Томас Эдўард Лоўрэнс

	Томас Эдўард Лоўрэнс
Асабістыя зьвесткі
Нарадзіўся	16 жніўня 1888[…]; Трэмадаг[d], Porthmadog[d], Гвінэд[d], Ўэйлз, Вялікабрытанія[d];
Памёр	19 траўня 1935[…] (46 гадоў); Бовінгтан[d], Ўул[d], Дорсэт[d], Дорсэт, Ангельшчына, Вялікабрытанія;
Пахаваны	Царква Сьвятога Мікалая[d];
Бацькі	Томас Чэпман[d]; Сара Джунэр[d]
Літаратурная дзейнасьць
Род дзейнасьці	антраполяг, археоляг, аўтабіёграф, пісьменьнік, афіцэр, сцэнарыст, перакладнік, замказнавец, шпіён, дыплямат, лётчык, вайсковец, падарожнік вакол сьвету
Гады творчасьці	з 1914
Мова	француская мова, ангельская мова і арабская мова
Узнагароды
	Томас Эдўард Лоўрэнс у Вікісховішчы

Томас Эдўард Лоўрэнс, больш вядомы як Т. Э. Лоўрэнс, альбо Палкоўнік Лоўрэнс, альбо Лоўрэнс Арабійскі (па-ангельску: Thomas Edward Lawrence, Lawrence of Arabia; 16 жніўня 1888, вёска Трэмадаг — 19 траўня 1935, лягер Бовінгтан, Дорсэт) — брытанскі афіцэр і пісьменьнік, які адыграў вялікую ролю ў Вялікім арабскім паўстаньні 1916—1918 гадоў. Лоўрэнс лічыцца ваенным героем як у Вялікабрытаніі, гэтак і ў шэрагу арабскіх краін Блізкага Ўсходу.

Біяграфія

Нарадзіўся па-за шлюбам у жніўні 1888 году ў сям’і Сары Джунэр, гувэрнанткі, і сэра Томаса Чэпмана, 7-га барона, ангельска-ірляндзкага шляхціча. Каб сужыцца з Джунэр, Чэпман пакінуў жонку і сям’ю ў Ірляндыі. Яны называлі сябе містэр і місіс Лоўрэнс, выкарыстоўваючы прозьвішча верагоднага бацькі Сары. У 1896 годзе Лоўрэнсы пераехалі ў Оксфард, дзе Томас навучаўся ў сярэдняй школе, а затым вывучаў гісторыю ў каледжы Ісуса ў Оксфардзе з 1907 па 1910 гады. У пэрыяд з 1910 па 1914 гады ён працаваў археолягам у Брытанскім музэі, галоўным чынам у Каркемішы, што на той час месьцілася ў Асманскай Сырыі.

Неўзабаве пасьля пачатку вайны ў 1914 годзе ён пайшоў добраахвотнікам у брытанскае войска і працаваў у Арабскім бюро, створаным у 1916 годзе ў Эгіпце. У 1916 годзе ён падарожнічаў у Мэсапатамію і Арабію зь місіямі выведкі і хутка ўключыўся ў арабскае паўстаньне ў якасьці сувязнога з арабскімі сіламі разам зь іншымі брытанскімі афіцэрамі, падтрымліваючы вайну за незалежнасьць арабскага каралеўства Гіджаз ад Асманскае імпэрыі. Ён цесна супрацоўнічаў з эмірам Фэйсалам, лідэрам паўстаньня, і ўдзельнічаў, часам у якасьці кіраўніка, у ваенных дзеяньнях супраць асманскіх узброеных сілаў, што скончылася захопам Дамаску ў кастрычніку 1918 году.

Па сканчэньні вайны Лоўрэнс далучыўся да брытанскага міністэрства замежных справаў, працуючы з брытанскім урадам і з Фэйсалам. У 1922 годзе ён адышоў ад грамадзкага жыцьця і да 1935 году служыў вайскоўцам, у асноўным у Каралеўскіх вайскова-паветраных сілах. У гэты час ён апублікаваў у 1926 годзе сваю самую вядомую працу «Сем слупоў мудрасьці», аўтабіяграфічны аповяд пра ягоны ўдзел у паўстаньні арабаў. У 1935 годзе Лоўрэнс быў сьмяротна паранены ў аварыі на матацыкле ў Дорсэце.

Крыніцы

^ ^а ^б Weintraub S. T.E. Lawrence // Encyclopædia Britannica (анг.)
^ ^а ^б Lundy D. R. Lt.-Col. Thomas Edward Lawrence // The Peerage (анг.)
^ Thomas Edward Lawrence // Catalogue of the Library of the Pontifical University of the Holy Cross
^ Lawrence rarity sells for £18,000 (анг.) // BBC News Online — 2001.
^ T. E. (Thomas Edward) Lawrence // Энцыкляпэдыя Бракгаўза (ням.)
^ http://www.stnicholasmoreton.org.uk/about/4579459938
^ ^а ^б Lundy D. R. The Peerage (анг.)
^ Lawrence, Thomas Edward // CONOR.SI

Вонкавыя спасылкі

Таварыства імя Т. Э. Лоўрэнса.

Гэта — накід артыкула. Вы можаце дапамагчы Вікіпэдыі, пашырыўшы яго.

[_3f15efd599366a28-1] а ^б Weintraub S. T.E. Lawrence // Encyclopædia Britannica (анг.)

[_0c985e43d2c29074-2] а ^б Lundy D. R. Lt.-Col. Thomas Edward Lawrence // The Peerage (анг.)

[_14679a828e5bf491-3] Thomas Edward Lawrence // Catalogue of the Library of the Pontifical University of the Holy Cross

[_58b1c01cabc80d4a-4] Lawrence rarity sells for £18,000 (анг.) // BBC News Online — 2001.

[_752eed253965814c-5] T. E. (Thomas Edward) Lawrence // Энцыкляпэдыя Бракгаўза (ням.)

[_d50a1ee56554be89-6] ttp://www.stnicholasmoreton.org.uk/about/4579459938

[_9214fbeb1b36cf61-7] а ^б Lundy D. R. The Peerage (анг.)

[_0483152983ebc8fe-8] Lawrence, Thomas Edward // CONOR.SI

[1]

[2]

[3]

[4]

[5]

[6]

[7]

[8]