Лёвэнскі каталіцкі ўнівэрсытэт

Лёвэнскі каталіцкі ўнівэрсытэт
KU Leuven
Лягатып
па-лацінску: Universitas Catholica Lovaniensis
Дэвіз	Sedes Sapientiae
Заснаваны	1425
Тып	private law corporation[d]
Рэктар	Марк Ваер (з 2009)
Колькасьць студэнтаў	40 014 (сьнежань 2011)
Месцазнаходжаньне
Геаграфічныя каардынаты	50°52′40.28″ пн. ш. 4°42′2.32″ у. д.
Горад	Лёвэн
Краіна	Бэльгія
Знаходзіцца ў складзе	Куімбрская група[d], ORCID[d], Асацыяцыя эўрапейскіх унівэрсытэтаў[d], Shibboleth Consortium[d], KU Leuven Association[d], arXiv[d], Ліга эўрапейскіх дасьледніцкіх унівэрсытэтаў[d], Brussels Studies Institute[d], Vlaamse Erfgoedbibliotheken[d], European Alliance for Social Sciences and Humanities[d], DataCite[d], Кааліцыя па паляпшэньні ацэнкі дасьледаваньняў[d], European Open Science Cloud Association[d] і Digital Preservation Coalition[d]
Вэб-сайт	www.kuleuven.be
Лёвэнскі каталіцкі ўнівэрсытэт у Вікісховішчы
Лёвэнскі каталіцкі ўнівэрсытэт на мапе Бэльгіі Лёвэнскі каталіцкі ўнівэрсытэт

Замак Арэнбэрґ, частка Каталіцкага ўнівэрсітэту

Лёвэнскі каталіцкі ўнівэрсытэт — найстарэйшы ўнівэрсытэт Бэльгіі, знаходзіцца ў горадзе Лёвэне.

Гісторыя

Датай яго заснаваньня лічыцца 1425, калі брабанцкі князь Ян IV зьвярнуўся з просьбай, на адкрыцьцё школы (studium generale), да рымскага папы Мартына V. У сваёй просьбе ён падкрэсьліваў зручнасьць мясцовасьці й дабрабыт жыхароў гораду, а таксама наяўнасьць адпаведнага будынку для школы.

Празь пяць гадоў пасьля заснаваньня агульнай школы рымскі папа Яўген IV адкрыў тут багаслоўскі факультэт, які прынёс унівэрсытэту найбольшую славу. Лёвэнскі ўнівэрсытэт стаў міжнародным цэнтрам філязофіі нэатамізму. Падчас Францускай рэвалюцыі быў закрыты і толькі з нараджэньнем сучаснай бэльгійскай дзяржавы, у 1831, быў адноўлены — перш у горадзе Мэхэлен, а адтуль перанесены зноў у Лёвэн.

У 1888—1889 тут пры дапамозе кардынала Д. Мэрсье быў заснаваны Вышэйшы інстытут філязофіі (школа Фамы Аквітанскага), з 1894 выдаваўся часопіс «Revue Neoscolastique». У час абодвух сусьветных войнаў былі зьнішчаныя вялікія ўнівэрсытэцкія кнігазборы, страчаная частка архіваў.

У 1946 пад адной адміністрацыяй паўсталі дзьве паралельныя сэкцыі ўнівэрсытэту — француская й флямандзкая, а з 1970 існуюць два асобныя ўнівэрсітэты — францускі й флямандзкі.

Мова

Спачатку адзінай мовай унівэрсытэту была лацінская, пасьля француская мова. Толькі ў 1920 годзе лекцыі пачалі чытаць на флямандзкай мове.

Беларусы ў Лёвэнскім унівэрсытэце

Першым беларусам, які скончыў вышэйшыя студыі ў Лёвэнскім унівэрсытэце з тытулам доктара філязофіі, быў Фабіян Абрантовіч.

Літаратура

• Беларусь-Бельгія: Грамадска-культурнае ўзаемадзеянне: Матэрыялы міжнар. «круглага стала», Мінск, 2001 / Рэдкал.: А. Мальдзіс і інш. — Мн.: «Беларускі кнігазбор», 2002. ISBN 985-6638-68-2.