Касьцёл Сьвятога Казімера (Магілёў)

Помнік сакральнай архітэктуры
Касьцёл Сьвятога Казімера
Касьцёл Сьвятога Казімера
Краіна	Беларусь
Места	Магілёў
Каардынаты	53°53′47.24″ пн. ш. 30°20′0.54″ у. д.
Архітэктурны стыль	клясыцыстычная архітэктура[d]
Дата заснаваньня	1604
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Касьцёл Сьвятога Казімера на мапе Беларусі Касьцёл Сьвятога Казімера
Касьцёл Сьвятога Казімера на Вікісховішчы

Касьцёл Сьвято́га Казі́мера (Фа́рны) — помнік архітэктуры XVII—XIX стагодзьдзяў у Магілёве. Знаходзіцца ў цэнтры места, пры гістарычным Фарным завулку. Дзеяў да першай паловы XX ст. Твор архітэктуры клясыцызму. Аб’ект Дзяржаўнага сьпісу гістарычна-культурных каштоўнасьцяў Беларусі.

Фарны касьцёл — найстарэйшы мураваны будынак Магілёва, часткова зруйнаваны за савецкім часам.

Гісторыя

Вялікае Княства Літоўскае

У 1604 годзе з фундацыі караля і вялікага князя Жыгімонта Вазы ў Магілёве збудавалі парафіяльны (фарны) касьцёл (паводле іншых зьвестак, будаваньне вялося ў 1675—1680 гадох).

Пад уладай Расейскай імпэрыі

Па першым падзеле Рэчы Паспалітай (1772 год), калі Магілёў апынуўся ў складзе Расейскай імпэрыі, касьцёл працягваў дзеяць. У 1810 годзе яго перабудавалі ў стылі клясыцызму.

Меў статус катэдральнага да пераносу катэдры ў касьцёл Сьвятога Станіслава пры кляштары кармэлітаў.

Найноўшы час

Савецкія ўлады зачынілі і часткова зруйнавалі касьцёл. Будынак перарабілі пад складзкое памяшканьне (цяпер ва ўласнасьці РУП «Белтэлекам»).

Архітэктура

Помнік архітэктуры клясыцызму. Гэта 1-нэфавы прастакутны ў пляне аб’ём з бакавымі прыбудовамі і 5-граннай алтарнай апсыдай. Усходні і заходні фасады мелі клясычныя портыкі. Аб’ём завяршаўся драўляным купалам на нізкім барабане.

Хоры, дзе месьціўся 7-галосны арган, падтрымліваліся 4 драўлянымі слупамі. Тры алтары аздабляла драўляная скульптура.

Галерэя

Гістарычная графіка

• Старая графіка
• 
  Ю. Пешка, каля 1800 г.
• 
  1840 г.
• 
  1880 г.
• 
  1882 г.

Гістарычныя здымкі

• Старыя здымкі
• 
  1913 г.
• 
  1913 г.
• 
  1913 г.
• 
  1913 г.

• 
  1913 г.
• 
  1913 г.
• 
  1913 г.
• 
  1913 г.

• 
  1913 г.
• 
  1913 г.
• 
  да 1915 г.
• 
  да 1915 г.

• 
  А. Вінэр, 1939 г.
• 
  А. Вінэр, 1939 г.
• 
  А. Вінэр, 1939 г.
• 
  травень 1942 г.

Сучасныя здымкі

• Сучасны стан
• 
  Агульны выгляд
• 
  Портык
• 
  З боку апсыды
• 
  Бакавы фасад

Літаратура

• Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  513Г000007

• Фарны касьцёл у Магілёве, Radzima.org