Нацыянальны банк Славаччыны

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Нацыянальны банк Славаччыны
Národná banka Slovenska
Цэнтральны будынак Нацыянальнага банку Славаччыны ў Браціславе
Цэнтральны будынак Нацыянальнага банку Славаччыны ў Браціславе
Абрэвіятура НБС
Папярэднік Нацыянальны банк Чэхаславаччыны
Наступнік Эўрапейскі цэнтральны банк
Дата ўтварэньня 1 студзеня 1993 (26 гадоў таму)
Тып цэнтральны банк
Штаб-кватэра Браціслава
Каардынаты 48°09′12″ пн. ш. 17°06′54″ у. д. / 48.153333° пн. ш. 17.115° у. д. / 48.153333; 17.115Каардынаты: 48°09′12″ пн. ш. 17°06′54″ у. д. / 48.153333° пн. ш. 17.115° у. д. / 48.153333; 17.115
Дзейнічае ў рэгіёнах Славаччына
Старшыня банкаўскай рады Ёзэф Макух
Намесьнік старшыні Ян Тот
Асноўныя асобы Уладзімер Дворжачак, Карал Мырва, Любаш Пастар
Кіроўны орган Банкаўская рада Нацыянальнага банку Славаччыны
Сайт www.nbs.sk
Заўвагі Нацыянальны банк Славаччыны працягвае працу, але шмат функцый цяпер выконвае ЭЦБ.
Музэй манэтаў і мэдалёў, горад Крэмніца

Нацыяна́льны банк Слава́ччыны, НБС (па-славацку: Národná banka Slovenska, NBS) — цэнтральны банк Славацкай Рэспублікі. Заснаваны 1 студзеня 1993 разам з Нацыянальным банкам Чэхіі ў выніку разьдзяленьня Нацыянальнага банку Чэхаславаччыны. Удзельнік Эўрапейскае сыстэмы цэнтральных банкаў як галоўны банк краіны-чальца Эўразьвязу, а з 1 студзеня 2009 далучыўся да Эўрасыстэмы — фінансавае арганізацыі Эўразоны.

Цэнтральны офіс месьціцца ў Браціславе, пяць рэгіянальных аддзяленьняў[1].

Кіраўніцтва[рэдагаваць | рэдагаваць крыніцу]

Найвышэйшым кіраўнічым органам Нацбанку Славаччыны ёсьць Банкаўская рада з шасьці чалавек: старшыні, двох намесьнікаў старшыні і астатніх чальцоў[1]. Старшыню і ягоных намесьнікаў прызначае і вызваляе з пасады прэзыдэнт Славацкай рэспублікі па рэкамэндацыі ўраду і пасьля зацьвярджэньня Нацыянальнай Радай Славацкай Рэспублікі, чальцоў рады — славацкі ўрад з прапановы старшыні Нацбанка. Тэрмін паўнамоцтваў сябраў Банкаўскай рады — шэсьць гадоў.

З 12 студзеня 2010 року пасаду старшыні Нацыянальнага банку Славаччыны займае Ёзэф Макух, PhD. (па-славацку: Jozef Makúch), які ў студзені 1993 — сьнежні 1996 уваходзіў у склад Банкаўскай рады[2]. У 2015 годзе ён быў прызначаны на другі тэрмін.

Дзейнасьць[рэдагаваць | рэдагаваць крыніцу]

Зьяўляецца незалежнай інстытуцыяй, асноўнаю функцыяй якой ёсьць падтрыманьне цэнавой стабільнасьці. Таксама выконвае нагляд над фінансавым рынкам і іншыя віды дзейнасьці. Нягледзячы на тое, што НБС зьяўляецца часткай Эўрасыстэмы, ён выконвае задачы, зьвязаныя з манэтарнай палітыкай, апэрацыямі зьнешняга абмену і золатавалютнымі рэзэрвамі, выпускам банкнотаў і манэт эўра, плацёжнымі сыстэмамі, статыстыкай, міжнародным супрацоўніцтвам, узаемным супрацоўніцтвам і падтрымкай паміж цэнтральнымі банкамі, а таксама фінансавай стабільнасьцю ў эўразоне[3]. Свае функцыі Нацыянальны банк Славаччыны выконвае праз выданьне дэкрэтаў. Ад 19 жніўня 2008 году Нацыянальны банк Славаччыны выпускае славацкія эўра манэты, якія б’юцца на Крэмніцкай мынцы. Ад пачатку свайго існаваньня НБС выдае банкаўскі часопіс «BIATEC»[4].

Будынак Нацыянальнага банку Славаччыны[рэдагаваць | рэдагаваць крыніцу]

Цэнтральны будынак НБС у вышынёй 111 мэтраў ёсьць другім па вышыні будынкам ня толькі Браціславы, але і ўсяе Славаччыны. Адкрыцьцё новага будынку адбылося 23 траўня 2002 року. Ён мае 33 паверхі над зямлёй і 3 падземныя паверхі, між якімі працуюць 23 ліфты. Будынак НБС стаў адной з славутасьцяў славацкай сталіцы. Сваім дызайнам і тэхнічнай аснашчанасьцю заняў месца ў сьпісе высокатэхналягічных офісных пабудоваў XXI стагодзьдзя і атрымаў узнагароду «Будоўля року»-2002. У будынку НБС разьмешчаная выстава «Ад Славацкай кроны да эўра», якую можна наведаць групай ад 10 да 40 чалавек па папярэдняй заяўцы[5]. У сьнежні 2008 году перад будынкам Нацыянальнага банку Славаччыны ў Братыславе разьмешчаная скульптура Бятэку — старажытнай срэбнай манэты, якая была зробленая на тэрыторыі Братыславы яшчэ ў I стагодзьдзі да н. э.

Рэгіянальныя аддзяленьні[рэдагаваць | рэдагаваць крыніцу]

Горад[6] Выява
1 Банска Быстрыца Banska Bystrica - panoramio.jpg
2 Кошыцэ Slovakia Kosice National bank.JPG
3 Жыліна
4 Новэ Замкі
5 Попрад

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ а б Basic information(анг.). Národná banka Slovenska. Праверана 27 сакавіка 2017 г.
  2. ^ Bank Board of the NBS(анг.). Národná banka Slovenska. Праверана 27 сакавіка 2017 г.
  3. ^ About the bank(анг.). Národná banka Slovenska. Праверана 27 сакавіка 2017 г.
  4. ^ BIATEC – banking journal(анг.). Národná banka Slovenska. Праверана 27 сакавіка 2017 г.
  5. ^ From the Slovak koruna to the euro(анг.). Národná banka Slovenska. Праверана 27 сакавіка 2017 г.
  6. ^ Local offices(анг.). Národná banka Slovenska. Праверана 27 сакавіка 2017 г.

Вонкавыя спасылкі[рэдагаваць | рэдагаваць крыніцу]

Commons-logo.svg Нацыянальны банк Славаччынысховішча мультымэдыйных матэрыялаў