Юры Мікульскі

Юры Мікульскі
	Юры Мікульскі
Дата нараджэньня	1988
Месца нараджэньня	Менск, БССР, СССР;
Месца вучобы	гістарычны факультэт Ягелонскага ўнівэрсытэту[d] (2011);
Занятак	гісторык
Навуковая сфэра	гісторыя
Месца працы	Беларуская энцыкляпэдыя імя Петруся Броўкі
Навуковая ступень	Магістар

Ю́ры Мікала́евіч Міку́льскі (нар. 1988, БССР, Менск) — гісторык.

Жыцьцяпіс

У 2011 годзе скончыў гістарычны факультэт Ягелонскага ўнівэрсытэту ў Кракаве (Польшча), атрымаў ступень магістра.

З 2012 году працуе вядучым навуковым рэдактарам у выдавецтве «Беларускай энцыкляпэдыі імя П. Броўкі».

Аўтар шэрагу навуковых артыкулаў у беларускіх, польскіх і расейскіх выданьнях. Сфэра навуковых інтарэсаў: палітыка літоўскіх князёў і польскіх каралёў у дачыненьні да рускіх земляў у XIII—XVII стагодзьдзях, праваслаўная царква Вялікага Княства Літоўскага ў XIII—XV стагодзьдзях, старабеларуская літаратура XIV—XV стагодзьдзяў.

У 2013 годзе на старонках часопісу Беларуская думка (рэдактар — прапагандыст рэжыму Лукашэнкі Вадзім Гігін) выказаў нязгоду з прапановамі беларускай грамадскасьці паставіць помнік каралю Літвы Міндоўгу ў Наваградку («гэтая ініцыятыва пярэчыць беларускай нацыянальнай ідэі і дзяржаўнай ідэалёгіі, зьяўляецца апатрыятычнай»), дзе сярод іншага заявіў, што «гераізацыя Міндоўга ў Беларусі зьвязана з мітычнай тэорыяй беларускіх „ліцьвінскіх“ дзеячоў з часоў пазьнякоўскага руху», а таксама, што раньняе Вялікага Княства Літоўскага нібы мела летувіскі характар і што беларускія землі былі заваяваныя летувісамі^[1].

^ Мікульскі Ю. Увекавечанне міфа. Вакол помніка літоўскаму князю Міндоўгу ў Навагрудку // Беларуская думка. № 1, 2013. С. 69—76.