Глен Лёовэнс
| Глен Лёовэнс | ||
 | ||
| Пэрсанальная інфармацыя | ||
|---|---|---|
| Нарадзіўся | 22 верасьня 1983[1][2][3] (42 гады) | |
| Рост | 188 см | |
| Вага | 77 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2001—2006 | Фэеноорд | 27 (0) |
| 2003—2004 | → Эксэльсіёр | 24 (2) |
| 2004—2005 | → Дэ Граафсхап | 11 (0) |
| 2005—2006 | → Кардыф Сіці | 33 (2) |
| 2006—2008 | Кардыф Сіці | 67 (1) |
| 2008—2012 | Сэлтык | 61 (8) |
| 2012—2013 | Рэал Сарагоса | 21 (0) |
| 2013—2018 | Шэфілд Ўэнздэй | 131 (1) |
| 2018—2019 | Сандэрлэнд | 11 (0) |
| Зборныя | ||
| 2009—2010 | Нідэрлянды | 2 (0) |
Глен Лёовэнс (па-нідэрляндзку: Glenn Loovens; нар. 22 кастрычніка 1983 году, Дутынхэм, Нідэрлянды) — былы нідэрляндзкі футбаліст, абаронца. Мае на сваім рахунку толькі дзьве гульні ў складзе нацыянальнай зборнай Нідэрляндаў. У зборнай дэбютаваў у часе таварыскай сустрэчы са зборнай Японіі 5 верасьня 2009 году.
Кар’ера
[рэдагаваць | рэдагаваць код]«Фэеноорд»
[рэдагаваць | рэдагаваць код]Лёовенс ёсьць выхаванец нідэрляндзкага клюбу «Фэеноорд». Дэбют Глена ў першым складзе гэтага клюбу адбыўся ў сэзоне 2001—2002 у матчы супраць ПСВ. У гэтым жа годзе Лёовэнс разам з камандай стаў уладальнікам Кубка УЭФА, абыграўшы ў фінале на сваім хатнім стадыёне дортмундзкую «Барусію» зь лікам 3:2. Ягонымі партнэрамі па «Фэернордзе» ў той час былі такія футбалісты, як Робін ван Пэрсі, Ківард Спрокель, Фэрн Снойль. Аднак у наступных сэзонах Лёовэнс ня змог скарыстацца такім пасьпяховым пачаткам кар’еры, саступіўшы месца ў асноўным складзе Патрыку Пааўвэ. На эўрапейскай арэне нідэрляндзец упершыню выступіў у 19-гадовым узросьце — дэбютам паслужыла гасьцёвая сустрэча «Фэеноорда» з кіеўскім «Дынама», якая адбылася 23 кастрычніка 2002 году на Алімпійскім стадыёне ў Кіеве ў рамках Лігі чэмпіёнаў.
Ня маючы магчымасьці даць Глену сталага месца ў складзе, клюб быў вымушаны наступныя тры гады аддаваць Лёовэнса ў арэнду ў іншыя каманды — «Эксэльсіёр», «Дэ Граафсхап» і «Кардыф Сіці».
«Кардыф Сіці»
[рэдагаваць | рэдагаваць код]Сэзон 2005—2006 Глен пачаў у ангельскім клюбе «Кардыф Сіці», які прадстаўляў Першы дывізіён[4]. Лёовэнс уразіў кіраўніцтва «ластавак» сваёй гульнёй, і празь некалькі месяцаў перамоваў зь нідэрляндзкім бокам было абвешчана, што «Сіці» выкупілі трансфэр гульца за 250 тысячаў фунтаў стэрлінгаў[5]. Першапачаткова партнэрам Глена па цэнтры абароны быў капітан «Кардыф Сіці» Дэрэн Пэрс, аднак у сэзоне 2007—2008 ангелец страціў месца ў аснове ў барацьбе з Роджэрам Джонсанам. Лёовэнс і ягоны новы «напарнік» сваёй выдатнай гульнёй дапамаглі «ластаўкам» дайсьці да фіналу Кубка Ангельшчыны, дзе клюб прайграў «Портсмуту» зь лікам 0:1. Сам Глен забіў гол у гэтай сустрэчы, аднак галоўны судзьдзя сустэчы, Майк Дын, яго не залічыў[6].
У тым жа сэзоне Лёовэнс згуляў свой 100-ы матч за «Кардыф Сіці» у разнастайных афіцыйных турнірах. Гэта адбылося 12 сакавіка 2008 году ў матчы супраць «Гал Сіці»[7].
