Царква Ўсьпеньня Багародзіцы (Віцебск)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Помнік гісторыі
Царква Ўсьпеньня Багародзіцы
Усьпенская царква
Усьпенская царква
Краіна Беларусь
Места Віцебск
Каардынаты 55°12′03″ пн. ш. 30°12′36″ у. д. / 55.20083° пн. ш. 30.21° у. д. / 55.20083; 30.21Каардынаты: 55°12′03″ пн. ш. 30°12′36″ у. д. / 55.20083° пн. ш. 30.21° у. д. / 55.20083; 30.21
Канфэсія Расейская праваслаўная царква
Архітэктурны стыль псэўдарускі стыль
Царква Ўсьпеньня Багародзіцы на мапе Беларусі
Царква Ўсьпеньня Багародзіцы
Царква Ўсьпеньня Багародзіцы
Царква Ўсьпеньня Багародзіцы
Commons-logo.svg Царква Ўсьпеньня Багародзіцы на Вікісховішчы

Царква Ўсьпеньня Багародзіцы[a] — помнік гісторыі 2-й паловы XIX ст. (мураўёўка) у Віцебску. Знаходзіцца каля Батанічнага саду, на гістарычнай Вялікай Багаслоўскай вуліцы[b]. Дзейнічае. Твор архітэктуры расейскай эклектыкі.

Гісторыя[рэдагаваць | рэдагаваць крыніцу]

Царкву Маскоўскага патрыярхату ў Віцебску збудавалі ў 1858 годзе на месцы стараверскай малельні.

У 1920-я гады савецкія ўлады зачынілі царкву і прыстасавалі будынак пад гаспадарчыя патрэбы. У 1989 годзе ў царкве аднавіліся службы. У 1997 годзе будынак перадалі вернікам.

Архітэктура[рэдагаваць | рэдагаваць крыніцу]

Прыклад эклектычнай царкоўнай архітэктуры Расейскай імпэрыі. Гэта прастакутны ў пляне аб’ём з паўкруглай апсыдай, завершаным 2-схільным дахам з вальмай з боку франтальнага фасаду і драўляным 8-гранным барабанам з купалам-цыбулінай. Галоўны роўнічны фасад мае 3 восі: у цэнтры прастакутны ўваходны праём, зь яго бакоў прастакутныя аконныя праёмы, разьмешчаныя ў 2 ярусы. Бакавыя фасады падзяляюцца буйнымі лапаткамі на 3 праслы, апярэзваюцца прафіляваным карнізам і праразаюцца прастакутнымі аконнымі праёмамі.

Усярэдзіне будынак перакрываецца роўнай стольлю на 2 паверхі. На 1-м паверсе малітоўная заля, ад якой мураваным прасьценкам вылучаецца апсыда. Прасьценак падзяляецца бакавымі лучковымі і цэнтральным прастакутным уваходнымі праёмамі. Ён служыць своеасаблівым іканастасам, дзе разьмяшчаюцца абразы, у цэнтральным праёме — царскія вароты. Малітоўная заля ў цэнтры падзяляецца на 2 паловы 2 слупамі і перакінутымі празь іх аркамі. Другі паверх адводзіцца пад апартамэнты сьвятара[1].

Заўвагі[рэдагаваць | рэдагаваць крыніцу]

  1. ^ Назва царквы прыводзіцца паводле афіцыйнага тытулу Маскоўскага патрыярхату (рас. Церковь Успения Пресвятой Богородицы, Свято-Успенская церковь), тым часам беларускай гістарычнай традыцыі адпавядае назва царква Прачыстай Багародзіцы або Прачысьценская царква
  2. ^ Цяперашні афіцыйны адрас — вуліца Камуністычная, 15

Крыніцы[рэдагаваць | рэдагаваць крыніцу]

  1. ^ Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007. С. 83.

Літаратура[рэдагаваць | рэдагаваць крыніцу]

  • Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі[рэдагаваць | рэдагаваць крыніцу]

Commons-logo.svg Царква Ўсьпеньня Багародзіцы (Віцебск)сховішча мультымэдыйных матэрыялаў