Палічна
| Палічна | |
| польск. Policzna | |
| |
| Мясцовая назва: | Polična |
| Краіна: | Польшча |
| Ваяводзтва: | Падляскае |
| Павет: | Гайнаўскі |
| Гміна: | Кляшчэлі |
| Насельніцтва: | 162 чал. (2013)[1] |
| Часавы пас: | UTC+1 |
| летні час: | UTC+2 |
| Тэлефонны код: | (+48) 85 |
| Паштовы індэкс: | 17-250 |
| Нумарны знак: | BHA |
| Геаграфічныя каардынаты: | 52°38′0″ пн. ш. 23°30′0″ у. д. / 52.63333° пн. ш. 23.5° у. д.Каардынаты: 52°38′0″ пн. ш. 23°30′0″ у. д. / 52.63333° пн. ш. 23.5° у. д. |
Палічна на мапе Польшчы   Палічна | |
 Галерэя здымкаў у Вікісховішчы
| |
Палі́чна (па-польску: Policzna, па-падляску: Políčna[2]) — вёска ў Гайнаўскім павеце Падляскага ваяводзтва Польшчы. Знаходзіцца ў гміне Кляшчэлі.
У Палічнай з 2004 г. месьціцца цэнтр Грамадзкага аб'яднаньня Пачтоўка[3], арганізатара Тэатральнага фэстываля Вяртэп.
Насельніцтва
[рэдагаваць | рэдагаваць крыніцу]Жыхары вёскі ў большасьці этнічныя беларусы, якія карыстаюцца падляскім дыялектам, праваслаўныя (прыход Узьдзьвіжаньня Крыжа Гасподняга ў Вярстоку). Па набліжанасьці мясцовай гаворкі да ўкраінскай мовы ў меншай часткі жыхароў украінская нацыянальная ідэнтыфікацыя. Невялікую частку насельніцтва складаюць палякі-каталікі (парафія сьв. Жыгімонта ў Кляшчэлях[4]). У Палічнай месьціцца таксама сядзіба і капліца Збору касьцёлу баптыстаў у Кляшчэлях[5].
Гісторыя
[рэдагаваць | рэдагаваць крыніцу]Вёска Палічная была заснаваная над аднайменнай рэчкай у час валочнай памеры каля 1560 г. як сядзіба асочнікаў ахоўваючых Белавескую пушчу. У 1639 г. асочнікі пражывалі тут у 40 хатах, але ў выніку зьнішчэньня пушчы ў 1780 г. заставаліся тут ўжо толькі 9 сем'яў асочнікаў. Пад канец 18 ст. мужыкі з Палічнай былі далучаныя да фальварку ў Амелянцу, але каля 1796 г. быў тут засбаваны самастойны фальварак. На бежанства 1915 г. выехала ўся вёска (на месцы засталіся толькі 3 сем'і)[6]. У міжваенны пэрыяд Палічная прыналежала да гміны Вярховічы Берасьцейскага павету Палескага ваяводзтва. Паводле польскага перапісу насельніцтва 1921 г. пражывалі тут 192 жыхары (усе праваслаўныя беларусы[7]). У выніку пасьляваенных выездаў беларусаў з Польшчы ў Савецкі Саюз Палічнаю пакінулі 5 сем'яў[6]. Пасьля Другой сусьветнай вайны Палічная была далучаная да гміны Кляшчэлі.
Ураджэнцы
[рэдагаваць | рэдагаваць крыніцу]- Юры Сьцепанюк (1880 — 1918) — праваслаўны сьвяты мучанік. Кананізаваны Маскоўскім патрыярхатам[8].
Крыніцы
[рэдагаваць | рэдагаваць крыніцу]- ^ Główny Urząd Statystyczny. Bank Danych Lokalnych. (пол.) Праверана 16 верасьня 2015 г.
- ^ Pudlaśki nazvy. Polična svoja.org Праверана 16 верасьня 2015 г.
- ^ Stowarzyszenie "Pocztówka"" (пол.) Праверана 16 верасьня 2015 г.
- ^ KLESZCZELE - Parafia świętego Zygmunta (пол.) Праверана 16 верасьня 2015 г.
- ^ Zbór w Kleszczelach (пол.). Kościół Chrześcija Baptystów. Праверана 16 верасьня 2015 г.
- ^ а б Atlas gwar wschodniosłowiańskich Białostocczyzny, red. S. Glinka, A. Obrębska-Jabłonowska, J. Siatkowski, t. 1, Wrocław-Warszawa-Kraków-Gdańsk 1980, s. 60 Праверана 16 верасьня 2015 г.
- ^ Skorowidz miejscowości Rzeczypospolitej Polskiej : opracowany na podstawie wyników pierwszego powszechnego spisu ludności z dn. 30 września 1921 r. i innych źródeł urzędowych. T. 8. Województwo poleskie, с. 11 (пол.) Праверана 16 верасьня 2015 г.
- ^ Священномученик Георгий Степанюк, пресвитер (рас.) Православный церковный календарь Праверана 16 верасьня 2015 г.
| |||||||||||||
| ||||||||||||||||
