Сьпіска капітула

Сьпіска капітула
Сьпіска капітула
Spišská Kapitula*
Сусьветная спадчына ЮНЭСКО
Краіна	Славаччына
Тып	культурны
Крытэры	iv
Спасылка	620
Рэгіён**	Эўропа і Паўночная Амэрыка
	Гісторыя ўключэньня
Уключэньне	1993 (17 сэсія)
	* Назва ў афіцыйным сьпісе па-ангельску; ** Рэгіён паводле клясыфікацыі ЮНЭСКО

Сьпіска капітула (па-славацку: Spišská Kapitula, па-нямецку: Zipser Kapitel, па-вугорску: Szepeshely Káptalan, па-лацінску: Capitulum Scepusiense) ― раён гораду Сьпіскае Падгародзьдзе у Славаччыне, які зьяўляецца Сусьветнай спадчынай ЮНЭСКО «Левача, Сьпіскі замак і зьвязаныя зь імі культурныя помнікі»^[1]. Раён знаходзіцца на ўсходнім ўзгорку, прыкладна за 1,5 км на захад ад кірмаша гораду.

Апісаньне

На тэрыторыі Сьпіскай Капітулы знаходзяцца сабор Сьвятога Марціна Турскага, былы кляштар, сэмінарыя і адзіная вуліца прыблізна з 30 дамамі, пабудаванымі ў эпоху Сярэднявечча. Раён абнесены сьцяной, з ніжняй брамы якой адкрываецца шырокі від на Сьпіскі Град, разьмешчаны на процілеглым пагорку. Спіска Капітула стала галоўным месцам царкоўнага кіраваньня ў рэгіёне ў канцы XII стагодзьдзя. У 1776 годзе яна стала рэзыдэнцыяй чэскіх біскупаў пасьля таго, як вугорская каралева Марыя Тэрэзія падзяліла эгерскую эпархію.

Сабор Сьвятога Марціна

Галоўным збудаваньнем дадзенага архітэктурнага ансамбля зьяўляецца катэдра Сьвятога Марціна з адным нэфам, двума прыдзеламі і адным трансэптам. Ён быў пабудаваны паміж 1245 і 1273 гадамі ў раманскім стылі з наступнымі дабудовамі ў стылі готыкі. На насьценных фрэсках сабору можна ўбачыць малюнак каранацыі караля Карла I Роберта. Адначасова з саборам быў пабудаваны біскупскі палац. Недалёка ад палацу знаходзіцца парк, уваход у які ляжыць праз гадзінную вежу^[2].

У 1995 годзе сабор наведаў Папа Ян Павал II. У 2003 годзе ў ім быў перапахаваны біскуп Ян Вайташак (1877—1965).

Галерэя

Сьпіска капітула
Катэдра Сьвятога Марціна і Верхняя брама
Званіца
Катэдра Сьвятога Марціна
Вуліца
Вуліца
Палац эпіскапа
Парк
Ніжняя брама
Сэмінарыя

Крыніцы

^ Levoča, Spiš Castle and associated cultural monuments UNESCO World Heritage Centre Праверана 2018-06-28 г. Архіўная копія ад 2021-02-10 г.
^ Спишска Капитула и Спишский Град Архівавана 11 красавіка 2021 году. severovychod.sk (славацк.)

Літаратура

Horváth, Tibor Szlovákia. — 1st. — Budapest: Cartographia, 1999. — ISBN 963-353-180-2
Gabor Méry, Marcell Jankovics — St. Martin’s Cathedral Spišská Kapitula (2013), Šamorín (Somorja) ISBN 978-80-8160-018-0
Vladimír Olejník, Ľubica Olejníková — Katedrála sv. Martina v Spišskej Kapitule (2017), Spišské Podhradie: Rímskokatolícka cirkev Biskupstvo Spišské Podhradie ISBN 978-80-971341-5-0

Вонкавыя спасылкі

[1] Levoča, Spiš Castle and associated cultural monuments UNESCO World Heritage Centre Праверана 2018-06-28 г. Архіўная копія ад 2021-02-10 г.

[2] Спишска Капитула и Спишский Град Архівавана 11 красавіка 2021 году. severovychod.sk (славацк.)

[1]

[2]