Міжнародны дзелавы альянс

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
«Міжнародны дзелавы альянс»
Logo IBA Group.jpg
Тып Закрытае акцыянэрнае таварыства
Дэвіз Лепшыя рашэньні для вашага бізнэсу
Заснаваная 5 лютага 1993 (26 гадоў таму)
Заснавальнікі «НДІ ЭВМ», «МВАВТ», IBM
Краіна Чэхія
Разьмяшчэньне Прага (Чэхія)
Ключавыя фігуры Сяргей Ляўцееў(en)
Галіна Інфармацыйныя тэхналёгіі
Прадукцыя Праграмнае забесьпячэньне
Абарачэньне $100,5 млн (2014)
Апэрацыйны прыбытак 486 577 000 чэская крона (2015)
Чысты прыбытак 366 062 000 чэская крона (2015)
Лік супрацоўнікаў 2700 (2015)
Матчына кампанія «НДІ ЭВМ», «МВАВТ»

«Міжнародны дзелавы альянс» (анг. International Business Alliance, IBA) — транснацыянальная карпарацыя Чэхіі ў галіне распрацоўкі апраграмаваньня, заснаваная ў Беларусі ў лютым 1993 году. 6 сьнежня 2005 г. галаўную сядзібу перанесьлі зь Менску ў Прагу. На 2015 г. меў асяродкі распрацоўкі ў Беларусі (Гомель, Менск), Казахстане (Астана), Славаччыне (Браціслава) і Чэхіі (Брно, Острава, Прага). Прадстаўніцтвы знаходзіліся ў Ангельшчыне (Лёндан), ЗША (Сан-Хасэ, шт. Каліфорнія), на Кіпры (Лімасол), у Нямеччыне (Дусэльдорф), Паўднёвай Афрыцы (Яганэсбург), Расеі (Масква) і Ўкраіне (Кіеў).

Уласныя прадукты[рэдагаваць | рэдагаваць крыніцу]

  • «ASE» — праграма відэаназіраньня
  • Банкаматны плацеж (анг. ATMPayment) — праграма для банкамата
  • Гаспадар чаргі (анг. QueueMaster) — праграма кіраваньня чаргой кліентаў
  • Інтэрнэт-банкінг(en) — праграма банкаўскага абслугоўваньня празь Сеціва
  • Мабільны банкінг(en) — праграма для атрыманьня банкаўскіх паслуг шляхам сотавай сувязі
  • MonitoringSystem (бел. Спосаб нагляду) — праграма кіраваньня банкаўскімі тэрміналамі
  • «Мэтрыкс» — праграма ўліку і вымярэньня на вытворчасьці
  • Плацежны тэрмінал (анг. PaymentTerminal) — праграма для плацяжоў
  • СМС-банкінг — праграма банкаўскага абслугоўваньня праз кароткія паведамленьні
  • «ЭД-Канэктар» — праграма электроннага падатковага дэкляраваньня

Мінуўшчына[рэдагаваць | рэдагаваць крыніцу]

Будынак «НДІ ЭВМ», дзе месьціцца «Міжнародны дзелавы альянс» (Менск, 2019 г.

