58-я армія (Расея)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
58-я Армія (58А)
па-расейску: 58-я Армия (58А)
Big58.jpg
Вялікая эмблема 58А
Краіна Расея Расея
Падпарадкаваньне Камандуючаму 58А (Глядзіце Камандуючыя)
Уваходзіць у Паўночна-Каўкаская вайсковая акруга, затым Паўднёвая вайсковая акруга
Тып армія
Функцыя абарона
Колькасьць аб’яднаньне
Дысьлякацыя Паўднёвая вайсковая акруга
Войны Першая расейска-чачэнская вайна
Уварваньне ў Дагестан
Другая расейска-чачэнская вайна
Вайна ў Паўднёвай Асэтыі (2008)
Дзейны камандзір Камандуючы Андрэй Гурулёў
Вядомыя камандзіры Уладзімер Шаманаў
Нарукаўны знак 58А, СКВО, 2005 год
2008 год, Пуцін у 33-й асобнай мотастралковай горнай брыгадзе. Справа — міністар абароны Анатоль Сярдзюкоў, камандзір брыгады палкоўнік Уладзімер Сокалаў

58-я армія (58 А) — апэратыўнае вайсковае аб’яднаньне (Армія) у складзе Ўзброеных сілаў Расейскай Фэдэрацыі, 4-е фармаваньне. Сфармаваная ў 1995 годзе для абароны паўднёвых межаў Расеі як пераемніца 58А Узброеных сілаў СССР, якая ўдзельнічала ў 1942—1943 гадах на Паўночным Каўказе.

Штаб — горад Уладзікаўказ, пасёлак Спутнік.

Склад[рэдагаваць | рэдагаваць крыніцу]

У склад 58-й Арміі ўваходзяць:

а таксама іншыя злучэньні і часьці

Усяго асабовы склад каля 70 000 чалавек. У арсэнале арміі знаходзяцца 609 танкаў, амаль 2 тысячы БМП і БТР, 125 мінамётаў і гарматаў, 190 усталёвак «Град» і 450 зенітных сыстэм.

Камандуючыя[рэдагаваць | рэдагаваць крыніцу]

Храналёгія[рэдагаваць | рэдагаваць крыніцу]

Камандна-штабныя вучэньні (2002)[рэдагаваць | рэдагаваць крыніцу]

У 2002 годзе ва Ўладзікаўказе былі праведзеныя камандна-штабныя вучэньні частак і падразьдзяленьняў 58-й арміі. Па легендзе вучэньняў умоўны супраціўнік прарываўся з тэрыторыі Грузіі ў высакагорнай мясцовасьці, а расейскія войскі займаюць абарону. На адным з этапаў вучэньняў падразьдзяленьні 58-й арміі забясьпечвалі бясьпеку расейскага міратворчага кантынгенту ў Паўднёвай Асэтыі, які складаецца зь некалькіх сотняў вайскоўцаў 58-й арміі. Паводле паведамленьня начальніка прэс-службы камандуючага войскамі Паўночна-Каўкаскай вайсковай акругі палкоўніка Генадзя Алехіна мэтай вучэньньяў зьяўлялася адпрацоўка ўзаемадзеяньня штабаў і вайсковых частак, дысьлякаваных па ўсім Паўночнаму Каўказу, ад Чорнага мора да Дагестану.[6]

Бяслан (1-3 верасьня 2004)[рэдагаваць | рэдагаваць крыніцу]

Падразьдзяленьні 58-й арміі ўдзельнічалі ў вызваленьні закладнікаў у Бяслане 1—3 верасьня 2004 году. Недалёка ад школы, дзе ўтрымліваліся закладнікі, быў разгорнуты апэратыўны штаб 58-й арміі, палявы шпіталь, для аказаньня дапамогі тым, хто выйдзе з будынка. Часьці арміі ўдзельнічалі ў штурме школы, разьмінаваньні памяшканьняў і выратаваньні пакінутых у будынку закладнікаў.[2]

Вайсковыя вучэньні (2006)[рэдагаваць | рэдагаваць крыніцу]

Напачатку верасьня 2006 году праводзіла шырокамаштабныя вайсковыя вучэньні на тэрыторыі трох рэспубалік РФ (Паўночнай Асэтыі, Кабардына-Балкарыі і Інгушэтыі). Па легендзе вучэньняў, мяжу ў раёне, падкантрольным падразьдзяленьням арміі, прадралі войскі суседняй дзяржавы. На супрацьстаяньне «агрэсарам» былі кінуты тры тысячы салдат і афіцэраў і 500 адзінак баявой тэхнікі.[7]

Вайна ў Паўднёвай Асэтыі (2008)[рэдагаваць | рэдагаваць крыніцу]

8 жніўня 2008[рэдагаваць | рэдагаваць крыніцу]

18:24 — Дзьве танкавыя калёны 19-й мотастралковай дывізіі[8] 58-й арміі УС Расеі абмінулі Цхінвалі па Зарской дарозе і Транскаўкаскай магістралі і пачалі абстрэл пазыцыяў грузінскіх вайскоўцаў. Грузінскім войскам прыйшлося пакінуць Цхінвалі.[9]

19:37 — Падразьдзяленьні 58-й расейскай арміі здушылі грузінскія агнявыя пункты, якія абстрэльвалі горад і пазыцыі расейскіх міратворцаў.

