Народная партыя — Рух за дэмакратычную Славаччыну
| Народная партыя — Рух за дэмакратычную Славаччыну | |
| Ľudová strana – Hnutie za demokratické Slovensko | |
 | |
| Лідэр партыі | Уладзімір Мэч’яр |
|---|---|
| Дата заснаваньня | 27 красавіка 1991 |
| Распушчаная | 11 студзеня 2014 |
| Штаб-кватэра |
Томашыкава 32/A 83000 Браціслава |
| Ідэалёгія | нацыянал-кансэрватызм, папулізм |
| Колькасьць дэпутатаў | |
| · Эўрапарлямэнт |
1 / 13 |
| · Нацыянальная рада |
0 / 150 |
| Орган партыйнага друку | Naše Slovensko |
| Афіцыйны сайт | www.hzds.sk |
Народная партыя — Рух за дэмакратычную Славаччыну (па-славацку: Ľudová strana — Hnutie za demokratické Slovensko — ĽS-HZDS; да 2003 — Рух за дэмакратычную Славаччыну, РЗДС) — палітычная партыя ў Славаччыне ў 1991—2014 роках. Нязьменным кіраўніком на працягу існаваньня быў Уладзімер Мэч’яр.
Мінуўшчына
[рэдагаваць | рэдагаваць код]Пачатак існаваньня партыі быў пакладзены 5 сакавіка 1991 году. Мэтай новага грамадзкага аб’яднаньня «За дэмакратычную Славаччыну», створанага чальцамі руху «Грамадзкасьць супраць гвалту» — славацкага аналяга Гражданскага форума — стала падтрымка прэм’ер-міністра Славацкай Сацыялістычнай Рэспублікі Ўладзіміра Мэч’яра. 3 траўня новы рух быў зарэгістраваны, аднак ужо 6 траўня Мэч’яр быў вымушаны сыйсьці з пасады прэм’ер-міністра. Першы зьезд партыі прайшоў 22 чэрвеня 1991 году ў Банскай Быстрыцы. У 1992 годзе партыя дамаглася значнага посьпеху на парлямэнцкіх выбарах, атрымаўшы 37,26% галасоў і прасунуўшы 74 дэпутата ў Славацкую Нацыянальную раду ЧСР. З 1992 па 1998 партыя была кіруючай (зь невялікім перапынкам у 1994 годзе), пасьля чаго перайшла ў апазыцыю. Намесьнікам партыі з моманту яе заснаваньня зьяўляецца Ўладзімір Мэч’яр.
У чэрвені 2003 году на зьезьдзе ў Пухаве назва партыі была зьмененая на Народная партыя — Рух за дэмакратычную Славаччыну.
У 2006 годзе перамогшая на выбарах левацэнтрысцкая партыя «Курс — сацыяльная дэмакратыя» на чале з Робэртам Фіца сфармавала кіруючую кааліцю з удзелам РЗДС і нацыяналістычнай Славацкай нацыянальнай партыі. Партыя мела два міністэрскіх партфэля — фінансаў і сельскай гаспадаркі. Партыя прадстаўлена ў Эўрапейскім парлямэнце адным дэпутатам з 13 месцаў, прызначаных для Славаччыны (у 2004—2009 партыя была прадстаўлена 3 дэпутатамі з 14 месцаў, прызначаных для Славаччыны ў гэты пэрыяд). У цяпершані час прадстаўніком РЗДС у Эўрапарлямэнце зьяўляецца Сергей Козьлік[1].
На парлямэнцкіх выбарах 12 чэрвеня 2010 году партыя ня здолела пераадолець пяціадсоткавы бар’ер (яна атрымала 109 480 (4,32%) галасоў) і ўпершыню пазбавілася прадстаўніцтва ў парлямэнце. На наступных выбарах у 2012 року партыя атрымала яшчэ меншую падтрымку выбарцаў — 0,93% галасоў. Тады сход партыі ў наступным року скасаваў пасаду старшыні і перадаў кіраваньне партыяй палітбюро. У адказ на гэта Ўладзімер Мэч’яр выйшаў з партыі[2].
11 студзеня 2014 пазачарговы сойм у Жыліне абвясьціў пра дабраахвотную ліквідацыю партыі і стварэньне новае з назваю Партыя дэмакратычнай Славаччыны[3].
Вынікі на выбарах
[рэдагаваць | рэдагаваць код]| Рок выбараў | Выбары ў | Галасоў, % | Атрымана мандатаў | Месца на выбарах | Статус |
|---|---|---|---|---|---|
| 1992 | Народная Рада Славаччыны | 37,26% | 74 | першае | кааліцыя з SNS |
| 1994 * | Народная Рада Славаччыны | 34,94% | 61 | першае | кааліцыя з ZRS і SNS |
| 1998 | Народная Рада Славаччыны | 27,00% | 43 | першае | апазыцыя ** |
| 2002 | Народная Рада Славаччыны | 19,50% | 36 | першае | апазыцыя ** |
| 2004 | Эўрапейскі парлямэнт | 17,04% | 3 | другое | незалежны ўдзел |
| 2006 | Народная Рада Славаччыны | 8,79% | 15 | пятае | кааліцыя з SMER і SNS |
| 2009 | Эўрапейскі парлямэнт | 8,97% | 1 | пятае | удзел у фракцыі ALDE |
| 2010 | Народная Рада Славаччыны | 4,32% | 0 | восьмае | адсутнасьць у парлямэнце |
| 2012 | Народная Рада Славаччыны | 0,93% | 0 | трынаццатае | адсутнасьць у парлямэнце |
* партыя ўдзельнічала ў выбарах у кааліцыі з Аграрнай партыяй Славаччыны
** партыя ў адсутнасьць партнэраў апынулася ў меншасьці супраць кааліцыі іншых партыяў
Крыніцы
[рэдагаваць | рэдагаваць код]- ↑ Your MEPs: Sergej KOZLÍK (анг.)
- ↑ Vladimír Mečiar dal zbohom HZDS, nechce byť pri jej bankrote (славацк.). SITA Slovenská tlačová agentúra (12 сьнежня 2013). Праверана 26 сакавіка 2014 г.
- ↑ Mimoriadny snem ĽS-HZDS rozhodol o zrušení strany (славацк.). TASR (11 студзеня 2014). Праверана 26 сакавіка 2014 г.
Вонкавыя спасылкі
[рэдагаваць | рэдагаваць код]- Афіцыйны сайт партыі (славацк.) (анг.)
- Рэестар партыяў Міністэрства ўнутраных справаў
 |
Гэта — накід артыкула пра Славаччыну. Вы можаце дапамагчы Вікіпэдыі, пашырыўшы яго. |