Крыштап Міхал Сапега

Крыштап Міхал Сапега
лац. Kryštap Michał Sapieha

Крыштап Міхал Сапега
Герб Ліс
Падстолі вялікі літоўскі
1630 — 1631
Папярэднік	Крыштап Мікалаевіч Сапега
Наступнік	Гедэон Міхал Трызна
Асабістыя зьвесткі
Нарадзіўся	10 жніўня 1607(1607-08-10) Ружаны, Слонімскі павет, Наваградзкае ваяводзтва, Вялікае Княства Літоўскае, Рэч Паспалітая
Памёр	17 жніўня 1631(1631-08-17) (24 гады)
Пахаваны	Касьцёл сьвятога Міхала (Вільня)
Род	Сапегі
Бацькі	Леў Сапега Альжбэта Сапега[d]
Дзейнасьць	пісьменьнік

Крыштап Міхал Сапега (10 жніўня 1607, Ружаны — 17 жніўня 1631) — дзяржаўны дзяяч Вялікага Княства Літоўскага. Падстолі (з 1630) і пісар вялікі літоўскі (з 1631),

Біяграфія

З чарэйска-ружанскай лініі магнацкага роду Сапегаў гербу Ліс, сын Льва, канцлера вялікага літоўскага, і Альжбеты з Радзівілаў. Меў братоў Яна Станіслава і Казімера Льва.

Навучаўся ў Віленскай акадэміі, разам з братам Казімерам Львом працягваў адукацыю за мяжой у Мюнхэне і Інгальштаце.

У 1624 годзе захварэў на сухоты, што прымусіла братоў вярнуцца дадому. Па непрацяглым лячэньні выехаў па навучаньне ў Лёвэнскі ўнівэрсытэт, наведаў Брусэль, Балёньню (1628 год) і Падую (1629 год). Аднак абвастрэньне хваробы прымусіла яго вярнуцца дадому.

Абіраўся паслом на соймы 1629 і 1630 гадоў. У 1630 годзе атрымаў ўрад падстолія, у сакавіку 1631 году — пісара вялікага літоўскага.

Заўчасна памёр ад сухотаў. На ажаніўся, нашчадкаў не пакінуў.

Займаўся гістарычнай і літаратурнай дзейнасьцю, быў аўтарам гісторыі пра Дзьмітрыя-Самазванца «Opowiedzenie dziejów Dymitra cara» (рукапіс загінуў) і працы «Theses politicae ex Aristotelis libris de republica» (Лёвэн, 1627 год).

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0