9 жніўня 2008[рэдагаваць | рэдагаваць крыніцу]

09:36 — Падразьдзяленьне 58-й арміі Паўночна-Каўкаскай вайсковай акругі прадралася да базавага лягеру расейскіх міратворцаў у Цхінвалі.[10]

11:56 — Па заяве галоўнакамандуючага Сухапутных войскаў Уладзімера Балдырова падразьдзяленьні 58-й арміі цалкам ачысьцілі Цхінвалі ад грузінскіх вайскоўцаў. Раней ваюючыя бакі неаднаразова паведамлялі пра тое, што Цхінвалі знаходзіцца пад іх кантролем.[11]

Днём у засаду /пад артылерыйскі абстрэл/ трапіла штабная калёна 58-й арміі, якая прасоўвалася па акруговай дарозе да Цхінвалі. Калёна панесла вялікія страты, з 30 машын ацалела толькі 5. Сярод іншых раненьні атрымаў камандуючы войска Анатоль Хрулёў і журналісты расейскага тэлеканалу «Весьці». Параненыя дастаўлены ў шпіталь ва Уладзікаўказе.[12][13]

Ваенныя трафеі[рэдагаваць | рэдагаваць крыніцу]

Паводле заяваў расейскіх генэралаў усяго падчас вайны ў Паўднёвай Асэтыі сіламі 58-й арміі было захоплена 65 танкаў, некалькі дзясяткаў адзінак іншай бронетэхнікі, у тым ліку пяць комплексаў СПА «Аса», 15 баявых машын пяхоты БМП-2, артылерыйскія гарматы Д-30, а таксама самаходныя артылерыйскія ўсталёўкі чэскай вытворчасьці і амэрыканскія бронетранспартэры. Раней, падчас адступу грузінскія вайскоўцы пакінулі ў ангарах і на складах вайсковай базы поруч гораду Горы 15 танкаў, дзясяткі бранемашын і артылерыйскіх гармат, снарады і ракеты. Частка боепрыпасаў была зьнішчана, а частка вывезена за межы Грузіі. На іншай вайсковай базе, у горадзе Сэнакі, якая таксама была без бою пакінута грузінскімі войскамі, расейскія вайскоўцы вынялі 1728 адзінак зброі, у тым ліку 764 вінтоўкі M-16 (вытворчасьці ЗША), 28 кулямётаў M240 (таксама амэрыканскай вытворчасьці) і 754 аўтамата Калашнікава.[14]

Крыніцы[рэдагаваць | рэдагаваць крыніцу]

  1. ^ Другога Хасавюрта ня будзе «Чырвоная зорка», 15 лістапада 2001 году
  2. ^ а б Бясланская хроніка 58-й… Мікалай Асташкін, Уладзімер Еўдамашкін, «Чырвоная зорка», 21 кастрычніка 2004
  3. ^ Як жывецца, 58-я? «Чырвоная зорка», 18 ліпеня 2007
  4. ^ Прызначаны камандуючы 58-й арміяй
  5. ^ Новым камандуючым 58-й арміяй стаў генэрал-маёр Андрэй Гурулёў | "Военные новости России" | "Военные новости России" – навіны, артыкулы, падзеі, факт …
  6. ^ 58-я войска апынулася мацней умоўнага супраціўніка — Коммерсантъ № 60/П(2429) ад 08.04.2002 (праверана 8 жніўня 2008 гады)
  7. ^ Завяршыла шырокамаштабныя вайсковыя вучэньні 58-я армія МТРК «МІР», 16 верасьня 2006
  8. ^ Сваіх Расея не пакідае «Твой дзень», 8 жніўня 2008 )
  9. ^ Расейская 58-я армія пачала абстрэл грузінскіх пазыцыяў — Стужка.ру, 8 жніўня 2008
  10. ^ Байцы 58-й арміі прадраліся да лягеру міратворцаў у Цхінвалі — Стужка.ру, 9 жніўня 2008
  11. ^ Часьці 58 арміі цалкам вызвалілі Цхінвалі ад грузінскіх вайскоўцаў — Стужка.ру, 09 жніўня 2008
  12. ^ У Паўднёвай Асэтыі паранены генэрал Хрулёў Інтэрфакс. 10 жніўня 2008 гады
  13. ^ У Паўднёвай Асэтыі паранены камандуючы 58-й арміі Стужка.ру, 10.08.2008
  14. ^ Расея забрала сабе пятую частку грузінскіх танкаў

Вонкавыя спасылкі[рэдагаваць | рэдагаваць крыніцу]

Дакумэнтальнае кіно