Гатэль Эўропа (Менск)

Каардынаты: 53°54′9.63″ пн. ш. 27°33′26.18″ у. д. / 53.902675° пн. ш. 27.5572722° у. д. / 53.902675; 27.5572722

Гатэль «Эўропа» — гатэль у цэнтры Менска, разьмяшчаецца на рагу вуліц Інтэрнацыянальная і Леніна.

Гатэль Эўропа (пачатак XIX ст. — 40-я гг. XX ст.)

У пачатку XIX стагодзьдзя на рагу тагачасных пл. Катэдральнай і вул. Губэрнатарскай быў пабудаваны двухпавярховы гатэль. У 1884 г. гатэль зрабіўся трохпавярховым і атрымаў назву «Эўропа».

У 1906—1908 гг. гатэль перабудаваны ў стылі мадэрн, былі прыбудаваныя тры паверхі, у выніку чаго будынак зрабіўся найвысокім у Менску і найбуйным гатэлем у тагачасным Паўночна-заходнім краі.

У 1925 г. гатэль быў перайменаваны ў «Цэнтральную гасьцініцу Менскай камунальнай гаспадаркі».

У 1939 г. у будынку мяшкала менскае аддзяленьне Інтурыста.

У часы Другой Сусьветнай вайны стары будынак гатэля быў цалкам зьнішчаны^[1].

Аднаўленьне

У 2004 г. было прынята рашэньне аб адбудове гатэля «Эўропа». Адбудова была завершаная ў 2006 г.

Будаўніцтва выклікала крытыку з боку гісторыкаў і архітэктараў.

Перадусім крытыку выклікала тое, што адбудова адбылася ня ў тым месцы, дзе стаяў арыгінальны гатэль. Паводле архітэктара Ўладзімера Папругі, «гістарычна гатэль „Эўропа“ стаяў (...) на тэрыторыі суседняга пляцу, які прымыкаў да [сучаснага] будынку, калі глядзець цяпер ад галоўнага фасаду справа.» ^[2]

На месцы сёньняшняга гатэля «Эўропа» раней стаяў першы менскі гарадзкі тэатар, а перад тым — менскі палац Радзівілаў 17-18 стст^[3]^[4].

Крыніцы

Вонкавыя спасылкі

Гатэль Эўропа (Менск) — сховішча мультымэдыйных матэрыялаў

Афіцыйны сайт (без беларускай вэрсіі)

[1] ttps://web.archive.org/web/20130203092215/http://www.hoteleurope.by/en/about_hotel/history

[papruha-2] ttps://web.archive.org/web/20080229144859/http://www.svaboda.org/content/Transcript/1045394.html

[3] ttps://web.archive.org/web/20110825222012/http://www.nn.by/index.php?c=ar&i=11355

[4] ttp://www2.polskieradio.pl/zagranica/de/news/artykul42396.html(недаступная спасылка)

[1]

[2]

[3]

[4]