Партыя вугорскай грамады

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Партыя вугорскай грамады
Strana maďarskej komunity
Magyar Közösség Pártja
Party of the hungarian coalition logo.jpg
Лідэр партыі Ёжэш Бэрэньі
Дата заснаваньня 1998
Штаб-кватэра Чаякава, 8
811 05 Браціслава
Ідэалёгія абарона інтарэсаў вугорскага насельніцтва, хрысьціянская дэмакратыя, лібэральны кансэрватызм
Інтэрнацыянал Эўрапейская народная партыя
Колькасьць дэпутатаў
· Эўрапарлямэнт
2 / 13
· Нацыянальная рада
0 / 150
Афіцыйны сайт www.mkp.sk

Па́ртыя вуго́рскай грамады́ (па-славацку: Strana maďarskej komunity, па-вугорску: Magyar Közösség Pártja), да 2012 — Партыя вугорскай кааліцыі (славац. Strana maďarskej koalície, вуг. Magyar Koalíció Pártja) — правацэнтрысцкая палітычная партыя, якая прадстаўляе інтарэсы вугорцаў Славаччыны. Партыя была заснаваная трыма невялікімі партыямі вугорскай нацыянальнай меншасьці ў 1998 годзе. Нагодай для стварэньня адзінай партыі стала прыняцьце закона, які забараняў фармаваньне кароткачасовых палітычных аб’яднаньняў незадоўга да выбараў.

Мінуўшчына[рэдагаваць | рэдагаваць крыніцу]

Першым старшынём партыі стаў Бэла Бугар, якога ў 2007 годзе зьмяніў Пал Чакі. У 2009 годзе выйшлы з партыі Бугар стварыў сваю партыю «Most-Híd» (Мост), якая выступала за міжнацыянальны мір і супрацоўніцтва паміж славакамі і вугорцамі.

У 19982006 гадах партыя ўваходзіла ў склад урада Мікулаша Дзурынды, дзе была прадстаўленая 4 міністрамі (Пал Чакі быў міністрам па эўрапейскай інтэграцыі і правам нацыянальных меншасьцяў, Ласла Міклаш — міністрам навакольнага асяродзьдзя, Ласла Дзюроўскі — міністрам рэгіянальнага разьвіцьця, Жолт Шыман — міністрам сельскай гаспадаркі). У 20062010 ПВК знаходзілася ў апазыцыі ўраду Робэрта Фіца, у склад якога ўваходзіць нацыяналістычная Славацкая нацыянальная партыя.

На парлямэнцкіх выбарах 12 чэрвеня 2010 году партыя ня здолела пераадолець пяціадсоткавы бар’ер (яна атрымала 109 639 (4,33%) галасоў) і пазбавілася старшынства ў парлямэнце. ПВК прадстаўлена ў Эўрапарлямэнце двумя дэпутатамі. З 2000 году ПВК далучылася да Эўрапейскай народнай партыі.

Удзел у выбарах[рэдагаваць | рэдагаваць крыніцу]

Рок выбараў Выбары ў Галасоў, % Атрымана мандатаў Месца на выбарах Статус
1998 Народная Рада 9,12% 15 чацьвертае Упершыню
2002 Народная Рада 11,16% 20 чацьвертае Green Arrow Up Darker.svg 5
2004 Эўрапейскі парлямэнт 13,24% 2 пятае Упершыню
2006 Народная Рада 11,68% 20 чацьвертае =
2009 Эўрапейскі парлямэнт 11,33% 2 трэцяе =
2010 Народная Рада 4,33% 0 сёмае Red Arrow Down.svg 20
2012 Народная Рада 4,28% 0 восьмае =

Вонкавыя спасылкі[рэдагаваць | рэдагаваць крыніцу]