Парлямэнт Эстоніі

Дзяржаўны сход Эстоніі
эст. Riigikogu
Дата ўтварэньня	23 красавіка 1919 (105 гадоў таму)
Тып	аднапалатны
Юрыдычны статус	парлямэнт
Штаб-кватэра	Талін, Палацавая плошча, д. 1а
Афіцыйныя мовы	эстонская
Старшыня	Эйкі Нестар
Колькасьць супрацоўнікаў	101 дэпутат
Сайт	riigikogu.ee

Эстонская палітыка

артыкул з сэрыі
Дзяржаўны лад Эстоніі
Герб Эстоніі
Выканаўчая ўлада Прэзыдэнт Тоомас Хэндрык Ільвэс Прэм’ер-міністар Тааві Рыйвас Урад
Заканадаўчая ўлада Парлямэнт
Судовая ўлада Вярхоўны суд Канцлер юстыцыі
Выбары 2015 2019 Партыі
Мясцовае кіраваньне Адміністрацыйна-тэрытарыяльны падзел Паветы Гарады Воласьці
Іншае Дэклярацыя сувэрэнітэту Правы чалавека ў Эстоніі Сьпяваючая рэвалюцыя

Заля парлямэнта

Дзяржаўны сход Эстоніі (эст. Riigikogu, трансьліт. Рыйгікогу) — заканадаўчы орган (парлямэнт) Эстонскай Рэспублікі, вышэйшы орган дзяржаўнай улады Эстоніі.

Рыйгікогу ажыцьцяўляе заканатворчую дзейнасьць, абірае, самастойна ці, калі неабходна, разам з прадстаўнікамі мясцовых органаў улады ў складзе шырокай калегіі выбарцаў, прэзыдэнта Эстоніі, зацьвярджае прызначэньні вышэйшых службовых асобаў дзяржавы, уключаючы прэм’ер-міністра, старшыні Дзяржаўнага суду, старшыні рады Банка Эстоніі, дзяржаўнага кантролера, канцлера юстыцыі й камандуючага абарончымі сіламі, ратыфікуе й дэнансуе міжнародныя дамовы, устанаўлівае падаткі й зацьвярджае дзяржаўны бюджэт, кантралюе дзейнасьць выканаўчых органаў улады.

У склад Рыйгікогу ўваходзіць 101 дэпутат.

Гісторыя

У красавіку 1919 г. адчыніўся Ўстаноўчы сход Эстоніі. Першыя выбары адбыліся ў 1920 годзе. Да 1932 г. дэпутатаў абіралі паводле прапарцыйнай сыстэмы. У 1938 г. Дзяржаўны сход Эстоніі падзялілі на 2 палаты: Палату дэпутатаў і Дзяржаўную раду.

У верасьні 1992 г. пасьля адновы незалежнасьці прайшлі выбары 101 дэпутата ў Дзяржаўны сход Эстоніі.

На выбарах 6 сакавіка 2011 г. наймаладзейшым дэпутатам стаў 24-гадовы Яўген Асіноўскі, які меў беларускае паходжаньне і выбраўся ў Нарве ад Сацыял-дэмакратычнай партыі.

Галерэя

• 
  Будынак Парлямэнту (1)
• 
  Будынак Парлямэнту (2)
• 
  Заля Парлямэнту (1)

Вонкавыя спасылкі

Парлямэнт Эстоніі — сховішча мультымэдыйных матэрыялаў

• Афіцыйная старонка