Арсень Ачапоўскі
| Арсень Ачапоўскі | ||
| Пэрсанальная інфармацыя | ||
|---|---|---|
| Нарадзіўся | 17 сьнежня 2002[1] (21 год) | |
| Рост | 180 см[2] | |
| Вага | 75 кг[2] | |
| Пазыцыя | нападнік | |
| Клюбная інфармацыя | ||
| Клюб | Слуцак | |
| Нумар | 31 | |
| Клюбы | ||
| Гады | Клюб | Гульні (галы)¹ |
| 2022 | Шахцёр Петрыкаў | 32 (6) |
| 2023— | Слуцак | 34 (2) |
|
¹ Колькасьць гульняў і галоў за прафэсійны клюб лічыцца толькі | ||
Арсень Ачапоўскі (нар. 17 сьнежня 2002 году) — беларускі футбаліст, нападнік «Слуцку».
Кар’ера
[рэдагаваць | рэдагаваць крыніцу]Выхаванец футбольнай акадэміі салігорскага «Шахцёра». У 2019 годзе пачаў абараняць колеры клюбу ў дублюючым складзе. У 2021 годзе пасьля таго як фарм-клюб зь Петрыкава трапіў у Першую лігу, Ачапоўскі прыяднаўся да каманды[3]. Гулец дэбютаваў у другім дывізіёне 18 красавіка 2023 году ў матчы супраць койданаўскага «Арсэналу». Нападнік зьяўляўся ўва ўсіх наступных матчах дружыны, але звычайна гуляў ня поўны матч. 15 траўня вызначыўся галявой перадачай у матчы супраць «Баранавічаў». 3 ліпеня ўлучыў першы мяч у браму койданаўскага клюбу. У жніўні быў выкліканы да шыхтаў салігорскага «Шахцёра»[4], але там не гуляў у першай камандзе.
У сакавіку 2022 году вярнуўся ў петрыкаўскі «Шахцёр». Пасьля шэрагу прапушчаных матчаў зь сярэдзіны траўня пачаў стабільна гуляў у асноўным складзе. 22 траўня адзначыўся дублем у браму «Маладэчна-2018». У студзені 2023 году зышоў з клюбу[5], у наступным месяцы прыяднаўшыся да «Слуцку»[6]. Дэбют у новым клюбе прыпаў на 5 сакавіка 2023 году ў чвэрцьфінальным матчы Кубка Беларусі супраць мазырскай «Славіі». У Найвышэйшай лізе запачаткаваў кар’еру 19 сакавіка ў матчы супраць «Энэргетыка»-БДУ. Першым голам адзначыўся 10 чэрвеня ў браму наваполацкага «Нафтану». Цягам сэзону футбаліст быў гульцом замены, рэгулярна зьяўляючыся на полі з лавы запасных. У студзені 2024 году нападнік працягнуў кантракт з слуцкім клюбам яшчэ на сэзон[7].
Крыніцы
[рэдагаваць | рэдагаваць крыніцу]- ^ а б в г д http://sfc-slutsk.by/person/422
- ^ а б в г https://sfc-slutsk.by/person/422
- ^ Петриковский «Шахтер» подписал Ачаповского (рас.) Football.by.
- ^ Солигорский «Шахтер» вернул из аренды Ачаповского (рас.) Football.by.
- ^ Арсений Ачаповский покинул петриковский «Шахтер» (рас.) Football.by.
- ^ Арсений Ачаповский подписал контракт с СФК «Слуцк» (рас.) Афіцыйны сайт ФК «Слуцак».
- ^ Арсений Ачаповский продлил контракт со «Слуцком» (рас.) Football.by.
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо»(недаступная спасылка) (рас.)
- Профіль (анг.) на Transfermarkt
- Профіль (анг.) на Soccerway