Чэмпіянат сьвету па футболе 2006 году (адборачны турнір)

Адборачныя спаборніцтвы чэмпіянату сьвету па футболе 2006 году, фінальны турнір якога адбыўся ў Нямеччыне, праводзіліся зь верасьня 2003 году па лістапад 2005 году. Усяго ў адборы прынялі ўдзел 197 камандаў, падзеленых на 6 геаграфічных зон. Каманда Нямеччыны як гаспадыня чэмпіянату аўтаматычна кваліфікавалася ў фінальны турнір.

Эўропа (УЭФА)

Асноўны артыкул: Чэмпіянат сьвету па футболе 2006 году (адборачны турнір, Эўропа)

Удзельнічала 51 каманда, зь іх у фінальны турнір выйшлі 13:

Ангельшчына  Гішпанія  Італія  Нідэрлянды  Польшча  Партугалія  Сэрбія і Чарнагорыя

Украіна  Францыя  Харватыя  Чэхія  Швайцарыя  Швэцыя

Каманды Ўкраіны й Чэхіі як асобныя дзяржавы ўпершыню прабіліся ў фінальны турнір чэмпіянату сьвету. Неспадзеўкай стала тое, што адбор не змаглі мінуць такія каманды, як Грэцыя (Чэмпіён Эўропы 2004) і Турэччына (бронзавы прызэр чэмпіянату сьвету 2002 году).

Азія (АКФ)

Асноўны артыкул: Чэмпіянат сьвету па футболе 2006 году (адборачны турнір, Азія)

Удзельнічала 39 камандаў, зь іх 4 вышлі напроста ў фінальны турнір, каманда Бахрэйну ўдзельнічала ў міжкантынэнтальных стыкавых матчах.

•  Іран
•  Саудаўская Арабія
•  Рэспубліка Карэя
•  Японія

Афрыка (КАФ)

Асноўны артыкул: Чэмпіянат сьвету па футболе 2006 году (адборачны турнір, Афрыка)

Удзельнічала 51 каманда, зь іх 5 выйшла ў фінальны турнір.

•  Ангола
•  Гана
•  Кот д’Івуар
•  Тога
•  Туніс

Вынікі спаборніцтва ў Афрыканскай зоне для шматлікіх сталі нечаканымі. З 5 камандаў, якія выйшлі, 4 каманды прабіліся ў фінальны турнір чэмпіянату сьвету ўпершыню — Ангола, Гана, Кот д’Івуар, Тога. Шматлікія кіроўныя афрыканскія зборныя, такія як Камэрун, Нігерыя, Сэнэгал мінуць адборачны турнір не змаглі.

Паўночная Амэрыка (КОНКАКАФ)

Асноўны артыкул: Чэмпіянат сьвету па футболе 2006 году (адборачны турнір, Паўночная Амэрыка)

Удзельнічала 34 каманды, зь іх 3 вышлі ў фінальны турнір напроста, каманда Трынідаду і Табага празь міжкантынэнтальныя стыкавыя матчы.

•  Коста-Рыка
•  Мэксыка
•  ЗША
•  Трынідад і Табага

Паўднёвая Амэрыка (КОНМЭБОЛ)

Асноўны артыкул: Чэмпіянат сьвету па футболе 2006 году (адборачны турнір, Паўднёвая Амэрыка)

Удзельнічала 10 камандаў, зь іх 4 вышлі напроста, а каманда Ўругваю ўдзельнічала ў міжкантынэнтальных стыкавых матчах.

•  Аргентына
•  Бразылія
•  Парагвай
•  Эквадор

Акіянія (АКФ)

Асноўны артыкул: Чэмпіянат сьвету па футболе 2006 году (адборачны турнір, Акіянія)

Удзельнічала 10 камандаў, пераможца турніру зборная Аўстраліі прабілася празь міжкантынэнтальныя стыкавыя матчы.

•  Аўстралія

Стыкавыя матчы Азія — Паўночная Амэрыка

Па адной камандзе з зон АФК і КОНКАКАФ гулялі паміж сабой два матчы: хатні й у гасьцях. Пераможца выйшаў у фінальны турнір.

12 лістапада 2005	Трынідад і Табага	1:1	Бахрэйн	Порт-оф-Спэйн
	Бэрчэл, 76’		Іса, 72’

16 лістапада 2005	Бахрэйн	0:1	Трынідад і Табага	Рыфа
			Лоўрэнс, 49’

Стыкавыя матчы Паўднёвая Амэрыка — Акіянія

Па адной камандзе з зон КОНМЭБОЛ і АФК гулялі паміж сабой два матчы: хатні й у гасьцях. Пераможца выйшаў у фінальны турнір.

12 лістапада 2005	Уругвай	1:0	Аўстралія	Мантэвідэо
	Дарыё Радрыгес, 37’

16 лістапада 2005	Аўстралія	1:0	Уругвай	Сыднэй
	Брэшыяна, 35’
		Пэнальці
		4:2

Вонкавыя спасылкі

• Вынікі