Царква Сьвятой Тройцы (Мір)

From Вікіпэдыя
Jump to navigation Jump to search
Помнік сакральнай архітэктуры
Царква Сьвятой Тройцы
Траецкая царква па маскоўскай перабудове
Траецкая царква па маскоўскай перабудове
Краіна Беларусь
Мястэчка Мір
Каардынаты 53°27′08.17″ пн. ш. 26°44′08.4″ у. д. / 53.4522694° пн. ш. 26.735667° у. д. / 53.4522694; 26.735667Каардынаты: 53°27′08.17″ пн. ш. 26°44′08.4″ у. д. / 53.4522694° пн. ш. 26.735667° у. д. / 53.4522694; 26.735667
Архітэктурны стыль псэўдарускі стыль
Дата заснаваньня XVI ст.
Статус Дзяржаўны сьпіс гісторыка-культурных каштоўнасьцяў Рэспублікі Беларусь
Царква Сьвятой Тройцы на мапе Беларусі
Царква Сьвятой Тройцы
Царква Сьвятой Тройцы
Царква Сьвятой Тройцы
Commons-logo.svg Царква Сьвятой Тройцы на Вікісховішчы

Царква Сьвятой Тройцы — помнік архітэктуры XVI ст. у Міры. Знаходзіцца на гістарычным Рынку[a]. Пры пабудове была ў юрысдыкцыі Канстантынопальскага патрыярхату, цяпер — у валоданьні Маскоўскага патрыярхату. Твор архітэктуры барока, мастацкае аблічча якога пацярпела ў выніку маскоўскай перабудовы. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя[edit | edit source]

У 1695 годзе з фундацыі Мікалая Радзівіла «Сіроткі» ў Міры збудавалі драўляную царкву. На мяжы XVI—XVII стагодзьдзяў драўляны будынак замянілі на мураваны. Аўтарства праекту помніка прыпісваюць Я. М. Бэрнардоні[1]. У 1705 годзе пры царкве з фундацыі Караля Станіслава Радзівіла пачаў дзейнічаць манастыр базылянаў.

Па трэцім падзеле Рэчы Паспалітай (1795) царква і манастыр працягвалі дзейнічаць, аднак у 1824 годзе ўлады Расейскай імпэрыі ліквідавалі манастыр, пазьней царкву гвалтоўна адабралі ў Сьвятога Пасаду і перадалі ў валоданьне Маскоўскага патрыярхату. Па пажары 1865 году царкву перабудавалі ў маскоўскім стылі і наноў асьвяцілі 9 чэрвеня 1868 году.

Архітэктура[edit | edit source]

Помнік архітэктуры раньняга барока. Гэта была 1-нэфавая базыліка з трансэптам, да якога далучаецца глыбокая паўкруглая апсыда. Даўжыня трансэпта роўная даўжыні нэфа. Уваход у царкву быў празь невялікі бабінец. Будынак асьвятляўся лучковымі вокнамі (2 на баках нэфа і 3 на тарцах трансэпта).

У выніку маскоўскай перабудовы над бабінцам збудавалі 3-ярусную вежу-званіцу (васьмярык на 2 чацьверыках) з мураваным першым паверхам, драўлянымі 2-м і 3-м ярусамі, завершаную 8-гранным шатровым дахам з купалам-цыбулінай на глухім барабане[2]. Апроч таго, над асноўным аб’ёмам паставілі 5 несапраўдных купалаў-цыбулінаў. Асноўны аб’ём накрылі 4-схільным, апсыду — паўавальным, бабінец — 2-схільным дахамі. Вокны парарабілі пад круглыя і прастакутныя з аркавымі завяршэньнямі. У месцы злучэньня нэфа і трансэпта ўладкавалі сходы.

Галерэя[edit | edit source]

Гістарычныя здымкі і графіка[edit | edit source]

Сучасныя здымкі[edit | edit source]

Заўвагі[edit | edit source]

  1. ^ Цяперашні афіцыйны адрас — вуліца Чырвонаармейская, 2

Крыніцы[edit | edit source]

  1. ^ ВКЛ. Энцыкл. Т. 3. — Менск, 2010. С. 353.
  2. ^ Чарнатаў В. Мірская Троіцкая царква // Архітэктура Беларусі. Энцыкл. — Менск, 1993. С. 347

Літаратура[edit | edit source]

Вонкавыя спасылкі[edit | edit source]

Histvalue sign export.svg Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  412Г000320

Commons-logo.svg Царква Сьвятой Тройцы (Мір)сховішча мультымэдыйных матэрыялаў