Пагошча

Возера Пагошча Краіна Беларусь Плошча 1,23 км² Плошча вадазбору 40,7 км² Максымальная глыбіня 2,7 м Найбольшая даўжыня 1,9 км Найбольшая шырыня 1,1 км Даўжыня берагавой лініі 5,74 км Вышыня над узроўнем мора 129 м Аб’ём вады 1,9 млн м³ Каардынаты 55°33′24.47″ пн. ш. 26°56′1.83″ у. д. Пагошча на мапе Беларусі Пагошча

Паго́шча — возера ў Браслаўскім раёне Віцебскай вобласьці. Знаходзіцца за 12 км на паўднёвы ўсход ад Браслава каля вёскі Пагошча. Належыць да групы Браслаўскіх азёр.

Пагошча знаходзіцца ў басэйне ракі Друйка. Плошча возера складае 1,23 км². Найбольшая глыбіня возера складае — 2,7 м. Даўжыня возера — 1,9 км, найбольшая шырыня — 1,1 км. Даўжыня берагавой лініі — 5,74 км. Аб’ём вады ў возеры складае млн 1,9 м³, плошча вадазбору возера — 40,7 км².

Схілы катлавіны возера маюць вышыню да 5 мэтраў, знаходзяцца пад хмызьняком ці пашай. На ўсходзе схілы парослыя хваёвым лесам.

Берагі возера нізкія, на поўдні і захадзе — забалочаныя, парослыя хмызьняком.

Дно возера плоскае, сапрапелістае. Уздоўж берагоў дно пяшчанае.

Прыбярэжная расьліннасьць пашыраная да глыбіні 1,2—1,7 мэтра.

У Пагошчу ўпадаюць ручаі з азёр Бяржонка і Опса, з возера выцякае ручай у раку Акунёўка.

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1