Перайсьці да зьместу

Мужчынская зборная Тунісу па футболе

Зьвесткі зь Вікіпэдыі — вольнай энцыкляпэдыі
(Перанакіравана з «Зборная Тунісу па футболе»)
Туніс
Лягатып
Фэдэрацыя Туніская футбольная фэдэрацыя[d]
Канфэдэрацыя КАФ
Трэнэр
Найбольш гульняў Радгі Жаідзі Edit this on Wikidata (105)
Найлепшы бамбардзір Ісам Жэмаа Edit this on Wikidata (36)
Першая гульня
Туніс 1:2 Альжыр
(Туніс; 25 чэрвеня 1957)
Самая буйная перамога
Туніс 7:0 Тога
(Туніс, Туніс; 7 студзеня 2000)
Туніс 7:0 Малаві
(Туніс, Туніс; 26 сакавіка 2005)
Туніс 8:1 Джыбуці
(Радэс, Туніс; 12 чэрвеня 2015)
Самая буйная параза
Вугоршчына 10:1 Туніс
(Будапэшт, Вугоршчына; 24 ліпеня 1960)
Чэмпіянат сьвету
Удзел 7 (упершыню: 1978)
Дасягненьні Групавы этап (1978, 1998, 2002, 2006, 2018, 2022, 2026)
Кубак афрыканскіх нацыяў
Удзел 22 (упершыню: 1962)
Дасягненьні Чэмпіёны (2004)
Асноўная форма
Рэзэрвовая форма

Мужчы́нская збо́рная Туні́су па футбо́ле (па-арабску: منتخب تونس لكرة القدم‎) — нацыянальная каманда, якая прадстаўляе Туніс на міжнародных футбольных турнірах і ў таварыскіх матчах. Таксама вядомая па мянушцы «Арлы Картагену» (франц. Les Aigles de Carthage). Арганізацыяй, якая ажыцьцяўляе кантроль і кіраваньне зборнай, ёсьць Туніская футбольная фэдэрацыя.

Гісторыя

[рэдагаваць | рэдагаваць код]

Туніс атрымаў незалежнасьць ад Францыі 20 сакавіка 1956 году. Туніская футбольная фэдэрацыя паўстала зусім неўзабаве пасьля гэтага, а менавіта 29 сакавіка 1957 году. У тым жа год 30 сьнежня туніская каманда згуляла таварыскі матч супраць аўстрыйскага клюбу «Адміра Вакер», перамогшы 4:1.

Зборная Тунісу перад матчам адбору да чэмпіянату сьвету 1978 году.

Каманда згуляла свой першы афіцыйны матч на Арабскіх гульнях 1957 году, дзе была мацней за зборную Лібіі. Фэдэрацыя стала афіляваным сябрам ФІФА і Канфэдэрацыі афрыканскага футболу ў 1960 годзе. У тым жа годзе югаслаў Мілан Крыстыч стаў першым замежным трэнэрам, а каманда згуляла на летніх Алімпійскіх гульнях 1960 году. На Алімпіядзе афрыканскія футбаліст зазналі тры паразы ад зборных Польшчы 1:6, Аргентыны 1:2 і Даніі 1:3. Каманда адабралася на Кубак афрыканскіх нацыяў 1962 году, фінішаваўшы там на трэцім радку. Праз год тунісцы зноў згулялі на кантынэнтальным першынстве, але ня далі рады ў групе. Туніс быў гаспадаром на Кубку афрынканскіх нацыяў 1965 году, дзе быў пераможцам сваёй групы з трох камандаў, што дало мажлівасьць адразу трапіць у фінал. У вырашальным матчы гаспадары саступілі зборнай Ганы, якая абараніла свой тытул.

Зборная Тунісу больш ня брала ўдзелу ў Кубку афрыканскіх нацыяў ажно да 1976 году. Аднак, каманда адабралася на свой дэбютны чэмпіянат сьвету ў 1978 годзе. Там дружына перамагла зборную Мэксыкі 3:1[2], але саступіла зборнай Польшчы 0:1[3] і згуляла безгалявую нічыю зь дзейнымі чэмпіёнамі, то бок з зборнай ФРН. Пасьля свайго першага чэмпіянату сьвету каманда трапіла ў заняпад. У 1980—1992 гадах дружына здолела кваліфікавацца толькі на два турніры, сярод якіх былі Кубак афрыканскіх нацыяў 1982 году і летнія Алімпійскія гульні 1988 году. У абодвух выпадках яна была выбіта ўжо на першым этапе.

Матч зборных Тунісу і Бэльгіі на чэмпіянаце сьвету 2018 году.

Туніс прымаў у сябе Кубак афрыканскіх нацыяў 1994 году, замяніўшы плянаванага гаспадара, якім быў Заір. Родныя сьцены не дапамаглі і каманда скончыла выступы на апошнім месцы ў групе пасьля паразы 0:2 ад зборнай Малі і нічыі з зборнай Заіру. Пасьля турніру Гэнрык Каспэрчак быў прызначаны новым трэнэрам каманды. Зборная Тунісу кваліфікавалася на наступны кантынэнтальны турнір у 1996 годзе, дзе дружына спачатку прабілася ў чвэрцьфінал, у якім была пераможаная зборная Габону. Потым на шляху ў фінал была выгуляная зборная Замбіі. У галоўным матчы турніру футбалісты з паўночнай часткі мацерыка саступіла зборнай ПАР зь лікам 0:2. У 1998 годзе туніская дружына зноў выйшла з групы, але ў чвэрцьфінале была выбітая зборнай Буркіна-Фасо ў сэрыі пэнальці. У тым жа годзе зборная Тунісу кваліфікавалася на чэмпіянат сьвету ўпершыню па 20-гадовай адсутнасьці. Каманда не дала рады ў групе, саступіўшы зборным Ангельшчыны 0:2 і Калюмбіі 0:1[4][5], а таксама зьвёўшы ўнічыю 1:1 матч з зборнай Румыніі[6]. Пасьля гэтага праца Каспэрчака ў зборнай была скончаная.

Крыніцы

[рэдагаваць | рэдагаваць код]
  1. ↑ https://www.footmercato.net/a390690467689271485-la-tunisie-a-trouve-son-nouveau-selectionneur
  2. ↑ Tunisia - Mexico 3:1. www.flashscore.com. Праверана 23.04.2022 г.
  3. ↑ Poland - Tunisia 1:0. www.flashscore.com. Праверана 23.04.2022 г.
  4. ↑ England - Tunisia 2:0. www.flashscore.com. Праверана 17.08.2022 г.
  5. ↑ Colombia - Tunisia 1:0. www.flashscore.com. Праверана 17.08.2022 г.
  6. ↑ Romania - Tunisia 1:1. www.flashscore.com. Праверана 17.08.2022 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Мужчынская_зборная_Тунісу_па_футболе&oldid=2690305»