Варлен Бечык

Варлен Бечык
Дата нараджэньня	25 чэрвеня 1939(1939-06-25)
Месца нараджэньня	Астрашыцкі Гарадок, Менскі раён, Менская вобласьць, БССР, СССР
Дата сьмерці	13 лістапада 1985(1985-11-13) (46 гадоў)
Месца сьмерці	Менск, БССР, СССР
Месца пахаваньня	Прылукі
Месца вучобы	філялягічны факультэт БДУ (1960)
Занятак	літаратуразнаўца, літаратурны крытык, рэдактар, літаратар
Навуковая сфэра	літаратурны крытык, літаратуразнаўства, літаратурная крытыка і рэдагаваньне[d]
Месца працы	Інстытут літаратуры імя Янкі Купалы Мастацкая літаратура філялягічны факультэт БДУ Літаратура і Мастацтва Нёман
Сябра ў	Саюз пісьменьнікаў СССР і Саюз беларускіх пісьменьнікаў
Навуковая ступень	кандыдат філялягічных навук
Маці	Ларыса Кароткая
Узнагароды	Літаратурная прэмія імя Івана Мележа[d] (1987)

Варлен Леанідавіч Бечык (25 чэрвеня 1939, в. Астрашыцкі Гарадок, Менскі раён — 13 верасьня 1985) — беларускі савецкі крытык і літаратуразнавец. Кандыдат філялягічных навук (1974). Сын Ларысы Кароткай.

Жыцьцяпіс

Скончыў БДУ ў 1960 годзе. З 1972 году навуковы супрацоўнік інстытуту літаратуры АН БССР, з 1981 намесьнік галоўнага рэдактара выдавецтва «Мастацкая літаратура».

Творчасьць

Друкуецца з 1959 году. Дасьледуе беларускую паэзію: праблемы яе грамадзянскасьці і мастацкасьці, пытаньні майстэрства, асаблівасьці творчых індывідуальнасьцяў майстроў паэтычнага слова (артыкулы пра Я. Купалу, А. Куляшова, У. Хадыку, А. Дудара, П. Броўку, П. Панчанку, А. Пысіна , А. Вярцінскага, Р. Барадуліна і інш: зборнік літаратурна-крытычных артыкулаў «Сьвет жывы і блізкі», 1974; манаграфія «Беларуская савецкая лірыка», 1979, сумесна з М. Ярашам). Аналізуе і празаічныя творы беларускай літаратуры (артыкулы пра В. Быкава, І. Пташнікава, Я. Сіпакова, І. Хадановіча і іншых).

Бібліяграфія

• Бечык, В. Л. Сьвет жывы і блізкі : літаратурна-крытычныя артыкулы / В. Л. Бечык. — Менск : Мастацкая літаратура, 1974. — 205 с.
• Бечык, В. Л. Шлях да акіяна : кніга пра паэзію А. Куляшова / В. Л. Бечык. — Менск : Мастацкая літаратура, 1981. — 268 с.
• Бечык, В. Л. Прад высокаю красою… : літаратурна-крытычныя артыкулы / В. Л. Бечык. — Менск : Мастацкая літаратура, 1984. — 269 с.
• Бечык, В. Л. Выбранае : літаратурна-крытычныя артыкулы / В. Л. Бечык. — Менск : Мастацкая літаратура, 1989. — 476 с.
• Бечык, В. Л. Радкі і жыцьцё : Старонкі дзёньніка / В. Л. Бечык. — Менск : Мастацкая літаратура, 1993. — 295 с.

Літаратура

• Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мінск: БелЭн, 1995. — 800 с.: іл. — 5000 экз. ISBN 985-11-0026-9. — С. 114.