Царква Покрыва Багародзіцы (Орля)

Помнік гісторыі
Царква Покрыва Багародзіцы
Царква Покрыва Багародзіцы
Краіна	Беларусь
Вёска	Орля
Каардынаты	53°30′30.39″ пн. ш. 24°58′54.84″ у. д.
Канфэсія	Беларускі экзахат
Эпархія	Гарадзенская і Ваўкавыская япархія[d]
Царква Покрыва Багародзіцы на мапе Беларусі Царква Покрыва Багародзіцы
Царква Покрыва Багародзіцы на Вікісховішчы

Царква Покрыва Багародзіцы — помнік гісторыі другой паловы XIX стагодзьдзя (мураўёўка) у Орлі. Знаходзіцца ў цэнтры колішняга мястэчка. Дзее. Твор архітэктуры расейскай эклектыкі.

Гісторыя

Царква, каля 1900 г.

Мураваную царкву Ўрадавага сыноду Расейскай імпэрыі (Маскоўскай царквы) у Орлі збудавалі ў 1866 годзе.

Па Другой сусьветнай вайне савецкія ўлады зачынілі царкву. У 1988 годзе будынак царквы перадалі Беларускаму экзархату Маскоўскага патрыярхату.

Архітэктура

Прыклад эклектычнай царкоўнай архітэктуры Расейскай імпэрыі. Мае 4-часткавую кампазыцыю, якая складаецца з 3-яруснай васьмерыковай званіцы, кароткай і нізкай трапезнай, малітоўнай залі і апсыды. Шатры званіцы і асноўнага аб’ёму завяршаюцца купаламі-цыбулінамі. На фоне паліхромнай бутавай муроўкі сьценаў кантрастава вылучаюцца атынкаваныя элемэнты архітэктурнага дэкору: кілепадобныя ліштвы вокнаў-біфорыюмаў, аркатурныя фрызы, кутнія руставаныя лапаткі.

Усярэдзіне малітоўная заля накрываецца шатровым скляпеньнем на ветразях, апсыда вылучаецца 2-ярусным іканастасам.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Царква Покрыва Багародзіцы ў Орлі, Radzima.org