Дэклярацыя аб дзяржаўным сувэрэнітэце Эстоніі

Зьвесткі зь Вікіпэдыі — вольнай энцыкляпэдыі

Дэклярацыя аб дзяржаўным сувэрэнітэце Эстоніі (па-эстонску: Suveräänsusdeklaratsioon), афіцыйна Дэклярацыя аб сувэрэнітэце Эстонскай ССР (Deklaratsioon Eesti NSV suveräänsusest) была абвешчаная 16 лістапада 1988 року[1] ў часе Сьпеўнае рэвалюцыі. Дэклярацыя абвяшчала сувэрэнітэт Эстоніі і вяршынства эстонскіх законаў над савецкімі[2]. Эстонскі парлямэнт таксама заявіў правы на прыродныя рэсурсы рэспублікі: зямлю, унутраныя воды, лясы, мінэральныя радовішчы і сродкі прамысловай вытворчасьці, сельскай гаспадаркі, будаўніцтва, дзяржаўныя банкі, транспартную інфраструктуру, камунальную гаспадарку і да т. п. у межах эстонскіх граніцаў[2]. Дзень 16 лістапада адзначаецца ў Эстоніі як «Дзень абвяшчэньня сувэрэнітэту».

Пасьля пачатку спробы дзяржаўнага перавароту ў СССР у Эстоніі 20 жніўня 1991 была абвешчаная незалежнасьць[3]. 6 верасьня 1991 СССР прызнаў незалежнасьць Эстоніі, і 17 верасьня краіна была прынятая ў ААН[4].

Крыніцы[рэдагаваць | рэдагаваць крыніцу]

  1. ^  Frankowski, Stanisław Legal reform in post-communist Europe. — Martinus Nijhoff Publishers, 1995. — С. 84. — ISBN 0-7923-3218-0
  2. ^ а б  Walker, Edward Dissolution. — Rowman & Littlefield, 2003. — С. 63. — ISBN 0-7425-2453-1
  3. ^  Miljan, Toivo Historical Dictionary of Estonia. — Scarecrow Press, 2004. — ISBN 0-8108-4904-6
  4. ^ Europa Publications Limited, Eastern Europe and the Commonwealth of Independent States 1999. — 1999. — С. 333. — ISBN 1-85743-058-1