Фрунзэнскі раён (Менск)

	Фрунзэнскі раён
	Герб
Гімн	«Песьня пра Фрунзэнскі раён»
Агульныя зьвесткі
Краіна	Беларусь;
Статус	унутрыгарадзкі раён[d]
Уваходзіць у	Менск
Дата ўтварэньня	17 красавіка 1951
Кіраўнік	Сяргей Анатолевіч Шкруднеў[d]
Насельніцтва	463 188 чал. (2019);
Плошча	43 км²;
Вышыня па-над узр. м.; · сярэдняя вышыня	; 248 м
Месцазнаходжаньне Фрунзэнскага раёну
Мэдыя-зьвесткі
Часавы пас	+3
Летні час	+3
Тэлефонны код	17
Паштовыя індэксы	220015, 220017, 220018, 220019, 220022, 220073, 220074, 220079, 220082, 220093, 220121, 220124, 220128, 220136 і 220140
Код аўтам. нумароў	BY
	Афіцыйны сайт
	Дадатковыя мультымэдыйныя матэрыялы

Фру́нзэнскі раён — адміністрацыйны раён Менску, утвораны ў 1951 року. Найбуйнейшы раён Менску як паводле плошчы (4,3 тыс. га), так і паводле колькасьці жыхароў (463 188 чалавек паводле вынікаў перапісу 2019 году). Носіць імя расейскага бальшавіка Міхаіла Фрунзэ.

Геаграфія

Найбуйнейшы раён Менску плошчаю 4,3 тыс. га. Разьмешчаны ў паўночна-заходняй частцы места. Мяжуе зь Менскім раёнам і Цэнтральным ды Маскоўскім раёнамі Менску.

Уключае мікрараёны Сухарава, Захад, Красны Бор, Мядзьвежына, Кунцаўшчына, Каменная Горка, Дамброўка, Масюкоўшчына. На думку мовазнаўца Вінцука Вячоркі, межы раёну не супадаюць з гістарычнымі мясцовасьцямі Менску, а раён і вуліцы маюць палітызаваныя камуністычныя назвы^[4].

Гісторыя

Раён утвораны 17 красавіка 1951 року ў сувязі з буйным паваенным разьвіцьцём Менску. Названы ў гонар Міхаіла Фрунзэ — вайскавода Грамадзянскай вайны ў Расеі, першага начальніка міліцыі Менску.

У 1978 року ў склад раёну ўвайшлі вёска Вялікае Мядзьвежына і пасёлак Бараноўшчына, побач зь якімі пачалося будаўніцтва мікрараёну Захад.

У пачатку 1990-х рокаў пачалося ўзьвядзеньне мікрараёну Сухарава. У 1998 року вёска Сухарава таксама ўключаная ў склад раёну. Пачаў забудоўвацца раён Красны Бор.

У 2000 року тэрыторыя Фрунзэнскага раёну між чыгункай Менск — Маладэчна і праспэктам Пераможцаў перададзеная Цэнтральнаму раёну, граніца раёнаў прайшла па чыгунцы, вуліцах Максіма Танка і Ціміразева.

У 2004 року ў склад раёну ўвайшлі вёска Масюкоўшчына і пасёлак Кунцаўшчына, а таксама безыменныя тэрыторыі ўнутры Менскай кальцавой аўтадарогі, якія ўтварылі мікрараёны Дамброўка і Каменная Горка.

Турыстычная інфармацыя

На рагу вуліцаў Берута і Прытыцкага знаходзіцца адныя з найстарэйшых могілак Беларусі — Кальварыйскія з помнікам архітэктуры XIX стагодзьдзя (брамай 1840 року пабудовы).

20 ліпеня 2013 году ў мікрараёне Сухарава асьвяцілі храм арханёла Міхаіла, дзе часткова ладзяцца набажэнствы па-беларуску.

Транспарт

Станцыі мэтро Аўтазаводзкай лініі «Моладзевая», «Пушкінская», «Спартовая», «Кунцаўшчына», «Каменная Горка».

Эканоміка

На тэрыторыі раёну дзейнічаюць 22 прамысловыя прадпрыемствы.

Пералік прамысловых прадпрыемстваў Фрунзэнскага раёну
Вытворчае аб’яднаньне «Сукно» Менскі завод халадзільнікаў Менская ЦЭЦ №4 Менскі завод ацяпляльнага абсталяваньня Менскзяленбуд Управа дарожна-маставога будаўніцтва і добраўпарадкаваньня Менгарвыканкаму Фабрыка галаўных убораў „Людміла“ Менская лесапаркавая гаспадарка Паліграфічны камбінат «Чырвоная Зорка» «Сьвятлопрыбор» «Мапід» Менскі завод будаўнічых матэрыялаў Менскі завод сродкаў комплекснай аўтаматызацыі

Глядзіце таксама

Крыніцы

^ Геральдика и гимн Фрунзенского района (рас.). Адміністрацыя Фрунзэнскага раёну гораду Менску. Праверана 18 верасьня 2020 г.
^ GeoNames (анг.) — 2005.
^ ^а ^б ^в ^г ^д ^е ^ё ^ж ^з ^і ^к ^л ^м ^н ^о http://www.tamby.info/minsk/index-minsk.htm
^ Вячорка В. Як палюбіць Савецкі раён?, Радыё Свабода, 22.06.2016 г.

Вонкавыя спасылкі

Фрунзэнскі раён (Менск) — сховішча мультымэдыйных матэрыялаў

[1] Геральдика и гимн Фрунзенского района (рас.). Адміністрацыя Фрунзэнскага раёну гораду Менску. Праверана 18 верасьня 2020 г.

[_4a4d9045b196b933-2] GeoNames (анг.) — 2005.

[_b08a6ec8cda10723-3] а ^б ^в ^г ^д ^е ^ё ^ж ^з ^і ^к ^л ^м ^н ^о http://www.tamby.info/minsk/index-minsk.htm

[viacorka-4] Вячорка В. Як палюбіць Савецкі раён?, Радыё Свабода, 22.06.2016 г.

[1]

[2]

[3]

[4]