ISO 3166-3

ISO 3166-3 — частка стандарту ISO 3166, якая вядзе пералік коды ўжо не існуючых дзяржаваў (з прычынаў аб’яднаньня, падзелу, зьмена назвы і да т. п.). Упершыню апублікаваная ў 1999 годзе.

Калі пасьля 1974 году краіны

• далучыліся да іншых (напрыклад, НДР да ФРН),
• распаліся (напрыклад, Чэхаславаччына),
• зьмянілі сваю назву (напрыклад, Верхняя Вольта),

то іх скарачэньні выкрасьляюцца з ISO 3166-1 і з даданьнем дзьвюх дадатковых літар заносяцца ў ISO 3166-3. Пры гэтым першыя дзьве літары ўяўляюць стары код па ISO 3166-1, і дзьве апошнія — новы код з ISO 3166-1. Калі адназначнай пасьлядоўнасьці не існуе, то апошнія літары будуць HH. Для Сэрбіі і Чарнагорыі, у якой было скарачэньне CS, у 2006 г. вызначылі скарачэньне CSXX замест CSHH, каб ня блытаць з кодам CSHH для былой Чэхаславаччыны.

Прыклады:

• НДР (DD) была ўключаная ў ФРН (DE), гэтым скончылася яе існаваньне. Таму паводле ISO 3166-3 скарачэньнем для НДР служыць DDDE.
• Чэхаславаччына (CS) распалася на Чэхію (CZ) і Славаччыну (SK). Таму код былой краіны па ISO 3166-3 — CSHH.
• Верхняя Вольта (HV) пераназвалася ў Буркіна-Фасо (BF). Паводле ISO 3166-3 код для Верхняй Вольты — HVBF.

Састарэлыя коды ISO 3166-1 alpha-2

Наступны сьпіс утрымлівае састарэлыя дзьвюхлітарныя коды паводле ISO 3166. Шматлікія з гэтых скарачэньняў былі замененыя перад зьяўленьнем Domain Name System, таму яны ніколі не выкарыстоўваліся як TLD. Для кожнага коду дадзены год замены.

Нескарыстаныя коды могуць быць ізноў выдадзеныя пасьля заканчэньня 5 гадоў (напрыклад, AI, CS, GE і SK).

• AIDJ — 1977 Францускія тэрыторыі афараў і ісаў

  заменена на DJ для Джыбуці, Ангільі аддадзенае скарачэньне AI

• BQAQ — 1979 Брытанская антарктычная тэрыторыя

  уключана ў AQ Антарктыда

• BUMM — 1989 Бірма

  заменена на MM для М'янма

• CSHH — 1993 Чэхаславаччына

  заменена на CZ для Чэхія і SK — Славаччына

• CSXX — 2006 Сэрбія і Чарнагорыя

  заменена на RS для Сэрбія і ME — Чарнагорыя

• CTKI — 1984 Кантон і Эндэрбэры

  уключана ў KI Кірыбаці

• DDDE — 1990 DDR

  заменена на DE Нямеччына

• DYBJ — 1977 Дагамэя

  заменена на BJ Бэнін

• FQHH — 1979 Францускія Паўднёвыя і Антарктычныя тэрыторыі

  уключана ў AQ Антарктыда і TF (Францускія Паўднёвыя тэрыторыі)

• FXFR — 1997 Мэтраполія Францыі

  уключана ў FR (Францыя)

• HVBF — 1984 Верхняя Вольта

  заменена на BF для Буркіна-Фасо

• SUHH — 1992 Савецкі Саюз

  заменена на AM Армэнія, AZ Азэрбайджан, BY Беларусь, EE Эстонія, GE Грузія, KG Кыргыстан, KZ Казахстан, LT Летува, LV Латвія, MD Малдова, RU Расея, TJ Таджыкістан, TM Туркмэністан, UA Украіна і UZ Узбэкістан (BY і UA ужо існавалі), код SU дагэтуль выкарыстоўваецца як дамэн верхняга ўзроўню

• VDVN — 1977 Дэмакрытычная Рэспубліка Віетнам

  заменена на VN Віетнам

• YUCS — 2003 Югаславія

  заменена на CS для Сэрбія і Чарнагорыя

• ZRCD — 1997 Заір

  заменена на CD для Дэмакратычная Рэспубліка Конга

Абнаўленьні

Пасьля першай публікацыі стандарту рушыла ўсьлед 5 дадаткаў/зьмен:

1. ISO 3166-3 Newsletter I-1 — ад 2002-11-15
2. ISO 3166-3 Newsletter I-2 — ад 2002-11-22
3. ISO 3166-3 Newsletter I-3 — ад 2003-07-23
4. ISO 3166-3 Newsletter I-4 — ад 2006-09-26
5. ISO 3166-3 Newsletter I-5 — ад 2006-12-01

Глядзіце таксама

• ISO 3166-1
• ISO 3166-2