Эгер

Эгер
вуг. Eger
Базыліка
Герб Эгеру Сьцяг Эгеру
Першыя згадкі:	1235
Краіна:	Вугоршчына
Мэд’е:	Хэвэш
Прэзыдэнт места:	Ákos Vágner[d]
Плошча:	92,2 км²
Вышыня:	165 м н. у. м.
Насельніцтва (2009)
колькасьць:	56 429 чал.
шчыльнасьць:	612,03 чал./км²
Часавы пас:	UTC+1
летні час:	UTC+2
Тэлефонны код:	96
Паштовы індэкс:	3300
Геаграфічныя каардынаты:	47°53′56″ пн. ш. 20°22′29″ у. д.
Эгер на мапе Вугоршчыны Эгер
Галерэя здымкаў у Вікісховішчы
https://eger.hu/, https://visiteger.com/en, https://visiteger.com/de, https://visiteger.com/pl, https://visiteger.com/cz, https://visiteger.com/ru

Эгер (па-вугорску: Eger) — места на паўночным усходзе Вугоршчыны, адміністрацыйны цэнтар мэд’е Хэвэшу. Насельніцтва на 2009 год — 56 429 чалавек.

Гісторыя

У XI стагодзьдзі кароль Іштван I заснаваў ля падножжа гор Бюк эпіскапства, зь якога й вырас Эгер. У 1241 годзе яго амаль цалкам разбурылі татара-манголы. Пазьней на прыгонным узгорку была адбудавана эпіскапская рэзыдэнцыя, а ў даліне рачулкі Эгер — новы горад. У 1552 годзе туркі ў першы раз паспрабавалі захапіць горад, але дарэмна. Аднак у 1596 годзе крэпасьць усё-такі апынулася ў руках ворага, і Эгер на 91 год трапіў пад уладу турак. Тым часам у горадзе будуюцца мячэты, лазьні й мінарэты, якія захаваліся дагэтуль. Пасьля зыходу турак Эгер ізноў стаў эпіскапскім горадам. У той жа час і зьявіліся пабудовы ў стылі «эгерскага барока», якія вызначаюць сёньня аблічча гораду.

Эгер — бастыён він

Места й яго навакольле — гістарычны вінаробны раён Вугоршчыны. Жыхары ледзь не 1000 гадоў займаюцца гадоўляй вінаграду й вытворчасьцю такіх вінаў, як Эгерская Бычыная Кроў, Эгерская Леанька, Харшлявэлю з Дэўрэ. Пасьля зьмены рэжыму Эгерскі вінаробны раён стаў хутка разьвівацца. Плошча вінаградных плянтацыяў узрасла дзякуючы перанасаджэньню традыцыйных і новых гатункаў на найлепшыя капальні (Надзь-Эгед, Пайдаш). Укаранілі дзейсную ў новых заходніх вінных культурах сыстэму АОС. Апроч ужо дзейснага дзяржаўнага вінаробнага заводу стварылі некалькі сотняў маленькіх і сярэдніх, якія сталі хутка разьвівацца. Дзякуючы гэтаму значна павялічылася якасьць прадукцыі. Узрост самых старадаўніх вінных скляпоў перавышае 400 гадоў, але і ў нашы дні працягваецца будаўніцтва новых.

Геаграфія й транспарт

Места разьмешчана прыкладна за 130 кілямэтраў на паўночны ўсходу ад Будапэшту. У Эгер вядзе чыгуначная ветка ад магістралі Будапэшт — Мішкальц. Места злучана рэгулярным аўтобусным і чыгуначным паведамленьнем з Будапэштам і суседнімі месцамі. Час шляху на цягніку й аўтобусе да Будапэшту — 2—2,5 гадзіны.

Славутасьці

• Крэпасьць
• Дом камітата
• Сабор Сьв. Яана
• Архіяпіскапскі палац
• Царква Сьв. Антонія
• Мінарэт
• Цыстэрыянская царква
• Бібліятэка

Вонкавыя спасылкі

Эгер — сховішча мультымэдыйных матэрыялаў

• Афіцыйны сайт мястэчка (вуг.)