13 сьнежня

13 сьне́жня — 348-ы дзень году (347-ы ў невысакосным годзе) паводле Грыгарыянскага календару. Да канца году застаецца 19 дзён.

Падзеі

• 1545 — распачаўся Трыдэнцкі сабор
• 1575 — у выніку вольнай элекцыі ў Варшаве Ганну Ягелонку абралі каралевай і вялікай княгіняй, аднак неўзабаве ўлада і тытул перайшлі да яе новага мужа Стэфана Баторыя
• 1595 — запароскія казакі С. Налівайкі захапілі Магілёў, разрабавалі і спалілі яго (у тым ліку шэраг цэркваў)
• 1620 — Ворша атрымала герб
• 1919 — адбыўся раскол Рады БНР на Найвышэйшую Раду і Народную Раду БНР. Старшынём Рады БНР стаў Пётра Крэчэўскі
• 1981 — у зьвязку з ростам папулярнасьці прафсаюзу «Салідарнасьць» камуністычныя ўлады ўвялі ў Польшчы ваеннае становішча
• 1994 — у Масачусэцкім тэхналягічным інстытуце (ЗША) прайшла першая арганізацыйная сустрэча кансорцыюму World Wide Web, створанага як міжнародная асацыяцыя для распрацоўкі і пашырэньня ўніфікаваных пратаколаў перадачы зьвестак у інтэрнэце

Нараджэньні

• 1797 — Генрых Гейнэ, нямецкі паэт
• 1816 — Эрнст фон Сымэнс, нямецкі вынаходнік і заснавальнік аднайменнай фірмы
• 1873 — Валеры Брусаў, расейскі літаратар-мадэрніст
• 1886 — Дыега Рывэра, мэксыканскі мастак
• 1907 — Мікалай Лапіцкі, сьвятар, настаяцель першай беларускай царквы на эміграцыі (Рэгенсбург)

Сьмерці

• 1466 — Данатэла, італьянскі мастак
• 1603 — Франсуа Віет, францускі матэматык
• 1894 — Хуан Ляон Мэра, эквадорскі пісьменьнік
• 1919 — Платон Жуковіч, расейскі гісторык Беларусі, Польшчы і Ўкраіны XVII—XVIII стагодзьдзяў
• 2006 — Лаёла дэ Паласіё, гішпанская палітычная дзяячка

Сьвяты

• У Беларусі традыцыйна ўшаноўваецца Андрэй. Як адзначае этнограф Уладзімер Васілевіч, дзень сьвятога Андрэя асабліва славіўся варажбою дзяўчат: «Сьвяты Андрэю, я каноплі сею, дай мне знаць, з кім буду рваць». Каб жаданьні збываліся, дзяўчаты цэлы дзень пасьцілі і пазьбягалі размоваў. Станоўчы або адмоўны вынік гэтай варажбы можна было пабачыць толькі вясною, калі пасеянае ўзыходзіла або не.
•  Мальта: Дзень Рэспублікі