Перайсьці да зьместу

Дзяніс Трапашка

Зьвесткі зь Вікіпэдыі — вольнай энцыкляпэдыі
Дзяніс Трапашка
Пэрсанальная інфармацыя
Нарадзіўся 17 траўня 1990(1990-05-17)[1] (35 гадоў)
Рост 186 см
Вага 78 кг[2]
Пазыцыя нападнік
Клюбная інфармацыя
Клюб Колас Ігумен[d]
Нумар 11
Клюбы
Гады Клюб Гульні (галы)¹
2010—2011 СКА-1938 47 (27)
2011—2014 Смалявічы 86 (59)
2014 → Тарпэда-БелАЗ 7 (0)
2015—2016 Тарпэда-БелАЗ 13 (1)
2015 → Славія Мазыр 14 (4)
2017—2019 Славія Мазыр 51 (7)
2019 Белшына 12 (0)
2020 Нафтан 23 (5)
2021 МЛ Віцебск 13 (9)
2022—4 Колас Ігумен[d] 27 (11)
Трэнэрскія клюбы
2023—4 Колас Ігумен[d]

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
27 кастрычніка 2024.

Дзяніс Трапашка (нар. 17 траўня 1990 году) — беларускі футбаліст і трэнэр, нападнік ігуменскага «Коласу» і галоўны трэнэр гэтае дружыны.

Кар’ера

[рэдагаваць | рэдагаваць код]

Выхаванец клюбу «Зорка-БДУ», за які выступаў з 2009 году. Улетку 2011 году стаў гульцом клюбу «Смалявічы», які пазьней пачаў называцца «Смалявічы-СТІ», якому ў сэзоне 2012 году дапамог атрымаць перамогу ў Другой лізе. Сам гулец з 38 галамі быў найлепшым бамбардзірам турніру. На наступны год разам з смалявіцкім клюбам дэбютаваў у Першай лізе, усяго забіўшы 11 галоў за сэзон. Перад пачаткам сэзону 2014 году быў на праглядзе ў жодзінскім «Тарпэда-БелАЗ», але застаўся ў «Смалявічах-СТІ». У ліпені 2014 году ўсё ж такі далучыўся да «Тарпэда-БелАЗ» на правах арэнды[3]. Дэбютаваў у Найвышэйшай лізе 17 жніўня 2014 году, выйшаўшы на замену ў матчы супраць менскага «Дынама» (выніковы лік 0:0). Пазьней зьяўляўся на полі яшчэ ў шасьці матчах, пераважна выходзячы на замену.

У студзені 2015 году канчаткова перайшоў у «Тарпэда-БелАЗ»[4]. Рыхтаваўся разам з жодзінцамі да сэзону 2015 году, аднак праз высокую канкурэнцыю ў атацы «Тарпэда-БелАЗ» быў у красавіку 2015 году аддадзены ў арэнду мазырскай «Славіі» да канца году[5]. Пачатак сэзону прапусьціў праз траўмы, з чэрвеня пачаў зьяўляцца на полі, пераважна выходзячы на замену. 10 ліпеня 2015 году аформіў дубль у браму барысаўскага БАТЭ (выніковы лік 3:5). У студзені 2016 году вярнуўся з арэнды ў «Тарпэда-БелАЗ»[6], але ўжо ў лютым пакінуў клюб па заканчэньні кантракта і накіраваўся ў «Смалявічы-СТІ»[7]. Аднак, неўзабаве вярнуўся ў склад «Тарпэда-БелАЗ»[8] і ў сакавіку падпісаў новы кантракт з клюбам[9]. У сэзоне 2016 году зьяўляўся на полі зрэдку, перадусім выходзячы на замену.

У студзені 2017 году накіраваўся на прагляд у мазырскую «Славію» і неўзабаве падпісаў кантракт з клюбам[10]. У першай палове сэзону 2017 году быў адным з асноўных нападнікаў, пазьней стаў радзей зьяўляцца на полі. Сэзон 2018 году пачынаў у стартавым складзе, але зь цягам часу пачаў часьцей выходзіць на замену. У гэтым сэзоне дапамог камандзе выйграць Першую лігу і вярнуцца ў элітны дывізіён. У сэзоне 2019 году толькі чатыры разы згуляў за асноўную каманду, часьцей выступаючы за дубль. У ліпені 2019 году пакінуў «Славію»[11] і неўзабаве ўзмоцніў склад бабруйскай «Белшыны»[12], дзе звычайна выходзіў на замену. У студзені 2020 году пакінуў бабруйскі клюб[13].

У пачатку 2020 году далучыўся да наваполацкага «Нафтана», дзе стаў асноўным нападнікам. У сакавіку 2021 году перайшоў у рагачоўскі «Макслайн», якому паводле вынікаў сэзону 2021 году дапамог прабіцца ў Першую лігу. У лютым 2022 году падоўжыў пагадненьне з клюбам[14], аднак у сакавіку празь сямейныя абставіны пакінуў каманду і неўзабаве далучыўся да ігуменскага «Коласа». У сакавіку 2023 году стаў таксама галоўным трэнэрам ігуменскай каманды[15]. У ліпені 2023 году атрымаў трэнэрскую ліцэнзію УЭФА катэгорыі C[16].

Дасягненьні

[рэдагаваць | рэдагаваць код]

Статыстыка

[рэдагаваць | рэдагаваць код]
КлюбСэзонЧэмпіянат
ДывізіёнМатчыГалы
Славія Мазыр2015Найвышэйшая ліга144
Тарпэда-БелАЗ2016Найвышэйшая ліга131
Славія Мазыр2017Найвышэйшая ліга223
2018Першая ліга254

Крыніцы

[рэдагаваць | рэдагаваць код]
  1. ↑ Denis Trapashko // Transfermarkt (мн.) — 2000.
  2. ↑ Денис Трапашко (Denis Trapashko) // Прессбол (рас.) — 1991. — ISSN 1994-6678
  3. ↑ «Торпедо-БелАЗ» подписало украинца Даценко и арендовало Трапашко
  4. ↑ «Торпедо»-БелАЗ подписало контракт с Трапашко
  5. ↑ «Славия» арендовала Трапашко
  6. ↑ Трапашко и еще три футболиста «Торпедо-БелАЗ» вернулись из аренд
  7. ↑ Трапашко покинул «Торпедо-БелАЗ»
  8. ↑ Денис Трапашко вернулся в «Торпедо-БелАЗ»
  9. ↑ Украинский хавбек Сергей Шаповал подписал контракт с «Торпедо-БелАЗ»
  10. ↑ Трапашко, Курлович, Шило и Хадаркевич подписали контракты со «Славией»
  11. ↑ Трапашко покинул «Славию»
  12. ↑ Трапашко перешел в «Белшину»
  13. ↑ Трапашко и Шкурко покинули "Белшину" Архіўная копія ад 5 лютага 2020 г.
  14. ↑ Ясинский стал игроком «Макслайна», два игрока продлили контракты, карьеру в Рогачеве продолжит Баланович
  15. ↑ Денис Трапашко возглавил "Колос" (рас.) Праверана 2023-04-03 г.
  16. ↑ Осипенко, Фомичев, Трапашко и другие получили тренерские лицензии "С" (рас.) Праверана 2023-07-07 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Дзяніс_Трапашка&oldid=2583175»