Кірыл Коктыш
Кірыл Коктыш | |
| Дата нараджэньня | 1968 (56 гадоў) |
|---|---|
| Месца нараджэньня | Менск, Беларуская ССР, СССР |
| Месца вучобы | Маскоўскі дзяржаўны інстытут міжнародных зносін (1993) |
| Занятак | прапагандыст |
| Навуковая сфэра | паліталёгія |
| Месца працы | Маскоўскі дзяржаўны інстытут міжнародных зносін (Расея) |
| Вядомы як | прапагандыст рэжыму Лукашэнкі |
| Навуковая ступень | кандыдат навук |
Кіры́л Яўге́навіч Ко́ктыш (нар. 1968, Менск, цяпер Беларусь) — расейскі палітоляг родам зь Беларусі.
Кандыдат палітычных навук (1999). Дацэнт катэдры паліітычнай тэорыі Маскоўскага дзяржаўнага інстытуту міжнародных зносін[1]. Выступаў прапагандыстам рэжыму Лукашэнкі[2].
Біяграфія
[рэдагаваць | рэдагаваць крыніцу]Нарадзіўся ў Менску ў 1968 годзе[3]. У 1985—1986 гадах вучыўся на філялягічным факультэце БДУ, дзе вывучаў ангельскую, беларускую, лацінскую і расейскую мовы. У 1988 годзе паступіў на факультэт міжнароднай інфармацыі Маскоўскага дзяржаўнага інстытуту міжнародных зносін (МДІМЗ), дзе вывучаў міжнародную журналістыку, а таксама ангельскую і гіндзійскую мовы. У 1993 годзе скончыў факультэт міжнароднай інфармацыі МДІМЗ[1].
У 1993—1996 гг. працаваў журналістам інфармацыйнай агенцыі UPI па Беларусі, быў выканаўчым дырэктарам агенцыі «Пармікс» у Менску. Ажыцьцявіў некалькі піяр-праектаў, у тым ліку прэс-канфэрэнцыю А. Лукашэнкі ў 1994 годзе[3]. Працаваў галоўным спэцыялістам Аналітычнага цэнтру пры ўрадзе Расеі[4]. У 1996 годзе паступіў у асьпірантуру МДІМЗ на катэдру паліталёгіі, якую скончыў у 1999 годзе. Ад 1997 г. — выкладнік катэдры палітычнае тэорыі факультэту паліталёгіі МДІМЗ. Аўтар аналітычных даведак і рэкамэндацыяў для неназваных кліентаў па палітычнай сытуацыі ў Беларусі, ва Ўкраіне і расейскіх рэгіёнах[3]. 30 верасьня 1999 году атрымаў навуковую ступеню кандыдата палітычных навук. У 2000 годзе выдаў манаграфію «Трансфармацыя палітычнага рэжыму Рэспублікі Беларусь». Ад 2001 году стаў рыхтаваць аналітычныя даведкі пра палітычна-гаспадарчае становішча ў Беларусі для Міністэрства замежных справаў Расеі з парадамі і кіраваць адпаведнымі дасьледчымі праектамі МДІМЗ. У 2003 годзе кіраваў палітэканамічнага дасьледаваньня Казахстану. У 2003—2005 гадах ствараў такія аналітычныя даведкі наконт Украіны. Пазьней стаў пісаць такія ўнутрырасейскія даведкі пра Ненецкую аўтаномную акругу, Кастрамскую вобласьць, Прыморскі і Хабараўскі краі. У 2009 годзе выдаў 2 працы: «Пралегамены да антрапалёгіі крызісу нашага часу» і «Сеткавыя аспэкты кампэтэнтаснага падыходу да вышэйшай адукацыі»[1].
На 2021 год дацэнт Маскоўскага дзяржаўнага інстытуту міжнародных зносін, адказны сакратар Рады Расейскай асацыяцыі палітычных экспэртаў і кансультантаў "Марьин Гай".
Працы і погляды
[рэдагаваць | рэдагаваць крыніцу]Аўтар двух бэстсэлераў па тэорыі палітыкі - “Тэорыя мэтафары і палітычныя інстытуты” і “Дыскурс рацыяналізму, свабоды і дэмакратыі”. Падчас прэзыдэнцкіх выбараў 2006 году выступаў з крытыкай рэжыму Лукашэнкі, але не пазьней за 2014 год перайшоў на пазыцыі яго абароны. Неаднаразова выступаў з камэнтарамі па міжнароднай і ўнутрыбеларускай палітыцы ў СМІ Беларусі, Расеі і 3-х краінаў.
Займаецца аналізам сучаснага прыкладнога выкарыстаньня беларускіх дэмакратычных ідэяў дэмакратыі і свабоды[5][6].
Падтрымліваў “менскую пляцоўку” як цэнтру магчымага ўрэгуляваньня ўкраінскага крызісу[7][8].
