Радзівілкі
| Радзівілкі лац. Radziviłki | |
| Населены пункт | |
.jpg) | |
| Краіна | Беларусь |
|---|---|
| Вобласьць | Гарадзенская |
| Раён | Гарадзенскі |
| Сельсавет | Сапоцкінскі |
| Часавы пас | |
| Каардынаты | 53°51′03″ пн. ш. 23°41′49″ у. д.HGЯO |
| Насельніцтва | |
| Колькасьць | 113 чал. (2010) |
| Лічбавыя ідэнтыфікатары | |
| Тэлефонны код | +375 152 |
| Паштовы індэкс | 231733 |
| Нумарны знак | 4 |
| Радзівілкі на мапе Беларусі ±   Радзівілкі | |
Радзіві́лкі[1] — вёска ў Беларусі, каля Аўгустоўскага каналу. Уваходзяць у склад Сапоцкінскага сельсавету Гарадзенскага раёну Гарадзенскай вобласьці.
Назва
[рэдагаваць | рэдагаваць код]Ратвіл або Радвіл (Ratwilius[2], Radwill[3]) і Вілірад або Вілрад (Willirad, Wilrad) — імёны германскага паходжаньня[4][3]. Іменная аснова -рад- (-рат-) (імёны ліцьвінаў Раталт, Радавін, Конрад; германскія імёны Ratolt, Radowin, Konrad) паходзіць ад гоцкага *rêþs[5], германскага rad- 'рада'[6], а аснова -віл- (імёны ліцьвінаў Вільбут, Вільгейда, Мунтвіл; германскія імёны Willebut, Williheid, Muntwil) — ад гоцкага wilja 'воля'[7]. Такім парадкам, імя Радзівіл азначае «рада волі»[8]. Адпаведнасьць імя Радзівіл германскаму імю Ratwilius сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў[9][10]. Адпаведнасьць імя Радзівіл германскім імёнам Ratwilius і Wilrad прызнае летувіскі лінгвіст Ёзас Юркенас(lt)[11].
Насельніцтва
[рэдагаваць | рэдагаваць код]- 1999 год — 171 чалавек
- 2010 год — 113 чалавек
Славутасьці
[рэдагаваць | рэдагаваць код]На ўсходзе вёскі часткова захаваўся маёнтак Сьвяцак Гурскіх. У адрозьненьне ад Сьвяцку Валовічаў маёнтак захаваўся толькі часткова. Захаваліся арыгінальныя каскадныя вадаёмы (пяць сажалак), частка парку з рэдкімі расьлінамі, некаторыя пабудовы.
Радзівілкі перайшлі да роду Гурскіх ад манахаў-камедулаў зь Віграў у 1820 годзе. Манахі абаснаваліся ў гэтай мясцовасьці, заклаўшы парк яшчэ ў XVII стагодзьдзі[12].
Маёнтак — аднапавярховы каменны дом быў пабудаваны Юзэфам Гурскім у 1828 годзе, а ў пачатку XX ст. Пётар Гурскі дабудаваў двухпавярховы будынак[12].
У канцы 1940-х гадоў у маёнтку знаходзіўся інтэрнат для інвалідаў вайны.
Крыніцы
[рэдагаваць | рэдагаваць код]- ↑ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9. (pdf) С. 163.
- ↑ Series episcoporum ecclesiae catholicae. — Ratisbonae, 1873. P. 618.
- 1 2 Barber H. British Family Names. — London, 1903. P. 223.
- ↑ Förstemann E. W. Altdeutsches Namenbuch. Bd. 1: Personennamen. — Bonn, 1900. S. 1219, 1605.
- ↑ Kremer D. Die Germanischen Personennamen in Katalonien // Estudis romànics. Nr. 14, 1972. S. 193.
- ↑ Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. — Менск, 2019. С. 18.
- ↑ Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. — Менск, 2019. С. 17.
- ↑ Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. — Менск, 2019. С. 24.
- ↑ Schmittlein R. Les noms d’eau de la Lituanie (suite) // Revue internationale d’onomastique. Nr. 3, 1964. P. 162.
- ↑ Schmittlein R. Les noms d’eau de la Lituanie (fin), le nom de Radziwill // Revue internationale d’onomastique. Nr. 4, 1964. P. 281—292.
- ↑ Юркенас, Ю. Основы балтийской и славянской антропонимики. — Вильнюс, 2003. С. 38.
- 1 2 Имение Святск Гурских. Достопримечательности на interfax.by (рас.)