Злоты: розьніца паміж вэрсіямі
д робат дадаў: bg:Полска злота |
д робат зьмяніў: id:Złoty |
||
Радок 79: | Радок 79: | ||
[[hr:Poljski zlot]] |
[[hr:Poljski zlot]] |
||
[[bpy:পোলিস জ্লোটে]] |
[[bpy:পোলিস জ্লোটে]] |
||
[[id: |
[[id:Złoty]] |
||
[[it:Złoty polacco]] |
[[it:Złoty polacco]] |
||
[[he:זלוטי]] |
[[he:זלוטי]] |
Вэрсія ад 16:58, 20 чэрвеня 2010
Злоты | |
Краіна | Польшча |
---|---|
Падзел | грош |
Код ISO-4217 | PLN |
Сымбаль | zł |
Цэнтральны банк | Польскі народны банк |
Увядзеньне ва ўжытак | 11 студзеня 1924 |
Папярэдняя валюта | польская марка |
Абменны курс: () | 4,32 EUR |
Галерэя выяваў у Вікісховішчы |
Злоты (польск.- Złoty, скарочана - zł, актуальны код ISO 4217 PLN) – афіцыйная грашовая адзінка Польшчы, складаецца са 100 грошаў.
Гісторыя злотага
Рэч Паспалітая Абодвух Народаў
Першапачаткова ў 14 і 15 стагодзьдзях злотым называліся замежныя залатыя дукаты, што траплялі ў абарот Польшчы. Пачаткова яны былі прыроўненыя да 14 грошаў. Ухвала Сэйму 1496 году прызначыла курс злотага роўным 30 срэбным грошам. Аднак з-за рознага зьмяненьня вартасьці залатых і срэбных манэтаў гэты курс доўга не пратрымаўся. Таму злоты застаўся грашова-разьліковай адзінкай, роўнай 30 грошам, якая таксама называлася флярэнам. Дукат атрымаў назву «чырвоны злоты».
Пэўны час злоты заставаўся няіснай рахункавай адзінкай. Упершыню ў манэце ён з'явіўся ў 1663 годзе ў выглядзе тымфу.
У 17 стагодзьдзі чырвоны злоты быў роўны 4-6 злотым. Пад час грашовай рэформы караля Станіслава Панятоўскага злоты стаў адзінкай роўнай 30 грошам. Гэтая вартасьць пратрымалася да канца існаваньня за часамі Варшаўскага Княства і Каралеўства Польскага. Варшаўская мынца выбівала манэты наміналам злоты да 1841 году.
Польская Рэспубліка (1918—1939)
25 красавіка 1924 году дзякуючы праведзенай грашовай рэформе міністрам фінансаў Уладзіславам Грабскім ў РП польская марка была заменена на злоты. Новая валюта была прывязаная да золата. Вартасьць 1 злотага была роўная 0,1687 грама золата.
Сярод іншых прапановаў пры выбары назвы былі - "лех" і "пол" (накшталт літа і лата). Але перамагал назва гістарычна зьвязаная з Польшчай.
Нямецкая акупацыя
Пад час нямецкай акупацыі Польшчы ў 1939-1944 немцы выпусьцілі ў абарот на землях Генэральнага Губэрнатарства новыя грошы, з той самай назваю - злоты. Перадваенныя польскія банкноты былі ў 1940 годзе замененыя на акупацыйныя. Меўся ліміт абмену адрозны для немцаў, палякаў і жыдоў. Акупацыйныя злотыя выдаваліся праз "Эмісыйны Банк у Польшчы" зь сядзібаю ў Кракаве. Гэта была адзіны інстытут ў Трэцім Райху, дзе афіцыйна мелася назва Польшча. Кіраваў банкам Фелікс Млынарскі, перадваенны віцэ-шэф Польскага Банку. Млынарскі таемна супрацоўнічаў з урадам Польшы на эміграцы. банкоты мелі надпісы па польску, але не было на іх польскага арла і іншых польскіх сымбаляў. Ад прозьвішча Млынарскага банкноты ў народзе былі названыя "млынаркі".
