Новы Двор (Пінскі раён)

Гэтая назва мае некалькі сэнсаў. Калі вас цікавяць іншыя сэнсы, глядзіце Новы Двор (неадназначнасьць).

Новы Двор, трансьліт. Novy Dvor
Населены пункт
Краіна	Беларусь
Вобласьць	Берасьцейская
Раён	Пінскі
Сельсавет	Навадворскі
Першыя згадкі	1504
Геаграфія
Вышыня НУМ	150 м
Часавы пас	UTC+3
Каардынаты	52°18′26″ пн. ш. 26°14′34″ у. д.
Насельніцтва
Колькасьць	892 чал. (2009)
Лічбавыя ідэнтыфікатары
Тэлефонны код	+375 165
Паштовы індэкс	225763
Нумарны знак	1
Новы Двор на мапе Беларусі ± Новы Двор Новы Двор

Но́вы Двор (таксама — Но́вы Двур) — вёска ў Пінскім раёне Берасьцейскай вобласьці. Цэнтар Навадворскага сельсавету. На ўсход ад вёскі знаходзіцца вадасховішча Пагост.

Гісторыя

Першая згадка ў 1504 годзе, як уласнасьць баярскіх і шляхецкіх родаў, у тым ліку сям’і Анцушковіч (галоўная рэзыдэнцыя — Жабчыцы). У першай палове XVI стагодзьдзя вёска пераходзіць Шчэпам. Пазьней спадкаемцам Навадворскага надзелу Анцушковічаў робіцца Валадковіч.

У XVII—XIX стагодзьдзях у вёсцы знаходзіцца Ўсьпенскі мужчынскі манастыр, вядомы цудатворнай іконай Божай Маці. Заснавальнік манастыра — Рыгор Мартынавіч Валадковіч. З 1743 году манастыр знаходзіцца ў падпарадкаваньні Пінскага Богаяўленскага манастыра, зачыняецца ў 1817 годзе. Частка архіву перавозіцца ў Пінск. У 1862 годзе пабудаваны новы храм, таксама пазьней зьнішчаны.

У XIX стагодзьдзе дзяржаўная вёска, якая налічвае 190 жыхароў. У 1940—1959 годах уваходзіць у склад Чухавіцкага сельсавету Лагішынскага раёну. 8 сакавіка 1960 году станавіцца цэнтрам аднайменнага сельскага Савету. У 1962 годзе Навадворскі сельсавет уключаны ў склад Пінскага раёну.

Насельніцтва

• 1998 год — 1050 жыхароў, 390 двароў
• 1999 год — 1034 жыхары
• 2009 год — 892 жыхары

Інфармацыя для турыстаў

• Сьвята-Ўсьпенская царква (1992)

Страчаная спадчына

• Навадворскі Ўсьпенскі манастыр (1648—1817)