Хар’юскі павет

	Хар’юскі павет
	эст. Harju maakond
Герб	; Сьцяг
Агульныя зьвесткі
Краіна	Эстонія;
Краіна	Эстонія
Статус	павет
Сталіца	Талін
Старэйшына	Юльле Раясалу
Насельніцтва (2011)	528 468 чал.
Шчыльнасьць	120,3 чал./км²
Плошча	4333 км²
Месцазнаходжаньне Хар’юскага павету
Мэдыя-зьвесткі
Часавы пас	+2
Летні час	+3
Код ISO 3166-2	EE-37
Геаграфічны код	EE-37
	Афіцыйны сайт
	Дадатковыя мультымэдыйныя матэрыялы

Ха́р’юскі павет (эст. Harjumaa — Ха́р’юская зямля) — павет у паўночнай Эстоніі, на паўднёвым узьбярэжжы Фінскае затокі. Мяжуе зь Ляэнэ-Вірумаа на ўсходзе, Ярвамаа на паўднёвым усходзе, Рапламаа на поўдні і Ляэнэмаа на паўднёвым захадзе.

Насельніцтва — 528 468 чалавек (студзень 2011)^[1], што складае 39,4% усяго насельніцтва Эстоніі.

На тэрыторыі павету знаходзіцца таксама сталіца Эстоніі Талін.

Адміністрацыйна-тэрытарыяльны падзел

Павет падзяляецца на 24 муніцыпалітэты, 6 зь якіх мескія (па-эстонску: linnad) і 18 — вясковыя (па-эстонску: vallad). 31 воласьць і 393 вёскі.

Мескія:

Вясковыя:

Геаграфія

На тэрыторыі павету знаходзіцца прыкладна 80 астравоў, агульная працягласьць берагавой лініі складае 530 км.

Найвышэйшая кропка — Оргімягі каля Аэгвійду — 98,6 м. Найвышэйшая строма — Цюрысалу(et) — 30 м. На тэрыторыі павету знаходзяцца таксама і найвышэйшыя валуны Эстоніі, самы высокі зь якіх (Таміспэа(et) ля вёскі Лёкса) — 7,8 м. Яшчэ адзін валун — Кабэліківі(et) — мае ў дыямэтры 58 м.

34 ракі ўпадаюць у Балтыйскае мора, аднак ніводная зь іх не пасуе для суднаплаўства. Найдаўжэйшыя рэкі — Ягала, Пірыта і Кейля.

У павеце Хар’ю налічваецца 11 вадаспадаў, найвышэйшым зь якіх (8 м) зьяўляецца Ягальскі.

97 азёраў і вадасховішчаў займаюць плошчу 20 км². Найвялікшыя зь іх — Паўнкюля(et) (3,5 км²) і Кахала (3,47 км²).

Прыкладна 20% тэрыторыі павету займаюць балоты.

Насельніцтва

Для павету, у адрозьненьне ад Эстоніі ў цэлым, характэрны невялікі натуральны прырост насельніцтва, што тлумачыцца вышэйшым узроўнем жыцьця ў сталіцы. Станам на 1 студзеня 2012 ў Хар’юмаа пражывалі 529 898 асобаў, зь якіх 53,88% жанчын і 46,12% мужчын. Каля 75% насельніцтва пражывае ў Таліне.

Адметнаю рысаю павету зьяўляецца ягоная шматнацыянальнасьць. Эстонцы складаюць 60,24% насельніцтва (319 тыс. чал.), расейцы — 32% (170 тыс.), украінцы — 3,2%, беларусы — 1,7%, іншыя — 2,9% (фіны, немцы, татары, армяне, жыды).

14,1% насельніцтва — узростам да 14 гадоў, працаздольнае насельніцтва складае 70,1%, людзей старэйшых за 65 гадоў — 15,7%.

Рака Ягала ўзімку

Крыніцы і заўвагі

^ ^а ^б Estonia’s natural increase in 2010 was positive again after 20 years stat.ee. Statistics Estonia (25 красавіка 2011). Праверана 30 красавіка 2011 г.
^ General Information (анг.). Harjumaa muuseum. Праверана 28 кастрычніка 2012 г.

Вонкавыя спасылкі

Хар’юскі павет — сховішча мультымэдыйных матэрыялаў

Афіцыйная бачына (эст.)
Музэй Хар’юмаа (анг.)

[County_population-1] а ^б Estonia’s natural increase in 2010 was positive again after 20 years stat.ee. Statistics Estonia (25 красавіка 2011). Праверана 30 красавіка 2011 г.

[2] General Information (анг.). Harjumaa muuseum. Праверана 28 кастрычніка 2012 г.

[1]

[2]