Польская Народная Рэспубліка
Пасьля вызвальеньня Польшчы ад немцаў у 1944 савецкія ўлады выпусьцілі папяровыя грошы наміналам 1, 2, 5, 10, 20, 50, 100 і 500 zł, а таксама ў 1945 - 1000 zł.
30 кастрычніка 1950 у краіне былі ўведедзены новы грошы, якія абменьваліся ў стасунку 100:3 для заробкаў і 100:1 для банкнотаў у абароце і на банкаўскіх рахунках. Манэты мелі вартасьць 1, 2, 5, 10, 20, 50 gr i 1 zł. Банкноты - 2, 5, 10, 20, 50, 100 i 500 zł. Банкноты 2 і 5 zł былі ў 1960 годзе абменяны на манэты. У 1965 была выведзена з ўжытку банкнота 10 zł. У 1966 выдадзена новая банкнота вартасьцю 1000 zł.
У 1975 адбыліся зьмена банкнотаў: на банкнотах замест працоўнага люду зьмясьцілі Выбітных дзеячоў Польшчы.
У 1976 дадалася банкнота 200 zł, у 1977 - 2000 zł, а 20 zł была заменана манэтамі. Пад час вайсковага стану ў 1982 з-за інфляцыі надрукавалі банкноты вартасьцю 5000 zł, затое манэты 10 і 20 zł былі заменаны на банкноты ў сувязі з бракам мэталю (біцьцё манэт аднавілі ў 1986).
Гіпэрінфляцыя на пераломе 80-х і 90-х сталася вынікам выпуску дадаковых наміналаў - 10 000 zł (1987), 20 000 zł (1989), 50 000 zł (1989), 100 000 zł (1990), 200 000 zł (1989), 500 000 zł (1990), 1 000 000 zł (1991) i 2 000 000 zł (1993).
Рэспубліка Польшча
Інфляцыя, што адбывалася за часмі РПЛ засталася ў "спадчыну" і дэмакратычнай Польшчы. Нацыянальны Банк Польшчы (Narodowy Bank Polski) пастанавіў правесьці дэнамінацыю злотага "у чатыры нулі" (10 000 PLZ = 1 PLN). Ажыцьцявілі яе 1 студзеня 1995 году. Польская валюта атрымала новы код ISO 4217. Першыя банкноты былі надрукаваныя ў 1994 у Вялікай Брытаніі. Да 31 сьнежня 1996 абмен старых грошай на новыя адбываўся ва ўсіх банкавых установах і гандлёвых кропках краіны.
Ад 1 студзеня 1997 да 31 сьнежня 2010 старыя злотыя магчыма абмяняць толькі ў адмыслова вызначаных банках.
Сучасныя наміналы
- манэты грашовыя: 1 gr, 2 gr, 5 gr, 10 gr, 20 gr, 50 gr
- манэты златовыя: 1 zł, 2 zł, 5 zł (існуюць шмат калекцыянэрскіх менэт вартасьцю 2 zł, срэбраныя - 10 i 20 zł і залатыя - 100 i 200 zł)
- банкноты
- часта ўжываныя: 10, 20, 50 i 100 zł
- рэдка ўжываныя: 200 zł
Наяўныя абменныя курсы для PLN
Зьвесткі з Yahoo! Finance: | AUD CAD CHF EUR GBP HKD JPY USD |
Зьвесткі з Investing.com: | AUD CAD CHF EUR GBP HKD JPY USD |
Зьвесткі з XE.com: | AUD CAD CHF EUR GBP HKD JPY USD |
Зьвесткі з OANDA.com: | AUD CAD CHF EUR GBP HKD JPY USD |
Вонкавыя спасылкі
Злоты — сховішча мультымэдыйных матэрыялаў