Дацкая крона

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Дацкая крона
Краіна Данія
Падзел эрэ
Код ISO-4217 DKK
Абменны курс:
(22 красавіка 2009)
5,757 за 1 USD

Дацкая крона (па-дацку: Danske krone, код валюты ISO 4217DKK) – афіцыйная валюта Даніі, таксама ўжываецца ў Грэнляндыі і на Фарэрскіх выспах. Крона дзеліцца на 100 эрэ.

Існуюць манэты вартасьцю 1, 2, 5, 10, 20 крон і 50 эрэ. 1 кастрычніка 2008 году манэта вартасьцю 25 эрэ была выведзена з абарачэньня (яе можна было разьмяняць у банках да 1 кастрычніка 2011 году). Банкноты вартасьцю 50, 100, 200, 500 і 1000 крон.

Крона была ўведзена ў абарачэньне ў 1873 годзе, у выніку стварэньня Скандынаўскага манэтарнага зьвязу. Да зьвязу, акрамя Даніі, далучыліся Швэцыя і Нарвэгія. І хоць зьвяз распаўся адразу пасьля Першай сусьветнай вайны, скандынаўскія краіны захавалі назвы сваіх валютаў, і валюты ў Швэцыі і Нарвэгіі таксама называюцца кронамі.

Нягледзячы на тое, што Данія ўваходзіць у склад Эўрапейскага Зьвязу, пакуль пераход краіны на эўра не плянуецца, у выніку таго, што ў 2000 годзе быў праведзены рэфэрэндум на якім 53,2% насельніцтва Даніі выказаліся супраць гэтага.

Вонкавыя спасылкі[рэдагаваць | рэдагаваць крыніцу]

Commons-logo.svg Дацкая кронасховішча мультымэдыйных матэрыялаў