Эльжбета Радзівіл

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Эльжбета Радзівіл
Партрэт Эльжбеты Радзівіл невядомага мастака, 1920-я гады
Партрэт Эльжбеты Радзівіл невядомага мастака, 1920-я гады
POL COA Radziwiłł.svg
герб «Трубы»
Асабістыя зьвесткі
Нарадзілася 21 кастрычніка 1917
Лёндан, Вялікабрытанія
Памерла 20 ліпеня 2021 (103 гады)
Род Радзівілы
Бацькі Альбрэхт Радзівіл
Дораці Паркер Дыкан
Дзеці Princess Christina Czartoryska[d][1], Prince Albrecht Czartoryski[d][1], Jerzy Tomaszewski[d][1], Nicholas Tomaszewski[d][1] і Alexander Tomaszewski[d][1]

Эльжбе́та Радзіві́л (Эльжбета Мары́я князёўна Радзівіл на Нясьвіжы гербу «Трубы») (21 кастрычніка 1917, Лёндан, Вялікабрытанія20 ліпеня 2021) — князёўна, дачка перадапошняга ардынату Нясьвіжу Альбрэхта Радзівіла і ангелькі Дораці Паркер Дыкан (Dorothy Parker Deacon).

Шлюб Альбрэхта Радзівіла з маці Эльжбеты быў нядоўгім, Эльжбета жыла з маці ў Парыжы і толькі час ад часу адведвала бацьку ў Нясьвіжы, апошні раз — у 1935 годзе.

Візыты ў Беларусь[рэдагаваць | рэдагаваць крыніцу]

Эльжбета Радзівіл упершыню наведала незалежную Беларусь у 1993 годзе намаганьнямі прафэсара Адама Мальдзіса[2].

У траўні 2009 году адбыўся неафіцыйны візыт князёўны ў Беларусь разам зь іншымі прадстаўнікамі роду Радзівілаў, падчас якога Радзівілы наведалі Нацыянальны гістарычны архіў Беларусі, Нацыянальную бібліятэку Беларусі, Нацыянальны мастацкі музэй Беларусі ў Менску, а таксама гарады Мір і Нясьвіж, вёскі Паланэчку і Ішкальдзь.

У ліпені 2009 Эльжбета Радзівіл у суправаджэньні некалькіх прадстаўнікоў роду зноў наведала Нясьвіж.

Стаўленьне да беларускай мовы[рэдагаваць | рэдагаваць крыніцу]

Ведаеце, я зараз скажу вам не зусім прыемную рэч… Гэта вялікая ганьба, што вы ў Беларусі не гаворыце па‑беларуску… Я адмыслова прыслухоўваюся ўжо колькі дзён… Ведаеце, калі б нас не пагналі адсюль у 1939‑м, я сёньня размаўляла б па‑беларуску. Бо мой бацька зь нясьвіжцамі размаўляў выключна па‑беларуску,

— заявіла Эльжбета Радзівіл падчас візыту ў Нясьвіж у ліпені 2009[3].

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]