Бронетранспартэр

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
БТР-90 (2008 г.)

Бронетранспартэр (БТР) — баявая браняваная колавая або гусенічная машына для перавозу мотастралкоў (да 28 чалавек), вядзеньня бою і агнявой падтрымкі, выведкі, аховы на маршы, патруляваньня і сувязі. Таксама выкарыстоўваецца для буксаваньня гарматы і мінамёту, эвакуацыі параненых і перавозу боепрыпасаў. Узброены 20-мілімэтровай аўтаматычнай гарматай і кулямётам або 2-ма кулямётамі, часам гранатамётам і процітанкавамі кіроўнымі ракетамі. Хуткасьць на колах дасягае 110 км/гадз. Запас ходу да 1000 км. На гусеніцах адпаведна 75 км/гадз. і 400 км. Найчасьцей плывучы, прыстасаваны для паветранага перавозу і дэсантаваньня, аснашчаны радыёстанцыяй і прыладай для стральбы ноччу. У ЗША вырабляецца плывучы гусенічны M113, у Нямеччыне і Расеі — плывучыя колавыя «Фукс» і БТР-80 адпаведна[1].

Крыніцы[рэдагаваць | рэдагаваць крыніцу]

  1. ^ Бронетранспартэр // Беларуская энцыкляпэдыя ў 18 тамах / гал.рэд. Генадзь Пашкоў. — Менск: Беларуская энцыкляпэдыя імя Петруся Броўкі, 1996. — Т. 3. — С. 259-260. — 511 с. — 10 000 ас. — ISBN 985-11-0068-4

Вонкавыя спасылкі[рэдагаваць | рэдагаваць крыніцу]

Commons-logo.svg Бронетранспартэрсховішча мультымэдыйных матэрыялаў