Выступае ў падтрымку эканамічнай інтэграцыі Беларусі з Расеяй і разьвіцьцё Эўразійскага эканамічнагага зьвязу[9][10].
Пасьля падзеяў 2020—2021 г. у Беларусі
[рэдагаваць | рэдагаваць крыніцу]Падчас пратэстаў 2020 году ў Беларусі заняў бок ураду[11][12], агітацыяй супраць страйкаў[13][14], прапагандысцкай падтрымкай так званага «Ўсебеларускага народнага сходу»[15]. Крытыкаваў увядзеньне санкцый супраць рэжыму Лукашэнкі і дзеяньні міжнароднай супольнасьці па дапамозе беларускаму дэмакратычнаму руху[16][17].
Сям’я
[рэдагаваць | рэдагаваць крыніцу]Бацькі пражываюць у Менску.
Жанаты другім шлюбам. Паводле публічных крыніцаў, мае чатырох дзяцей[18].
Крыніцы
[рэдагаваць | рэдагаваць крыніцу]- ^ а б в Коктыш Кірыл Яўгенавіч // Маскоўскі дзяржаўны інстытут міжнародных зносін, 2021 г. Праверана 5 жніўня 2021 г.
- ^ [1](недаступная спасылка)
- ^ а б в Кирилл Коктыш: Национальные социокультурные коды сближают народы [Кірыл Коктыш: Нацыянальныя соцыякультурныя коды зьбліжаюць народы] — Афіцыйны сайт Пастаяннага камітэту «Саюзнай дзяржавы», 13.07.2015
- ^ [2]
- ^ Тэлеканал «Беларусь 1». К. Коктыш: Дэмакратычныя стандарты выбараў у ЗША пацярпелі крах // Белтэлерадыёкампанія, 11 лістапада 2020 г. Праверана 4 жніўня 2021 г.
- ^ По ту сторону процедурной демократии [Па той бок працэдурнай дэмакратыі] - Известия, 21.07.2015
- ^ Менск стаў брокерам мірнага працэсу ва Ўсходне-Эўрапейскім рэгіёне - палітоляг // Беларускае тэлеграфнае агенцтва, 8 чэрвеня 2015 г. Праверана 4 жніўня 2021 г.
- ^ Встреча в Минске стала фактическим признанием Европой Лукашенко [Сустрэча ў Менску стала фактычным прызнаньнем Эўропай Лукашэнкі] — БелТА, 27.08.2014
- ^ Тэлеканал «Беларусь 1». Экспэрты абмяркоўваюць вынікі саміту ЭАЭЗ // Белтэлерадыёкампанія, 22 траўня 2021 г. Праверана 4 жніўня 2021 г.
- ^ Проживут ли Россия и Беларусь друг без друга? Взгляд политолога [Ці пражывуць Расея і Беларусь адно без аднаго? Погляд палітоляга] — СБ. Беларусь сегодня, 20.08.2020
- ^ Эдуард Півавар. Якасьць беларускай прадукцыі ня дасьць шанцаў рэалізаваць заклікі да яе сабатажу - расейскі экспэрт // БелТА, 15 верасьня 2020 г. Праверана 4 жніўня 2021 г.
- ^ Критиканство беглой оппозиции — вой от безысходности или бизнес-проект? [Крытыканства зьбеглай апазыцыі — вой ад безвыходнасьці ці бізнэс-праект?] — СБ. Беларусь сегодня, 14.02.2021
- ^ К каким экономическим потерям могут привести призывы к забастовкам, рассказал доцент кафедры политической теории МГИМО Кирилл Коктыш(недаступная спасылка) [Да якіх эканамічных стратаў могуць прывесьці заклікі да страйкаў, распавёў дацэнт катэдры палітычнай тэорыі МГІМО Кірыл Коктыш] — Беларусь 1, 09.09.2020
- ^ К. Коктыш: Призывы к забастовкам не получили поддержку у белорусов(недаступная спасылка) [К. Коктыш: Заклікі да страйкаў не атрымалі падтрымкі ў беларусаў] — Беларусь 1, 07.12.2020
- ^ К. Коктыш: «ВНС — это диалог власти и народа»(недаступная спасылка) [К. Коктыш: «Усебеларускі народны сход — гэта дыялёг улады і народу»] — Беларусь 1, 08.02.2021
- ^ Очередной «акт о демократии» не несет ничего нового, но открывает Беларуси новые возможности [Чарговы «акт аб дэмакратыі» не нясе нічога новага, але адчыняе Беларусі новыя магчымасьці] — СБ. Беларусь сегодня, 20.11.2020
- ^ К. Коктыш: Вмешиваясь во внутренние дела Беларуси, Польша преследует свои эгоистичные интересы(недаступная спасылка) [К. Коктыш: Умешваючыся ва ўнутраныя справы Беларусі, Польшча перасьледуе свае эгаістычныя інтарэсы] — Беларусь 1, 03.12.2020
- ^ Биография Кирилла Коктыша