Сіта

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Возера
Сіта
Краіна Беларусь
Плошча 1,88 км²
Плошча вадазбору 9,45 км²
Максымальная глыбіня 28,5 м
Найбольшая даўжыня 3,8 км
Найбольшая шырыня 0,79 км
Даўжыня берагавой лініі 9,8 км
Вышыня над узроўнем мора
Аб’ём вады 14,4 млн м³
Каардынаты 55°40′17.70″ пн. ш. 26°47′36.01″ у. д. / 55.6715833° пн. ш. 26.7933361° у. д. / 55.6715833; 26.7933361Каардынаты: 55°40′17.70″ пн. ш. 26°47′36.01″ у. д. / 55.6715833° пн. ш. 26.7933361° у. д. / 55.6715833; 26.7933361
Сіта на мапе Беларусі
Сіта
Сіта
Сіта

Сіта — возера ў Браслаўскім раёне Віцебскай вобласьці. Знаходзіцца за 16 км захад ад Браслава каля вёскі Крывасельле, на мяжы з Латвіяй. Належыць да групы Рычана-Дрысьвяцкіх азёр.

Возера знаходзіцца ў басэйне ракі Друйка. Плошча Сіта складае 1,88 км². Найбольшая глыбіня возера — 28,5 м. Даўжыня возера — 3,8 км, найбольшая шырыня — 0,79 км. Даўжыня берагавой лініі — 9,8 км. Аб’ём вады ў возеры складае 14,4 млн м³, плошча вадазбору возера — 9,45 км².

Схілы катлавіны возера маюць вышыню 10—12 м, на поўдні і захадзе вышыня схілаў складае 5—6 м. Схілы парослыя лесам і хмызьняком, участкамі знаходзяцца пад лугам. Берагі возера знаходзяцца пад хмызьняком, на поўдні — забалочаныя.

Пойма мае шырыню шырынёй 4—12 м. Возера мае выспу, плошча якой складае 0,023 км².

Дно высланае пяском на глыбіні 7—9 м, глыбей — сапрапэлем.

Шырыня паласы прыбярэжнай расьліннасьці складае 6—10 м, у паўночнай і паўднёвай затоках шырыня паласы расьліннасьці павялічваецца да 40-50 м. Падводная расьліннасьць пашыраная да глыбіні 6—6,5 м.

У возеры жыве рэлікт ледавіковага пэрыяду — рачок лімнакалянус.

З на поўдні вадаёма зь Сіта выцякае ручай у возера бяз назвы.

Крыніцы[рэдагаваць | рэдагаваць крыніцу]

  1. ^ GeoNames — 2005.

Літаратура[рэдагаваць | рэдагаваць крыніцу]

  • Блакітная кніга Беларусі: энцыкл. / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Менск: БелЭн, 1994. — 415 с. ISBN 5-85700-133-1.