«Сэлтык»
[рэдагаваць | рэдагаваць код]Улетку 2008 году Глен стаў аб’ектам цікавасьці для іншых клюбаў, сярод якіх галоўнымі прэтэндэнтамі на нідэрляндца былі непрымірымыя супернікі з Шатляндыі — «Сэлтык» і «Рэйнджарз». Галоўны трэнер «рэйнджараў» Ўолтэр Сьміт, заявіўшы аб сваім жаданьні займець у свае шэрагі Лёовэнса, зрабіў кіраўніцтву «Кардыф Сіці» прапанову аб куплі нідэрляндца, на якое «ластаўкі» адказалі адмовай. 16 жніўня было абвешчана, што Глен падпісаў 4-гадовы кантракт з «Сэлтыкам», а сума адчэпных, выплачаных «кельтамі» «Кардыфу Сіці» склала 2,5 мільёну фунтаў стэрлінгаў. Лёовэнс, камэнтуючы свой пераход, заявіў, што «вырашальным фактарам для прыняцьця такога рашэньня быў удзел ягонага новага клюбу ў Лізе чэмпіёнаў»[8][9].
Ужо 23 жніўня Глен дэбютаваў у бела-зялёнай футболцы клюбу з Глазга — у сустрэчы, якая праходзіла на «Сэлтык Парк», «кельты» перамаглі «Фалкірк» зь лікам 3:0[10]. Празь месяц пасьля гэтага Лоёвэнс забіў свой першы гол на шатляндзкай зямлі, забіўшы мяч у браму «Лівінгстана» ў матчы Кубка Лігі[11]. Нідэрляндзец хутка замацаваўся ў асноўным складзе «Сэлтыка» стаўшы адным зь незаменных гульцоў ахоўных парадкаў «бела-зялёных».
«Сарагоса»
[рэдагаваць | рэдагаваць код]Па заканчэньні сэзону 2011—2012 гадоў Глен пакінуў «Сэлтык» з прычыны заканчэньня свайго кантракту з клюбам. 17 ліпеня абаронца заключыў пагадненьне з гішпанскім калектывам «Рэал Сарагоса». Каб ажыцьцявіць гэты трансфэр, Лёовэнс адхіліў прапановы ангельскага «Блэкбэрн Ровэрз» і турэцкага «Бэшыкташ»[12].
«Шэфілд Ўэнздэй»
[рэдагаваць | рэдагаваць код]Лёовэнс падпісаў кароткатэрміновы кантракт у сьнежні 2013 году з клюбам «Шэфілд Ўэнздэй» пасьля кароткага знаходжаньня ў клюбе на праглядзе. Свой кантракт потым гулец падоўжыў да траўня 2014 году[13].
Дасягненьні
[рэдагаваць | рэдагаваць код]«Фэеноорд»:
- Уладальнік Кубка УЭФА: 2002
«Сэлтык»:
- Чэмпіён Шатляндыі: 2012
- Уладальнік Кубка Шатляндыі: 2011
- Уладальнік Кубка шатляндзкай лігі: 2009
Крыніцы
[рэдагаваць | рэдагаваць код]- ↑ Soccerway (мн.)
- ↑ National-Football-Teams.com (анг.)
- ↑ soccerbase.com (анг.)
- ↑ «Фейеноорд» подписал 18-летнего нигерийца, Спорт-Экспресс
- ↑ «Cardiff City look to the Loovenator», Western Mail
- ↑ Cardiff 0-1 Portsmouth(недаступная спасылка), soccerbase.com
- ↑ Cardiff 1-0 Hull(недаступная спасылка), soccerbase.com
- ↑ «Celtic sign Loovens from Cardiff», BBC Sport
- ↑ «Селтик» приобрел защитника «Кардиффа», Sports.ru
- ↑ Celtic 3-0 Falkirk, soccerbase.com
- ↑ Celtic 4-0 Livingston(недаступная спасылка), soccerbase.com
- ↑ «Glenn Loovens closes in on Real Zaragoza move after quitting Celtic». Daily Record
- ↑ Loovens checks in. Sheffield Wednesday FC.
Вонкавыя спасылкі
[рэдагаваць | рэдагаваць код]- Нарадзіліся 22 верасьня
- Нарадзіліся ў 1983 годзе
- Нарадзіліся ў Дутынхэме
- Футбалісты клюбу «Фэеноорд» Ратэрдам
- Футбалісты клюбу «Эксэльсіёр» Ратэрдам
- Футбалісты клюбу «дэ Граафсхап» Дутынхэм
- Футбалісты клюбу «Кардыф Сіці»
- Футбалісты клюбу «Сэлтык» Глазга
- Футбалісты клюбу «Рэал» Сарагоса
- Футбалісты клюбу «Шэфілд Ўэнздэй»
- Футбалісты клюбу «Сандэрлэнд»
- Футбалісты зборнай Нідэрляндаў
- Нідэрляндзкія футбалісты