Богінскае возера
| Возера
Богінскае
Богінскае на мапе Беларусі   Богінскае | |||||||||||||||||||||||
 Галерэя здымкаў у Вікісховішчы | |||||||||||||||||||||||
Бо́гінскае, Бо́гіна — возера ў Браслаўскім раёне Віцебскай вобласьці. Знаходзіцца за 28 км на паўднёвы захад ад Браслава каля вёскі Богіна. Належыць да групы Рычана-Дрысьвяцкіх азёр.
Возера знаходзіцца ў басэйне ракі Дзісны. Плошча Богінскага возера складае 13,2 км². Найбольшая глыбіня возера — 15 м, сярэдняя — 4,7 м. Даўжыня возера — 9,1 км, найбольшая шырыня — 2,9 км. Даўжыня берагавой лініі — 32,2 км. Аб’ём вады ў возеры складае 64,4 млн м³, плошча вадазбору возера — 914 км².
Схілы катлавіны возера маюць вышыню да 6 м, параважна спадзістыя. На поўначы вышыня схілаў складае да 12 м, схілы стромкія і разараныя. Да ўсходняга берага возера прымыкае лясны масіў. Берагі возера нізкія. На поўдні і паўднёвым захадзе берагі забалочаныя, на поўначы і паўночным захадзе — зьліваюцца з схіламі.
Мелкаводзьдзе возера да глыбіні 2 м пяшчанае і пяшчана-жвіровае.
Возера мае 8 выспаў, агульная плошча якіх складае 32,5 га (0,325 км²), зь якіх 2 — Гарадзішча і Церанцейка — зьяўляюцца помнікамі прыроды.
Каля берагоў і выспаў возера зарастае аерам, хвашчом, трысьнягом, чаротам, гарлачыкамі.
Праз возера працякае рака Дрысьвята, пры ўпадзеньні якой у вадаём пабудаваная ГЭС. На ўсходнім беразе возера разьмяшчаецца сажалкавая гаспадарка, якая спэцыялізуецца на разьвядзеньні малявак сазанаў, карпаў, белых амураў, таўсталобікаў.
Возера Богінскае зьяўляецца папулярным месцам адпачынку, рыбалкі і турызму.
На сажалках каля вёскі Чарніцы (вёска) паблізу возера адзначанае гнездаваньне рэдкай для Беларусі птушкі — паганкі малой.
Літаратура
[рэдагаваць | рэдагаваць крыніцу]- Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 69—70