Павал Грачышка
| Павал Грачышка | ||
| Пэрсанальная інфармацыя | ||
|---|---|---|
| Нарадзіўся | 23 сакавіка 1989[1] (35 гадоў) | |
| Рост | 190 см | |
| Вага | 85 кг[2] | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2008—2009 | Энэргетык-БДУ | 57 (1) |
| 2009—2011 | Банік Мост[d] | 27 (0) |
| 2011 | Энэргетык-БДУ | 11 (6) |
| 2012—2013 | Смалявічы | 48 (6) |
| 2014—2015 | → Славія Мазыр | 49 (2) |
| 2014—2015 | Гомель | 0 (0) |
| 2016 | Белшына | 14 (0) |
| 2017—2019 | Энэргетык-БДУ | 54 (2) |
| 2019—2021 | Крумкачы | 58 (8) |
| 2022—2023 | Слуцак | 36 (2) |
| Зборныя | ||
| 2007—2008 | Беларусь (да 19)[d] | 6 (0) |
Павал Грачышка (нарадзіўся 23 сакавіка 1989 году) — беларускі футбаліст, абаронца.
Кар’ера
[рэдагаваць | рэдагаваць крыніцу]Пачынаў кар’еру ў менскай «Зорцы-БДУ». Ужо ў веку 17 гадоў замацаваўся ў асноўным складзе клюба. У 2007 годзе зьехаў у Чэхію, дзе цягам трох гадоў выступаў за «Мост». Па вяртаньні зноў абараняў колеры «Зоркі-БДУ», ужо ў Другой лізе. Улетку 2011 году поруч з партнэрамі па камандзе Артурам Слабашэвічам, Яраславам Шкурко і Дзянісам Трапашкам перайшоў у клюб «Смалявічы», які ачоліў вядомы беларускі трэнэр Юры Пунтус. На наступны год разам з гэтым клюбам атрымаў перамогу ў Другой лізе. У сэзоне 2013 году выступаў за «Смалявічы-СТІ» ў Першай лізе, пры гэтым быў адным зь лідэраў каманды. Па заканчэньні сезону, у сьнежні 2013 году, падпісаў кантракт з «Гомлем»[3]. Аднак ня здолеў замацавацца ў складзе гомельскага клюбу. У выніку ў лютым 2014 году быў аддадзены ў арэнду мазырскай «Славіі»[4], якую на той момант ачольваў Пунтус. У «Славіі» трывала гуляў у аснове, звычайна на пазыцыі правага абаронцы. Паводле вынікаў сэзону 2014 году дапамог мазырскаму клюбу вярнуцца ў Найвышэйшую лігу.
У сьнежні 2014 году, па заканчэньні тэрміну арэнды, скасаваў кантракт з «Гомлем»[5]. З студзеня 2015 году зноў апынуўся ў складзе «Славіі»[6] і ў выніку распачаў у складзе гэтага клюбу сэзон 2015 году ў якасьці асноўнага цэнтральнага абаронцы. У лютым 2016 году прыбыў на прагляд у «Белшыну», зь якой у сакавіку склаў пагадненьне[7]. У першай палове сэзону ня быў гульцом асноўнага складу, згуляўшы толькі ў некалькіх матчах. Улетку 2016 году, калі большасьць гульцоў зышла зь «Белшыны», застаўся ў клюбе і стаў асноўным цэнтральным абаронцам, але канец сэзону прапусьціў праз пашкоджаньне. Па заканчэньні сэзону 2016 году пакінуў Бабруйск. У траўні 2017 году далучыўся да менскага «Энэргетыка-БДУ», былой назвай якога была «Зорка-БДУ». На наступны год у якасьці аднаго зь лідэраў дружыны дапамог камандзе праз 13 гадоў вярнуцца ў Найвышэйшую лігу. Сэзон 2019 году пачынаў асноўным абаронцам сталічнага клюбу, пазьней пачаў часам выходзіць на замену.
У ліпені 2019 году пакінуў «Энэргетык-БДУ»[8] і неўзабаве стаў гульцом менскага НФК[9], дзе замацаваўся ў аснове. У сьнежні 2019 году падоўжыў кантракт з клюбам сэзон 2020 году[10]. У новым сэзоне капітаніў, а назва каманду вярнулася на былую — «Крумкачы». У сьнежні 2020 году стала вядома, што Грачышка застанецца ў камандзе і на наступны сэзон[11]. У 2021 годзе быў адным зь лідэраў «Крумкачоў».
У студзені 2022 году перайшоў у «Слуцак»»[12]. Паводле словаў гульца, скончыць кар’еру ён плянаваў яшчэ па сканчэньні сэзону 2022 году[13], але пастанавіў завершыць выступы толькі пасьля сэзону 2023 году. Грачышка стаў чацьвертым футбалістам клюбу, які ў міжсэзоньне перад пачаткам новага сэзону скончыў сваю кар’еру[14].
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Славія Мазыр | 2015 | Найвышэйшая ліга | 23 | 0 |
| Белшына | 2016 | Найвышэйшая ліга | 14 | 0 |
| Энэргетык-БДУ | 2017 | Першая ліга | 18 | 1 |
| 2018 | Першая ліга | 25 | 1 | |
Крыніцы
[рэдагаваць | рэдагаваць крыніцу]- ^ а б в Pavel Grechishko // Transfermarkt (мн.) — 2000.
- ^ а б http://sfc-slutsk.by/person/386
- ^ Гречишко перешел в «Гомель»(недаступная спасылка)
- ^ «Гомель» отдал Яхно в «Городею», а Гречишко — в «Славию»
- ^ «Гомель» расторг контракт с Гречишко
- ^ Николай Романюк и Павел Гречишко в ближайшее время подпишут контракты со «Славией» Архівавана 26 сьнежня 2015.
- ^ Гречишко подписал контракт с «Белшиной»
- ^ Гречишко и Яскович покидают команду Праверана 13 ліпеня 2019 г. Архіўная копія ад 3 траўня 2021 г.
- ^ Гречишко перешел в НФК
- ^ Полузащитник Гречишко продлил контракт с НФК
- ^ Павел Гречишко продлил контракт с Н«Крумкачы»
- ^ Гречишко сменил "Крумкачы" на "Слуцк"
- ^ Павел Гречишко: "Летом 2023 года четко понимал, что это последний сезон"
- ^ Павел Гречишко завершил карьеру в 34 года
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)
- Нарадзіліся 23 сакавіка
- Нарадзіліся ў 1989 годзе
- Нарадзіліся ў Менску
- Футбалісты клюбу «Энэргетык»-БДУ Менск
- Футбалісты клюбу «Банік» Мост
- Футбалісты клюбу «Смалявічы»
- Футбалісты клюбу «Славія» Мазыр
- Футбалісты клюбу «Гомель»
- Футбалісты клюбу «Белшына» Бабруйск
- Футбалісты клюбу «Крумкачы» Менск
- Футбалісты клюбу «Слуцак»
- Беларускія футбалісты