Уласы (Берасьцейская вобласьць)

Уласы лац. Ułasy
Краіна:	Беларусь
Вобласьць:	Берасьцейская
Раён:	Баранавіцкі
Сельсавет:	Крашынскі
Насельніцтва:	88 чал. (2010)
Часавы пас:	UTC+3
Тэлефонны код:	+375 163
Нумарны знак:	1
Геаграфічныя каардынаты:	53°14′10.3″ пн. ш. 26°7′17.0″ у. д.
Уласы на мапе Беларусі ± Уласы Уласы

Ула́сы — вёска ў Беларусі, каля ракі Шчары. Уваходзяць у склад Крашынскага сельсавету Баранавіцкага раёну Берасьцейскай вобласьці. Знаходзяцца за 16 км на паўночны ўсход ад Баранавіч, за 3 км ад чыгуначнай станцыі Крашын (лінія Баранавічы — Менск).

Гісторыя

Паводле перапісу 1897 году, Уласы ўваходзілі ў склад Сталовіцкай воласьці Наваградзкага павету Менскай губэрні, тут было 94 двары, хлебазапасны магазын і цагельны завод. На 1909 год — 51 двор.

25 сакавіка 1918 году згодна з Трэцяй Устаўной граматай Уласы абвяшчаліся часткай Беларускай Народнай Рэспублікі. 1 студзеня 1919 году ў адпаведнасьці з пастановай І зьезду КП(б) Беларусі яны ўвайшлі ў склад Беларускай ССР, у Баранавіцкі павет («падраён») Баранавіцкага раёну. Згодна з Рыскай мірнай дамовай 1921 году Ўласы апынуліся ў складзе міжваеннай Польскай Рэспублікі, у Сталовіцкай гміны Баранавіцкага павету Наваградзкага ваяводзтва, у гэты час тут было 27 дамоў.

У 1939 годзе Ўласы ўвайшлі ў склад БССР, з 15 студзеня 1940 году ў Гарадзішчанскім раёне Баранавіцкай, з 8 студзеня 1954 году Берасьцейскай абласьцей, з 25 сьнежня 1962 году ў Баранавіцкім раёне. У нямецка-савецкую вайну з канца чэрвеня 1941 да ліпеня 1944 году Ўласы знаходзіліся пад нямецкай акупацыяй, на франтах вайны загінулі 4 вяскоўцы. На 1998 год — 46 двароў, на 2005 год — 39 гаспадарак.

Насельніцтва

• XIX стагодзьдзе: 1879 год — 266 чал.
• XX стагодзьдзе: 1909 год — 301 чал.; 1921 год — 158 чал.; 1939 год — 246 чал.; 1959 год — 183 чал., 1970 год — 149 чал.; 1998 год — 106 чал.; 1999 год — 105 чал.
• XXI стагодзьдзе: 2010 год — 88 чал.; 2005 год — 101 чал.,