Мужчынская зборная Расеі па хакеі
| Расея | |
| Фэдэрацыя | Фэдэрацыя хакею Расеі |
|---|---|
| Трэнэр | Алег Знарок |
| Капітан | Аляксандар Авечкін |
| Найбольш гульняў | Аляксандар Пракоп’еў (156) |
| Найбольш шайбаў | Ільля Кавальчук (102) |
| Рэйтынг ІІХФ | 2 |
| Максымум ІІХФ | 1 (2009) |
| Мінімум ІІХФ | 7 (2004) |
| Колеры | |
| |
| Форма | |
|
| |
| Першая гульня | |
Расея  2:2  Швэцыя(Санкт-Пецярбург, Расея — 12 красавіка 1992) | |
| Найбуйнейшая перамога | |
Расея  12:3  Вялікабрытанія (Бальцана, Італія — 26 красавіка 1994) | |
| Найбуйнейшая параза | |
Славаччына  9:1 Расея(Шамані, Францыя — 29 сьнежня 1993) | |
| Чэмпіянаты сьвету | |
| Удзелаў | 25 (упершыню ў 1992) |
| Дасягненьні | чэмпіён (1993, 2008, 2009, 2012, 2014) |
| Алімпійскія гульні | |
| Удзелаў | 6 (упершыню ў 1994) |
| Мэдалёў | срэбра (1998), бронза (2002) |
| Міжнародныя выступы (П—Н—П) | |
| 326—173—45 | |
Збо́рная Расе́і па хаке́і — нацыянальная хакейная каманда Расеі. У рэйтынгу ІІХФ за 2014 год знаходзілася на 3 месцы[1]. Кіроўны орган — Фэдэрацыя хакею Расеі, галоўным трэнэрам зьяўляецца Алег Знарок. Зборная Расеі зьяўляецца правапераемніцай зборнай СССР.
У 2009 годзе тройку намінантаў на Мэмарыяльны трафэй Гарта, які атрымлівае самы каштоўны гулец у Нацыянальнай хакейнай лізе, склалі прадстаўнікі зборнай Расеі: Аляксандар Авечкін, Павал Дацюк і Яўген Малкін.
Мінуўшчына
[рэдагаваць | рэдагаваць код]На зімовых Алімпійскіх гульнях 1992 году ў Альбэрвілі, якія праходзілі празь некалькі тыдняў пасьля распаду СССР, выступала гэтак званая Аб’яднаная каманда, якая ў хакейным турніры фактычна і была прадстаўлена зборнай Расеі. Пад кіраўніцтвам ранейшага трэнэра зборнай СССР Віктара Ціханава Аб’яднаная каманда здолела атрымаць золата.
Для ўдзелу ў дэбютным чэмпіянаце сьвету 1992 году ў Чэхаславаччыне пад кіраўніцтвам Віктара Ціханава была сфармавана ўжо зборная Расеі. На чэмпіянаце сьвету расейцы ўпэўнена выйшлі з групы, заняўшы першае месца, але ў чвэрцьфінале саступілі зборнай Швэцыі (0:2).
_06.jpg)
На чэмпіянаце сьвету 1993 году ў Нямеччыне расейскія хакеісты выступілі ня вельмі ўдала: нічыя 2:2 са зборнай Італіі, параза 2:5 ад швэдаў, але ўсё ж такі выйшлі з трэцяга месца ў плэй-оф. У чвэрцьфінале расейцы ўпэўнена разабраліся з гаспадарамі турніру — 5:1, у паўфінале ў відовішчным матчы былі абыграны канадцы (7:4), у складзе якіх былі такія вядомыя гульцы як Майк Гартнэр, Род Брындамор, Марк Рэкі, маладыя Пол Карыя і Эрык Ліндрас. У мюнхэнскім фінале зборная Расеі ўзяла рэванш у швэдаў (3:1) і ўпершыню ў сваё незалежнай гісторыі стала чэмпіёнамі сьвету.
На алімпійскім турніры 1994 году ў Нарвэгіі склад расейскай зборнай быў сфармаваны ў асноўным з гульцоў айчыннага чэмпіянату, у той час як некаторыя зоркавыя гульцы заставаліся ў НХЛ. З гэтае прычыны зборная паказала слабы вынік, то бок 2 паразы на групавым этапе (адна зь іх параза зборнай Фінляндыі зь лікам 0:5). Канчаткова зборная Ціханава заняла 4-е месца, пасьля чаго галоўны трэнэр быў звольнены са сваёй пасады.
У наступныя гады расейскія хакеісты паказвалі ня вельмі добрыя вынікі, займаючы 4 і 5 радкі, а на хатнім чэмпіянаце сьвету 2000 году ў Санкт-Пецярбургу нават супыніліся на 11 месцы. Аднак, у апошнія гады вынікі зборнай Расеі значна палепшыліся, аб чым кажа чэмпіёнскія вынікі ў 2008, 2009 і 2012 гадох, срэбраныя мэдалі 2010 году і бронзавыя — 2005 і 2007.
Крыніцы
[рэдагаваць | рэдагаваць код]- ↑ 2014 Men’s World Ranking (анг.) World Ranking Men’s World Ranking. International Ice hockey Federation. Праверана 26 траўня 2014 г.
Вонкавыя спасылкі
[рэдагаваць | рэдагаваць код]
| |||||||||||||||||