выступае ў эўрапейскіх турнірах, як то Ліга чэмпіёнаў і Ліга Эўропы.
Гісторыя
[рэдагаваць | рэдагаваць крыніцу]Клюб быў заснаваны ў 1990 годзе. Ранейшай назвай клюбу была «ISKI SK», сам клюб належыў кампаніі па разьмеркаваньні вады. «ISKI SK» спаборнічаў у рэгіянальнай аматарскай футбольнай лізе ў сэзоне 1990—1991 гадоў і трапіў у Другую лігу Турэччыны. Пасьля прасоўваньня назва клюбу зьмянілася на «Істанбул Бююкшэхір Бэледыесі». Клюб выступаў у Другой лізе да 1996 году, але пасьля сэзону 2006—2007 гадоў яны прасунуліся ў Супэрлігу.
У дэбютным сэзоне 2007—2008 гадоў клюб заняў 12 радок у выніковай табліцы, што дазволіла яму застацца ў Супэрлізе на наступны сэзон. У сэзоне 2009—2010 гадоў клюб заняў 6-е месца. У сезоне 2012—2013 гадоў клюб заняў 16-е месца і вылецеў у Першую лігу (гэтак стала называцца Другая ліга). Аднак, клюб неадкладна вярнуўся ў найвышэйшы турэцкі дывізіён, здабыўшы перамогу ў спаборніцтве Першае лігі наступным годам. У чэрвені 2014 году назва клюбу зьмянілася на сёньняшнюю[1], акрамя таго клюб быў перафарматаваны. То бок, за клюб пачаў адказваць раён Башакшэхір, бо ў мінулым кіраваньне клюбам ажыцьцяўлялася гарадзкім муніцыпалітэтам Стамбулу. Разам са зьменамі ў кіраўніцтве зьмяніліся эмблема і клюбныя колеры гульнявой формы футбалістаў каманды. Наступнымі сэзонамі клюб займаў 4-ы радок два гады запар.
Дзякуючы добрым вынікам клюб атрымаў магчымасьць выступіць і Лізе Эўропы ў сэзоне 2015—2016 гадоў. Дэбют, аднак, не задаўся, бо ў трэцім кваліфікацыйным раундзе турніру турэцкі клюб двойчы трываў паразу ад нідэрляндзкага АЗ і, у выніку, адразу вылецеў з розыгрышу. Наступным сэзонам клюб здолеў пераадолець трэці кваліфікацыйны раўнд Лігі Эўропы, зь цяжкасьцю прайшоўшы харвацкую «Рыеку», дзякуючы большай колькасьці галоў, забітых у гасьцёх. У наступным раўнд, клюб двойчы трымаў паразу украінскаму «Шахтару», саступіўшы ўкраінскаму клюбу права выступу ў групавым раўндзе.
Склад
[рэдагаваць | рэдагаваць крыніцу]- Актуальны на 13 верасьня 2024 году
|
|
