Сыдні Полак

Сыдні Полак
Sydney Pollack
Сыдні Полак у 2006 годзе
Імя пры нараджэньні	Сыдні Ірвін Полак
Дата нараджэньня	1 ліпеня 1934
Месца нараджэньня	Лафает, Індыяна, ЗША
Дата сьмерці	26 траўня 2008 (73 гады)
Месца сьмерці	Лос-Анджэлес, Каліфорнія, ЗША
Прычына сьмерці	Рак страўніка
Месца вучобы	тэатральная школа Neighborhood Playhouse[d] акторская студыя Стэлы Адлер[d]
Занятак	рэжысэр, актор, прадусар
Гады дзейнасьці	1965—2008
Дзеці	Rachel Pollack[d]
Узнагароды	Прэмія «Залаты глобус» за найлепшы фільм — драма[d] (1985) Бэрлінская камэра[d] (1986) Прэмія Нацыянальнай рады кінакрытыкаў ЗША за найлепшы фільм[d] Прайм-таймавая прэмія «Эмі» за найлепшую рэжысуру драматычнага сэрыялу[d] (1966)
IMDb	ID nm0001628
Сыдні Полак у Вікісховішчы

Сы́дні По́лак (па-ангельску: Sydney Pollack; 1 ліпеня 1934, Лафает — 26 траўня 2008, Лос-Анджэлес) — амэрыканскі кінарэжысэр, актор і прадусар.

Біяграфія

Нарадзіўся ў сям’і габрэйскіх эмігрантаў з Расеі. У 1950-х гадах вучыўся ў тэатральнай школе «Neighborhood Playhouse School of the Theater» у Сэнфарда Мэйснэра. Пасьля службы ў войску (1957—1958) гуляў у спэктаклях на Брадвэі, у тэлеп’есах, выкладаў акторскае майстэрства. Быў пастаноўшчыкам тэлеп’есаў і тэлесэрыялаў. Першай рэжысэрскай працай быў фільм «Тонкая нітка» (1965).

Шырокую вядомасьць як рэжысэр атрымаў дзякуючы экранізацыі рамана Х. Маккоя «Загнаных канёў прыстрэльваюць, ці не праўда?» аб танцавальным маратоне часоў «Вялікай дэпрэсіі» ЗША ў 1930-я гады. У фільме згулялі Джэйн Фонда і Гіг Янг, які атрымаў прэмію «Оскар» у намінацыі «Найлепшы актор другога пляну».

У 1973 годзе зьняў драму «Такімі мы былі», дзе гулялі Барбара Страйзанд і Робэрт Рэдфард. Іншыя вядомыя працы ў 1970-х гадох — фільм «Якудза» і палітычны трылер «Тры дні Кондара». Атрымаў «Оскар» за драму «З Афрыкі» (1985) і намінацыю за камэдыю «Тутсі» (1982).

У 1993 годзе зьняў трылер «Фірма» (Том Круз) па рамане Джона Грышэма. Фільм «Сабрына» (Гарысан Форд) раскрытыкаваўся і праваліўся ў пракаце. У 1990-х гадах заняўся прадусаваньнем. Здымаўся ў фільмах — «Мужыкі і жонкі» Ўудзі Алена, «З шырока заплюшчанымі вачыма» Стэнлі Кубрыка.

Сыдні Полак сышоў з жыцьця 26 траўня 2008 году ва ўзросьце 73 гады ў Лос-Анджэлесе. СМІ паведамляюць, што Полак пакутаваў анкалягічным захворваньнем.

Вонкавыя спасылкі

Сыдні Полак — сховішча мультымэдыйных матэрыялаў