Павал Уцюпін

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Павал Уцюпін
Міністар прамысловасьці Рэспублікі Беларусі
18 жніўня 2018 — цяперашні час
Прэзыдэнт: Аляксандар Лукашэнка
Прэм’ер-міністар: Сяргей Румас
Папярэднік: Віталь Воўк
намесьнік Міністра эканомікі Рэспублікі Беларусь
Студзень 2017 — 18 жніўня 2018
Асабістыя зьвесткі
Нарадзіўся: 17 сьнежня 1976
в. Папоўка, Харольскі раён, Прыморскі край, РСФСР
Адукацыя:

Павел Уладзімеравіч Уцю́пін (17 сьнежня 1976 в. Папоўка, Харольскі раён, Прыморскі край, РСФСР, СССР) — беларускі эканаміст і дзяржаўны дзеяч.

Жыцьцяпіс[рэдагаваць | рэдагаваць крыніцу]

Нарадзіўся ў сям’і Любові і Ўладзімера Ўцюпіных, што паходзілі з Кургана. Бацька быў ваенным, таму сям’я шмат пераяжджала па СССР, у выніку асеўшы ў Барысаве[1].

Вучыўся ў гімназіі ў Барысаве[1]. Скончыў Беларускі дзяржаўны эканамічны ўнівэрсытэт, эканаміст, магістар эканамічных навук; Акадэмію кіраваньня пры прэзыдэнце Рэспублікі Беларусь, спэцыяліст у вобласьці міжнародных адносін.

Працаваў намесьнікам дырэктара па зьнешнеэканамічных сувязях малога прадпрыемства «Дубль В», начальнікам аддзелу зьнешнеэканамічных сувязяў вытворча-камэрцыйнай фірмы «УТВ», эканамістам плянава-эканамічнага аддзелу сумеснага прадпрыемства «ФрэБор» у горадзе Барысаве. Пасьля заканчэньня асьпірантуры Беларускага дзяржаўнага эканамічнага ўнівэрсытэту быў дарадчыкам, галоўным дарадчыкам старшыні Магілёўскага аблвыканкаму.

З 2006 году займаў пасаду намесьніка генэральнага дырэктара па эканоміцы і фінансам адкрытага акцыянэрнага таварыства «Белшына».

У 2008 годзе Ўцюпін быў абраны чальцом Савета Рэспублікі ад Магілёўскай вобласьці[1].

У парадку пераводу пастановай Савету Міністраў Рэспублікі Беларусь ад 8 лістапада 2011 г. № 1494 прызначаны намесьнікам Міністра прамысловасьці Рэспублікі Беларусь.

Са студзеня 2017 году — намесьнік Міністра эканомікі Рэспублікі Беларусь. 18 жніўня 2018 году прызначаны Міністрам прамысловасьці Беларусі[2][3].

Сям'я[рэдагаваць | рэдагаваць крыніцу]

Маці Любоў Уцюпіна працавала настаўніцай малодшых клясаў. Мае малодшую сястру Крысьціна, якая працуе юрысконсультам[1].

У БДЭУ пазьнёміўся з будучай жонкай Александрынай, якая паходзіла з Новалукомля. У 2005 годзе пара ажанілася. Маюць дваіх дзяцей, старэйшай дачцэ Сафіі — 12 гадоў. Сыну Андрэю — 10 (2018)[1].

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]