Бэкаа (даліна)

Бэкаа
Даўжыня	{{{даўжыня}}}
Шырыня	{{{шырыня}}}
Назвы
Арыгінальная назва	па-арабску: وادي البقاع‎
Галерэя здымкаў у Вікісховішчы

Бэкаа́ (па-арабску: وادي البقاع‎) — пладавітая даліна ва ўсходнім Лібане, найважнейшы сельскагаспадарчы рэгіён краіны. Разьмешчаная за 30 км на ўсход ад Бэйруту, між гарамі Лібанам і Антылібанам. Працягласьць даліны — 120 км, шырыня — 16 км. Клімат міжземнаморскі з вільготнымі зімамі і сухімі цёплымі летамі. Ад вялікай колькасьці ападкаў з мора даліну захінае гара Лібан. Тым ня меней, у даліне бяруць выток дзьве ракі: Аронт, якая цячэ на поўнач у Сырыю і Турэччыну; і Літані, якая цячэ па поўдзень і ўпадае ў Міжземнае мора.

З часоў Рымскай імпэрыі даліна Бэкаа была крыніцай збожжа для Леванту. У наш час даліна складае 40% ворных земляў краіны. У паўночнай, менш пладароднай частцы, пражываюць качавыя пастухі. На поўдні вырошчваюць пшаніцу, маіс, бавоўну ды гародніну. Наркагандляры экспартуюць з даліны гашыш і опіюмны мак(d). У 1957 дзеля арашэньня земляў на рацэ Літані збудаваная дамба і вадасховішча Караун.