Падсьвільле
| Падсьвільле | |||||
| |||||
| Вобласьць: | Віцебская | ||||
| Раён: | Глыбоцкі | ||||
| Пасялковы савет: | Падсьвільскі | ||||
| Насельніцтва: | 2,6 тыс. (2007) | ||||
| Тэлефонны код: | +375 2156 | ||||
| Паштовы індэкс: | 211797 | ||||
| Геаграфічныя каардынаты: | 55°08′50″ пн. ш. 27°58′38″ у. д. / 55.14722° пн. ш. 27.97722° у. д.Каардынаты: 55°08′50″ пн. ш. 27°58′38″ у. д. / 55.14722° пн. ш. 27.97722° у. д. | ||||
Падсьвільле на мапе Беларусі   Падсьвільле | |||||
 Галерэя здымкаў у Wikimedia Commons
| |||||
Падсьві́льле — мястэчка ў Беларусі, на берагох азёраў Алаізбэрг і Белае. Цэнтар пассавету Глыбоцкага раёну Віцебскай вобласьці. Насельніцтва 2,6 тыс. чал. (2007). Знаходзіцца за 26 км на ўсход ад Глыбокага, за 194 км ад Віцебску. Чыгуначная станцыя на лініі Маладэчна — Полацак.
Назва
Мястэчка мае назву-арыенцір — мясьціна каля вёсак Сьвілы, Сьвіль[1].
Гісторыя
Першы пісьмовы ўспамін пра Падсьвільле мае зьвязкі з другім падзелам Рэчы Паспалітай (1793), каля вёска апынулася ў складзе Расейскай імпэрыі, у Пліскай воласьці Дзісенскага павету (з 1842 Віленскай губэрні).
Станам на 1913 у Падсьвільлі было 9 двароў і фальварак Алаізбэрг з 3 дварамі. З пракладаньнем чыгункі Маладэчна — Полацак у вёсцы адкрылася чыгуначная станцыя, што істотна паскорыла яе разьвіцьцё.
Згодна з Рыскай мірнай дамовай (1921) Падсьвільле апынулася ў складзе міжваеннай Польскай Рэспублікі, у Дзісенскім павеце Віленскага ваяводзтва. Тут збудавалі гаспадарчыя пабудовы і стайні для пагранічных войскаў.
У 1939 Падсьвільле ўвайшло ў БССР, у Пліскі раён Вялейскай вобласьці. У Другую сусьветную вайну з чэрвеня 1941 да 2 ліпеня 1944 вёска знаходзілася пад нямецкай акупацыяй.
У 1944 Падсьвільле ўвайшло ў склад Полацкай, у 1954 Маладэчанскай вобласьці, цягам 1950—1962 была цэнтрам Пліскага раёну. 28 чэрвеня 1958 паселішча атрымала афіцыйны статус пасёлку гарадзкога тыпу, з 1962 у Глыбоцкім раёне.
Насельніцтва
.jpg)
- XX стагодзьдзе: 1998 — 3 тыс. чал.[2]
- XXI стагодзьдзе: 2006 — 2,6 тыс. чал.; 2007 — 2,6 тыс. чал.
Інфраструктура
У Падсьвільлі працуюць сярэдняя і дзіцячая музычная школы, дашкольная ўстанова, лякарня, паліклініка, дом культуры, 2 бібліятэкі, пошта і інш.
Эканоміка
Прадпрыемствы харчовай (камунальнае УП «Завод харчовых прадуктаў», вытворчая дзялянка Глыбоцкага камбікормавага заводу), лёгкай (ільнозавод) галінаў прамысловасьці. Працуюць Дзьвінская экспэрымэнтальная база Інстытуту лесу Нацыянальнай АН Беларусі, ПМК Мінсельбуду, філія АСБ «Беларусбанк», 15 прадпрыемстваў гандлю і 1 — грамадзкага хачаваньня.
Турыстычная інфармацыя
Падсьвільле — цэнтар дзіцяча-юнацкага турызму і экскурсіяў[3].
Выдатныя мясьціны
- Гістарычная забудова ў г.зв. «Закапанскім стылі»
- Могілкі польскіх жаўнераў
У міжваенны пэрыяд у Падсьвільлі існаваў касьцёл (не захаваўся), у наш час у мястэчку збудавалі новы касьцёл Найсьв. Сэрца Езуса.
Вядомыя асобы
У Падсьвільлі знаходзіцца магіла Міхала Фалькоўскага (1839—1930) — удзельніка нацыянальна-вызвольнага
Крыніцы
- ^ Краткий топонимический словарь Белоруссии / В.А. Жучкевич. — Мн.: Изд-во БГУ, 1974. — 448 с. С. 298.
- ^ Язэп Бунто. Падсвілле // ЭГБ. — Мн.: 1999 Т. 5. С. 375.
- ^ Подсвилье // Туристская энциклопедия Беларуси. — Мн., 2007.
Літаратура
- Памяць: Гіст.-дакум. хроніка Глыбоцкага р-на. — Мн.: БелЭн, 1995. — 454 с. ISBN 985-11-0014-5.
- Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1999. — Т. 5: М — Пуд. — 592 с. — ISBN 985-11-0141-9
- Марцынкевіч, Р. Падсвілле // «Веснік Глыбоччыны», 30 кастрычніка 2002. С. 3.
Вонкавыя спасылкі
Падсьвільле — сховішча мультымэдыйных матэрыялаў