У лютым 1993 г. Навукова-дасьледчы інстытут электронных вылічальных машынаў (НДІ ЭВМ), Менскае вытворчае аб’яднаньне вылічальнай тэхнікі (МВАВТ) і амэрыканскае прадпрыемства «IBM» (анг. International Business Machines — Міжнародныя дзелавыя машыны; Норт Касл(en), Ўэстчэстэрская акруга(en), штат Нью-Ёрк) заснавалі ў Менску сумеснае ЗАТ «Міжнародны дзелавы альянс» (анг. IBA) у будынку «НДІ ЭВМ» (вул. Багдановіча, д. 155). 2 красавіка сумеснае прадпрыемства (СП) з 4 супрацоўнікаў пачало расейскі пераклад амэрыканскай апэрацыйнай сыстэмы OS/2, які скончыла ў 1996 годзе. У 1994 г. 6 праграмістаў прыступілі да падтрымкі апраграмаваньня IBM, якой да 2000 г. сталі займацца звыш 120 адмыслоўцаў. Адначасна стварылі вылічальны асяродак на аснове сэрвэраў IBM (S/390(en), AS/400(en), RS/6000(en)). У 1995 г. «Міжнародны дзелавы альянс» атрымаў заказ ад амэрыканскага прадпрыемства «Комп'ювэар»(en) (Дэтройт, шт. Мічыган) на расейскі пераклад дакумэнтацыі да мовы праграмаваньня Юніфэйс(en). Адначасна пачалася праца над апраграмаваньнем для міжбанкаўскіх плацяжоў на замову Нацыянальнага банка Рэспублікі Беларусь. Лік супрацоўнікаў дасягнуў 50 чалавек. У 1996 г. прадпрыемства адчыніла прадстаўніцтва ў Расеі (Масква) і ператварылася ў таварыства з абмежаванай адказнасьцю. Карпаратыўная сетка дасягнула 140 супрацоўнікаў і перайшла да выкарыстаньня праграмы для супрацы(en) Lotus Notes. Таксама «Міжнародны дзелавы альянс» пачаў распрацоўку дастасаваньняў плянаваньня сродкаў прадпрыемства(en) SAP R/3(en), якія да 2002 году пастаўляў на Беларускі мэталюргічны завод (Жлобін, Гомельская вобласьць). У сьнежні 30 праграмістаў пачалі ўдзел у распрацоўцы для IBM інтэрфэйсу праграмаваньня дастасаваньня(en) (ІПД; анг. API) ЯваБаб́ы(en), які доўжыўся да сьнежня 2000 году.

Уваход у будынак «НДІ ЭВМ», дзе месьціцца «Міжнародны дзелавы альянс» (Менск, 2019 г.

У 1997 г. адчынілі даччынае ТАА «Інфармацыйныя вытворчыя архітэктуры» (І.В.А.; анг. Intelligent systems, IS). Пачалася распрацоўка банкаматаў, плацежных тэрміналаў і працэсінгавага асяродка аплатных картак для «Беларусбанка», якую скончылі ў 2002 годзе. Лік супрацоўнікаў вырас да 190 чалавек. У 1998 г. адчыніліся прадстаўніцтва ў ЗША (Мэльбурн(en), шт. Флорыда) і сайт прадпрыемства. Лік супрацоўнікаў дасягнуў 250 асобаў. У 1999 г. зьявілася прадстаўніцтва ў Чэхіі (Прага) і сумесная працоўня ў Беларускім дзяржаўным унівэрсытэце інфарматыкі і радыёэлектронікі. У 2000 г. адчынілася прадстаўніцтва ў Нямеччыне (Дусэльдорф, зямля Паўночны Райн — Вэстфалія). Каля 600 супрацоўнікаў выканалі звыш 100 распрацовак для пакупнікоў у 15 краінах. 26 ліпеня 2001 г. адчынілі падразьдзяленьне ў Гомелі і сумесную працоўню ў Беларускім дзяржаўным унівэрсытэце. Сетка прадпрыемства злучыла звыш 1000 супрацоўнікаў. Пачалася распрацоўка аплатных тэрміналаў для «Слаўнафтабанка». У 2002 г. адчынілі навучальны асяродак і ўстанавілі 100-ы банкамат. У 2003 г. заснавалі падразьдзяленьне ў Наваполацку (Віцебская вобласьць) і сумесную працоўню ў Гомельскім дзяржаўным унівэрсытэце. У 2004 г. адчынілі падразьдзяленьне ў Магілёве. У 2008 г. адчынілі сядзібу ў Брне (Паўднёвамараўскі край, Чэхія) і распрацавалі ўласную праграму «Мабільны банкінг». 12 красавіка 2012 г. заснавалі прадстаўніцтва ва Ўкраіне (Кіеў). 28 красавіка — ў Ангельшчыне (Лёндан). 1 лістапада прадставілі праграму дакумэнтаабарота «Воблачны канцлер». 1 траўня 2015 г. заснавалі сядзібу ў Славакіі (Браціслава). 1 чэрвеня — асяродак распрацоўкі ў Остраве (Мараўска-сылескі край, Чэхія)[1].

Крыніцы[рэдагаваць | рэдагаваць крыніцу]

  1. ^ «Штодзёньнік». IBA Group адкрыла новы офіс распрацовак у чэскай Остраве // Газэта «Наша ніва», 10 чэрвеня 2015 г. Праверана 7 ліпеня 2015 г.

Вонкавыя спасылкі[рэдагаваць | рэдагаваць крыніцу]